الموضوع: عاوز اعرف مميزات الالنترا md العاديه و md الفيس ليفت

المشاركة الأصلية كتبت بواسطة Mohamedjetta

الصراحه حاجه تحير بس احنا هنجيب الالنترااللي فيها abs و esp ودي طبعا مش موجوده الا بره في الخليج عندنا
الصراحه فرامل hd متوسط بالاخص في الرمله زحاليق و طبعا اي عربيه مفهاش abs كده...بس مجملا الفرامل متوسطه و الثبات حلو او وسط ده بالنسبالي ( عربيتي فيها جنوط سبور)

عايز تحس بفرق فى الفرامل ركب كاوتش بريدجستون يابانى و لو عايز تظبط الثبات ركب strut bar original ultra racing و عفشة eibach وخد غرز على 180 (انا مركبهم عندى)

Sent from my SM-P601 using Forum Runner

المشاركة الأصلية كتبت بواسطة ICE_MAN

عايز تحس بفرق فى الفرامل ركب كاوتش بريدجستون يابانى و لو عايز تظبط الثبات ركب strut bar original ultra racing و عفشة eibach وخد غرز على 180 (انا مركبهم عندى)

Sent from my SM-P601 using Forum Runner

انا كوتش عربيتي الالنترا hd دونلوب والصراحه جميل وبيستحمل
طب الحاجات دي جايبها منين ومكلفك كام؟لاني بجد نفسي اثبت الالنترا بتاعتي لانها فعلا عربيه تستحق و كمان ابقي اركب الحاجات دي في الجديده md و سعتها ابقي حسيت بثبات الالماني او نسبه كبيره من ثباته

المشاركة الأصلية كتبت بواسطة Mohamedjetta

انا كوتش عربيتي الالنترا hd دونلوب والصراحه جميل وبيستحمل
طب الحاجات دي جايبها منين ومكلفك كام؟لاني بجد نفسي اثبت الالنترا بتاعتي لانها فعلا عربيه تستحق و كمان ابقي اركب الحاجات دي في الجديده md و سعتها ابقي حسيت بثبات الالماني او نسبه كبيره من ثباته

البار كنت جايبه من عادل وجدى فى الحرفيين فى حدود 500 جنيه الامامى العلوى ..و السوست من حماده غزى فى بورسعيد وكانوا ب 1700 جنيه .. خد بالك ان الاسعار دى من فترة و اكيد اتغيرت دلوقتى بعد موجة الغلاء .. وخد بالك كمان ان العفشة هاتنشف شوية (مش كتير) و العربية كمان هتوطى حوالى 3 سم لكن الثبات هايزيد حوالى 60%
بالنسبة للكاوتش لما تيجى تغيره ابقى ركب بريدجستون يابانى و هاتلاقى الفرامل اتحسنت .. بصراحة انا ماجربتش الدانلوب لكن البريدجستون رقم واحد واكيد هايظبطلك الفرامل .. انا الاول كان عندى كومهو كورى و لما ركبت البريدج الفرامل اتحسنت كتير

Sent from my SM-P601 using Forum Runner

المشاركة الأصلية كتبت بواسطة ICE_MAN

البار كنت جايبه من عادل وجدى فى الحرفيين فى حدود 500 جنيه الامامى العلوى ..و السوست من حماده غزى فى بورسعيد وكانوا ب 1700 جنيه .. خد بالك ان الاسعار دى من فترة و اكيد اتغيرت دلوقتى بعد موجة الغلاء .. وخد بالك كمان ان العفشة هاتنشف شوية (مش كتير) و العربية كمان هتوطى حوالى 3 سم لكن الثبات هايزيد حوالى 60%
بالنسبة للكاوتش لما تيجى تغيره ابقى ركب بريدجستون يابانى و هاتلاقى الفرامل اتحسنت .. بصراحة انا ماجربتش الدانلوب لكن البريدجستون رقم واحد واكيد هايظبطلك الفرامل .. انا الاول كان عندى كومهو كورى و لما ركبت البريدج الفرامل اتحسنت كتير

