الحل مع ارتفاع اسعار السيارات الغير مبررة

السلام عليكم ورحمة الله وبركاته

انا بكتب الموضوع ده عان اريد كما غيري يريد وضع حد لموضوع زياده اسعار السيارات الغير مبرر .
أيضا موضوع الاوفر برايس للسيارات بحجة تزايد الطلب في الوكيل.

عايزين نوضع حل لهذه المشكله ونلتزم بيه جميعا للضغط على التوكيلات او الموزعين والتجار

اذا حد فاكر أزمة ارتفاع سعر البيض في الارجنتين وكيف تم التعامل من الناس .
احجموا عن شراء البيض الى ان انتهي صلاحياته اثناء ذلك بعض التجار سعس الى عمل عروض لتخفيض الاسعار ولكن استمروا في الحجم عن الشراء الى ان بدات الخسائر تحل على التجار ورجعت الاسعار كما كانت.


انا مش عايز غير الاسعار العادله وايضا جمارك عادله
مهو مش ممكن كل ما الواحد يحاول يجيب عربيه وينوي يلاقي الاسعار زادت فينزل باختياره للاقل .


وكمان العربيات مواصفاتها غير اللى بره كمان ده اسمه ايه؟
إذا موافقين اقترحوا حلول ونتفق عليها ونسعى لتنفذيها على ارض الواقع شاكر ليكم

أنا كاتب موضوعين قبل كدة عن الحكاية ديه و اكتشفت إن الحل الأمثل فعلا هو الإحجام عن الشراء لبعض الوقت بس حلني بقي لحد ما حد يسمع كلامك !!!

ولا حياة لمن تنادى

اقتباس:

---

المشاركة الأصلية كتبت بواسطة eng.mark

أنا كاتب موضوعين قبل كدة عن الحكاية ديه و اكتشفت إن الحل الأمثل فعلا هو الإحجام عن الشراء لبعض الوقت بس حلني بقي لحد ما حد يسمع كلامك !!!

---

مره واتنين وتلاتع لغاية متيجي

اقتباس:

---

المشاركة الأصلية كتبت بواسطة mo3tazanas

ولا حياة لمن تنادى

---

نحاول تاني مهو لازم يكون في رد فعل في مره ولا ايه رأيك؟

المشكله ان المصريين اتفقو انهم ميتفقوش على حاجه

unfortunately ,, الموضوع دا ملوش حل عند المصريين
لازم الناس يكون عندها ثقافه من نفسهم و يقاطعوا اى حد بيستغل
و طبعا الثقافة دى هى اخر شئ موجود عند المصريين و بالتالى يبقى الحال على ما هو عليه

مهو احنا الناس. فخلينا نتعلم الثقافه ديه ونشجع الناس عليها وننشرها بين الناس

اقتباس:

---

المشاركة الأصلية كتبت بواسطة مهند السحتري

مهو احنا الناس. فخلينا نتعلم الثقافه ديه ونشجع الناس عليها وننشرها بين الناس

---

الموضوع مش هيتصلح بمقاطعة واحد و لا عشرة و لا الف حتى
الموضوع زى ما قلتلك محتاج ان الناس يبقى عندها ثقافة رفض الاستغلال
و عندهم فطرة سليمة من تلقاء نفسها بترفض الاستغلال زى ما بيحصل ف البلاد المحترمة
احنا عندنا العكس هنا ف مصر و الناس اتربت على السكوت على الغلط و تقبله كانه شئ عادى جدا

كان نفسى اديك امل و اقولك يلا نقاطع و نعمل حمله و ممكن نقنع الف واحد انهم مايشتروش
لكن للاسف فى كام ميت الف واحد تانى هيشتروا و بالتالى الاسعار مش هتقل و الالف واحد
هيشتروا برضه بعد ما يفقدوا الامل بس باسعار اغلى و يدعوا علينا اننا عطلناهم الفاضى

و خلى بالك ان اللى بيرفض الغلط ,, بيرفضه ف كل المجالات مش العربيات بس و العكس صحيح
و احنا مش بنعانى من ال Stockholm syndrome ف مجال العربيات فقط ف مصر
و بالتالى تصليح الوضع دا صعب جدا و رزع الثقافة شئ اصعب نظرا لحاله الاجيال اللى لسه طالعه

الموضوع منتهى ولا اكن فى اى حاجة و الكل بيشترى و العربية بتنزل جديدة و الكل بيجرى عليها ولا فى الدماغ

احنا شعب يستاهل كل حاجة بتحصله

مفيش امل في البلد دي يعني لازم نفضل يضحك علينا وبمزاجنا
و التجار يسرقونا ويستغلونا واحنا ساكتين
امتى الناس ديه حتفوق من الى هي فيه وتعرف ازاي تاخد قرار ضد الاستغلال

للأسف هناك قاعدة عامة في السوق المصري يعرفها التجار جيدا ويستغلونها جيدا أيضا وهي
كلما استمر سعر السلعة في الزيادة زاد إقبال الناس عليها، وإذا شعر الناس أن سلعة سعرها يتناقص سارع الجميع بالتخلص منها والإحجام عن شرائها
لذلك هناك جملة شهيرة في سوق السيارات المستعملة بالذات عندما تذهب لبيع سيارتك القديمة يقول لك الجميع أن السيارات "رخصت" فتشعر أنت بالرعب وتسرع في البيع،،، ثم تذهب لشراء سيارة أخرى فيقول لك الجميع أن السيارات "غليت" فتشعر بالرعب ايضا وتسارع بالشراء قبل أن تستمر الأسعار في الزيادة... والحقيقة أن الثابت الوحيد في العملية هو موقف "الزبون"، فالزبون هو الوحيد الذي يخسر ، فعند البيع يبيع بأقل الأسعار وعند الشراء يشتري بأعلى الأسعار

فى تقرير للجهاز المركزى للمحاسبات ان800 مليون جنيه راحت جيوب وكلاء شركات السيارات الاوروبية من عدم تطبيق اتفاقية الغاء الجمارك لان المافيا على كبير اوى
بالنسبة للثقافة العامة شوف اسعار العربيات الكورى اول ما نزلت كانت ازاى و لما حصل عليها اقبال و اتمكنو شوف الاسعار دلوقتى ازاى و دى السكة لو رحت للصينى على نفس المنوال
و لو فرضت ان الموضوع ممكن ييجى عن طريق طرق رسمية (كطلب مجلس شعب بالغاء الجمارك مثلا) تذكر ان المافيا على كبير اوى

المشكلة في القسط هو اللي عامل كل ده
الواحد لما يجي يقسط مش فارق معاه الكم الف الزيادة
وبيشتري وخلاص
لكن اللي بيحصل ده قلة ادب وسفالة من التجار
وعن نفسي ان شاء الله مش هشتري جديد وهفضل بالمستعمل
لحد ما اسعار الاوروبي تتظبط اذا الحكومة صدقت وفعلت الاتفاقية اياها بشكل صحيح
لان بحسبة بسيطة المفروض الدولار زاد جنيه يبقى العربيات تزيد من 10-15 الف جنيه وتقف
لكن اللي حاصل غير كده العربية اللي كانت ب80 وصلت ل105 حتى الان
وياريت بتاخد عربية عدله بتاخد غالبا صندوق زبالة باربع عجلات بس شكله حلو وده كل اللي تحت ال120 الف