عرض للطباعة
السلام عليكم ورحمة الله وبركاته
فى ظل الاخيار المتداوله عن الغاء الجمارك نهائيا عن السيارات الاوروبية مطلع 2019 هل ياترى نتوقع حدوث مذبحة للسيارات اليابانية والكورية والصينية فى السوق المصريه(مع العلم ان سعر السيارات الاروبيه سيقل بتسبة50%الى 66% تقريبا لل 1600 سىى سى و 221% فوق 1600 حتى 2000 ؟
زهل سيجدث ذلك انتعاشا كبيرا فى سوق السايارات وحكتى البيع والشراء ام ان الغاء دعم الطاقة وخصوصا المواد البتروليه سيثق حائلا دون ذلك ؟
ارجو المشاركة بالاراء وشكرا
علشان الموضوع ده يتم لازم تكهن العربيات القديمه اللى لسه شغاله
زى دول اوروبا والا الوضع حيكون سىء لان اللى معاه مستعمل حيبيع ويشترى جديد واللى معندوش حيشترى
فتخيل السيارات كل يوم فى ازدياد فما بالك بعد خمس سنوات الوضع حيكون ازاى
لا حول ولا قوة إلا بالله ..مع إحترامي طبعا لشخص حضرتك..وطرح حضرتك للموضوع ..بس حضرتك صعبان عليا قوي ..كمية الأمل اللي جوه حضرتك إن البلد دي هتبقى كويسه وإن أي حد ممكن يركب عربيه بيخليك تصعب عليا فعلا ..
حضرتك رفع الجمارك من على السيارات ده مش بمزاج الحكومه المصرية ..دي إتفاقيات دولية بتتنفذ على مراحل ومتهيألي حضرتك عارف كده
بس اللي حضرتك ما أخدش بالك منه إن كل جنيه بيتشال من جمارك السيارات بيتحط مكانه أتنين جنيه ضرائب ..عارف ..لسه من شهرين قاري خبر إن الجهاز المركزي مسك غلطه على الجمارك إن هي كان المفروض تحصل ضريبه مش عارف من سنة 2005 على كل العربيات اللي داخله البلد ..ولخطأ مهني مكانتش الجمارك بتحصل الضريبه دي ..دلوقتي بقى الجهاز المركزي طالب من الجمارك تحصيل الضريبه دي بأثر رجعي من كل مستوردين السيارات ..طبعا الدنيا مقلوبه ورافعين على بعض قضايا ..اللي هما مستودرين السيارات والجمارك ..يعني حكومة بلدك من دلوقتي بتدور على أي جنيه يدخلوه خزانة الدوله بأي شكل ..أو يدخلوه جيوب اللي ماسكين خزانة الدوله بأي شكل ..وحضرتك جاي دلوقتي تحلم برفع الجمارك من على السيارات ..لا حول ولا قوة إلا بالله ..
يعني من الآخر اللي أنا متوقعه في سنة 2019 ..إن الجمارك هتتشال من على السيارات ..بناء عليه الحكومه مش هتدعم الوقود وده لإن مفيش جمارك على السيارات ..وده من حق الحكومه إنها تعمل كده بناء برضه على إتفاقات دولية ..ضيف بقى الضرائب اللي هتتحط على مبيعات السيارات مكان الجمارك اللي إتشالت ..يعني من الآخر العربيات سعرها هيزيد أو على أٌقل تقدير هيزيد الزياده المعتاده ..والوقود أسعاره هتولع ...
المستقبل للسيارات صغيرة السعه اللترية ..أو التكاتك
اقتباس:
المشاركة الأصلية كتبت بواسطة m_m_sh_a
كلامك واقعي : ) وهوا دا الى بيحصل في مصر .
وتستمر معاناة المواطن المطحون .
ومتنساش ان الجمارك دلو قتي ٤٠٪ بس فيه ضريبة ١٥٪ وممكن تزيد لو اتلغت الجمارك ده غير ان تأجيل قرار إلغاء الجمارك ل٢٠١٩ تم من طرف مصر بدون موافقة الاتحاد الاوروبي والمفروض ان يتم توقيع عقوبات علينا يعني بالطريقة دي ممكن مصر تأجل تاني وتالت
انا بقيت متأكد ان مستحيل البلد دي حتسيبنا نعيش من غير جمارك وبنركب العربيات بسعرها الطبيعي
تقريبا الحل الوحيد هو ان الواحد يسيبلهم البلد ويهاجر وانا بدءت في محاولات جدية للهجرة خلاص
مين اللي قال ان العربيات الاوروبي هاترخص بعد الغاء الجمارك
وهم طبعا
العربيات اسعارها زادت النصف ويمكن اكتر
الاوكتافيا صديق شاريها في 2007 ب118000 الف
سعرها كام حاليا
طبعا هاترخص واليابانيين علشان يستمروا في المنافسه هايبيعوا عربياتهم في مصر بنص التمن وطبعا ده هايكون في حدود سنة 2250 او 2300 ربنا يديلكم طول العمر
هههههههههههههههههههههههه يبدو انى كنت متفائل شكرا للحضراتكم انكم رجعتونى لارض الواقع
إحنا رجعناك لأرض مصر :36_1_2[1]:اقتباس:
المشاركة الأصلية كتبت بواسطة ابوبكر
بالضبط كدة :-)اقتباس:
المشاركة الأصلية كتبت بواسطة memo_p910
وده مش علشان الجمارك اتشالت أو الضرائب قلت لا سمح الله، إنما علشان حنكون البلد الوحيدة اللى لسه فيها عربيات بتمشى على الأرض مش بتطير زى باقى العالم.