Sent from my SM-P601 using Forum Runner

معلش تعبتك معايا
طب البار معناها شدادات؟ طب ايه عيوبها انا سمعت انك لو عملت حادثه تتني الشاسيه صح؟ وسمعت ان فيه خامات وقت الحادثه تقوم تكسر عشان متأثرش علي الشاسيه ودي الاحسن
انشاء الله ناوي في الصيف اغير اربع فرد عشان فعلا هما خلاص اتهلكو وهجيب بريدجستون
طب السوست دي هي اللي بتوطي العربيه؟ اصل عربيتي لو وطت هتبقي زي الجيتا ودي معاناه بجد وانا مرتاح لالنترا بسبب علوها عن الارض و بدخل اي مطب وانا مرتاح بس لما بيركب معايا تلاته او اربعه بتحك وهي استوك فمابالك لما توطي 3 cm
طب البار ده هيحسن الثبات بنسبه كام في الميه بدون سوست؟ وهل تركيبه سهل ؟

المشاركة الأصلية كتبت بواسطة soltanfriend

سيدي الفاضل
الhd المالتى لينك الخلفى اللى فيها بيعطى احساس بالراحه اكثر للراكب الخلفى وهو لا يؤثر على الثبات تماما ودا فى الhd اللى انا حافظها ومجربها مع صديقى وانا عربيتى الmd
وبالنسبة للشنطة اللى بتلعب فمعلش اللى بيتكلم من غير ما يجرب دا انسان ربنا يهديه العربية ولا بتلعب ولا بتعمل حاجه هى ممكن بس عايزة جنط ينشف العفشة شويه ويمسكها لان العفشه فعلا طرية وناعمة جدا
وانا عن نفسى لسا كنت مسافر بيها من كام يوم وبسم الله ما شاء الله اللى يعرف طريق الاسماعيلية بورسعيد فيه مطبات ونقر واسفلت بايظ ازاى والحمد لله زى الفل الملفات والمطبات الخفيفه والنقر وكله كان على 120 الى 140 دون اي قلق او لعب فى الشنطة (رغم ان العربية كانت فاضية ) وحصل كمان موقف انى كنت بشد مع عربيه وعديته من اليمين بالكيك داون ولاقيت عربيه قشقاى سودا ركنه على اليمين ومش شايفها علشان الضلمه وكدا فاخدت غرزة جامده على الشمال وانا على 150 تقريبا ومفيش اى مشكلة والعربية كانت تمام انا مش بقول انها كانت ثابته جدا لا بس موقف زي دا كان موقف موت فعلا والعربية عدت منه دون اى مشكلة
وبالنسبة للفرامل فهي بتوقف العربية على اى سرعه وبدون اى لعب خلفي ولكنها عندى لانى طاسات ومش abs بتزحف شوية ودي مشكلتها بالنسبالى

ربنا يبارلك فيها ... انا اللي خليتك تحبها وتشتريها لانها فعلا عربيه رائعه بكل المقاييس و لاسف بسبب نجاحها بدأت ناس كتير تحقد عليها و يشوهو فيها
انا قولتلك زود عشر الاف وجبها فيها abs عشان متزحفش بس ظروف حضرتك مكنتش مساعداك

المشاركة الأصلية كتبت بواسطة Mohamedjetta

معلش تعبتك معايا
طب البار معناها شدادات؟ طب ايه عيوبها انا سمعت انك لو عملت حادثه تتني الشاسيه صح؟ وسمعت ان فيه خامات وقت الحادثه تقوم تكسر عشان متأثرش علي الشاسيه ودي الاحسن
إن شاء الله ناوي في الصيف اغير اربع فرد عشان فعلا هما خلاص اتهلكو وهجيب بريدجستون
طب السوست دي هي اللي بتوطي العربيه؟ اصل عربيتي لو وطت هتبقي زي الجيتا ودي معاناه بجد وانا مرتاح لالنترا بسبب علوها عن الارض و بدخل اي مطب وانا مرتاح بس لما بيركب معايا تلاته او اربعه بتحك وهي استوك فمابالك لما توطي 3 cm
طب البار ده هيحسن الثبات بنسبه كام في الميه بدون سوست؟ وهل تركيبه سهل ؟

