ياريت من فضلكم تذكروا اسباب اﻷختيار وميزة كل عربية عن التانية
ياريت من فضلكم تذكروا اسباب اﻷختيار وميزة كل عربية عن التانية
سوال معتقدش تلاقيله اجابه لان السنترا لسه نازله ومحدش لسه اشتري عشان يجرب ويقولك
المميزات و العيوب دي بعد سنتين تلاته كده
الشارك هتلاقي اللي يجاوبك ومفيش اتنين هيختلفوا عن كفاءه العربيه واعتماديتها وثباتها وقوتها
النيسان لسه جديده وزي ما استاذ احمد قال لحضرتك محدش مجربها لسه .. الشارك ثبات ممتاز ... موتور قوي .. عفشه قويه جدااا .. التقفيل يعتبر مش وحش ... استهلاك البنزين معقول .. بس عزلها وحش .. والصالون واسع بس على حساب الشنطه .. اعتماديه ميتسوبيشي طبعا مش هنتكلم عليها .. انا رأي تخليك في الشارك .
شكرا
شارك حتي الاءن
السنترا شوفتها مره واحد في الشارع
غير كده مجهوله عند المصريين
مشكلة السينترا عدم انتشارها يعني مفيش قطع غيار لو لاقدر الله احتجت لاي حاجه ولو بسيطه فيها
الشارك عربية عمليه جدا اثبتت كفائتها من 2008 للنهارده وسعرها منافس اتوقع في الوقت الحالي هي الاختيار الامثل
مع الاحترام لللانسر واعتماديتها بس انت بتركب عربيه قديمه شكلا و تكنولوجيا ... السنترا لسه جديده فعلا بس معروفه في الخليج و امريكا من فتره حتى في الشكل الجديد وبيشكروا فيها ... و عدم الانتشار مش معناه العربيه وحشه او ملهاش قطع غيار لان توكيل زي نيسان مش هيعمل اللي بيعمله عز العرب في بروتون مثلا ... ومعتقدش ان الواحد بيدفع قرب ال200 الف وهو هيستغلى التوكيل لو حصل حاجه لقدر الله
احنا مشكلتنا في مصر اننا بندور على الحاجه اللي الناس جربتها وبتجري عليها ... لكن مندورش على اشباع رغبتنا و انجذابنا لعربيه حتى لو واخده ريتنج عالي في العالم كله .... المهم انك تركب عربيه بياعه .....
وفي الاخر كلها وجهات نظر
الشارك اشد
دخل معاهم فورد فوكس وسيات توليدو
الشارك الاضمن لحد دلوقتي
لو العربيه لعائله مش لشاب بص على الفلوانس
ده صحيح من رأيي أنا كمان، بس متوقع إن السينترا هتكون ممتازة برضه وخصوصا إنها متجربة في الخليج وأمريكا كمان زي ما الأخ قبلي قال.. والله أعلم.اقتباس:
المشاركة الأصلية كتبت بواسطة s o p h o s
احترم راي حضرتك ، و اؤيدك بشدةاقتباس:
المشاركة الأصلية كتبت بواسطة mohamed hatem
نفسي نتعود نشتري العربية الي تعجبنا مش الي السوق عايزة
لو اشتريت عربية كل الناس بتقول عليه حلوة ولاقدر الله طلع فيها حاجة مش عجباك مش حتقدر تتحملها ، اما لو اشتريت العربية الي كان نفسك فيها صدقني لو الكل بيهجمك عليها وبيقولو فيها العبر حتكون بردو سعيد بيها .
راي الشخصي السنترا اختيار موفق