اه عجباه عربيتي
انشاء الله هنشوف ايه الامور ونعرض الجيتا لبيع وبعد كده نجيب بس الواحد بيحدد من دلوقت
شكرا علي الرد حضرتك
الجيتا وجع دماغ ولاسف الجيتا اللي عندنا اسوء جيتا نزلت في تاريخ فولكس بالاخص موديلات 2010-2011
لو كانت عندنا جيتا موديلات 2007-2009 كنا استحيل نبيعها وعمتا محدش يتعلم بالساهل وكانت قدامنا الفانتزيا وقعدنا نقارن وجبنا الجيتا لان شكلها احلي من الفانتزيا ومنعرفش الفتيس الزفت ده
عربيه ممتازه الحمد لله خليه يتوكل علي الله
متفقين ان ال DSG وجع دماغ و انها تتباع دلوقتى احسن قبل ما الفتيس يشاور "عقله"
الفكرة ان انا اقصد ان ال md مش هى البديل اللى هتملى عين والدك من بعد الجيتا
بمعنى انه مش هيحس انه عمل نقله بالعكس دا هيفتقد مميزات كانت ف الجيتا
زى ما ف المقابل هياخد مميزات تانية من ال md
لا هو طالما والده مبسوط من ال hd يبقي مؤكد هيتبسط من ال md.
لصاحب الموضوع أنا كان معايا 2012. واسعة و شيك و عفشة حكاية و منظر جميل و كماليات فوق الوصف و فيه منها فيها ايموبيلايزر و لا تتنازل عن ال ايموبيلايزر طبعا.
واطية شوية لكن هتكون أعلي من الجيتا طبعا. بتجري حلو و بتجيب 180 بسهولة. الثبات معقول جدا خصوصا لو جنط 16 أو 17 لكن للأسف لا يقارن ثباتها بال جيتا.
أنا مش لاقيلها عيوب الصراحة غير موضوع أن ضهر العربية بيلعب لما تاخد ملف بسرعة و تعدي علي فاصل من فواصل الكوبري في نفس الوقت و العيب ده معروف عند الجميع و كان موجود في السراتو الشكل القديم.
ايه يا جدعان مفيش الا اتنين بس جاوبوني