ولا تعب ولا أى حاجة ياباشا :)
بالنسبة للبار هوا شداد بيركب على مسامير بطاحات المساعدين من فوق و تركيبه سهل جدا فى خمس دقائق بالظبط و هايظبطلك الثبات حوالى 30% زيادة فى الملفات و الغرز و حتى لو بتعمل يوتيرن بسرعة هاتحس بفرق و ماعتقدش انه هايضر فى حاجة حتى الحوادث (مش متأكد بصراحة) لكن هوا بيبقى عند البطاحات (ورا الزجاج الامامى على طول) يعنى فى اخر الموتور ولو الحادثة لاقدر الله وصلت عنده يبقى الربع الامامى اصلا هايكون طار كله وربنا يسترها معانا.
بالنسبة بقى للسوست هيا فعلا هاتوطى العربية 3 سم و فعلا هاتبقى زى الجيتا فى الارتفاع و ده لو مش مناسب ليك يبقى بلاش منه و على فكرة انا ركبت البار الاول و السوست بعده بحوالى 6 شهور يعنى جربت العربية فترة كويسة بالبار لوحده و الفرق كويس و يستاهل .
لو نويت تجيبه هاتدخل الاول على موقع ultra racing و تعمل سيرش على عربيتك و تختار البار الامامى العلوى و تاخد ال part number بتاعه الاول علشان وانت بتشترى تكون متأكد انه هو بتاع ال HD .

المشاركة الأصلية كتبت بواسطة soltanfriend

سيدي الفاضل
الhd المالتى لينك الخلفى اللى فيها بيعطى احساس بالراحه اكثر للراكب الخلفى وهو لا يؤثر على الثبات تماما ودا فى الhd اللى انا حافظها ومجربها مع صديقى وانا عربيتى الmd
وبالنسبة للشنطة اللى بتلعب فمعلش اللى بيتكلم من غير ما يجرب دا انسان ربنا يهديه العربية ولا بتلعب ولا بتعمل حاجه هى ممكن بس عايزة جنط ينشف العفشة شويه ويمسكها لان العفشه فعلا طرية وناعمة جدا
وانا عن نفسى لسا كنت مسافر بيها من كام يوم وبسم الله ما شاء الله اللى يعرف طريق الاسماعيلية بورسعيد فيه مطبات ونقر واسفلت بايظ ازاى والحمد لله زى الفل الملفات والمطبات الخفيفه والنقر وكله كان على 120 الى 140 دون اي قلق او لعب فى الشنطة (رغم ان العربية كانت فاضية ) وحصل كمان موقف انى كنت بشد مع عربيه وعديته من اليمين بالكيك داون ولاقيت عربيه قشقاى سودا ركنه على اليمين ومش شايفها علشان الضلمه وكدا فاخدت غرزة جامده على الشمال وانا على 150 تقريبا ومفيش اى مشكلة والعربية كانت تمام انا مش بقول انها كانت ثابته جدا لا بس موقف زي دا كان موقف موت فعلا والعربية عدت منه دون اى مشكلة
وبالنسبة للفرامل فهي بتوقف العربية على اى سرعه وبدون اى لعب خلفي ولكنها عندى لانى طاسات ومش abs بتزحف شوية ودي مشكلتها بالنسبالى

أستاذى العزيز .. التورشن بيم (الكورى) بيبان فى حالة واحدة (سرعة مع ملف مع حفرة او فاصل كوبرى) ودى الحالة الوحيدة اللى الشنطة بتلعب فيها (انا ماقلتش انها ماشية تلعب على طول ولا قلت انها بتلعب مع الفرامل) و ده معروف للكل مش حاجة جديدة و الجنط مالوش أى تأثير على الموضوع ده .. وانا مش بعيب فى العربية بدون ما أجربها زى ما سيادتك تكرمت و قولت لكنى باذكر مالها و ما عليها لصاحب الموضوع بحيادية تامة (انا أصلا بفكر اجيبها على فكرة و قاعد اقارن بينها و بين السيراتو الجديدة) و مش صح لما حد يسأل نقوله ان العربية مافيهاش عيوب و انها أفضل من الفيرارى و الراجل يروح يشتريها و ييجى يدعى علينا .. كل عربية فيها ميزة و عيب و لازم نقول الاتنين علشان دى أمانة.
و على فكرة العربية ال md انا مشيت بيها 210 (أيوه 210) على طريق الكريمات بتاع الجيش .. بس عيب الثبات مش هايبان غير فى الظروف دى اللى انا ذكرتها (سرعة مع ملف مع حفرة او فاصل كوبرى) غير كده اجرى بيها زى ما انت عايز.