الأسعار ح تنزل 20%

**harmadan** · 29-10-2008 11:23 PM

ياجماعه انا عايز اوضح نقطه مهمه انا لسه شارى عربيه لانسر 1600 اوتوماتيك كلاسيك خليجى واستلمتها يوم الاحد 27/10 وقبلها وعلى امتداد اربعه ايام العربيه كل يوم بسعر(طبعا أعلى) ويوم ما اشتريتها سعرها طلع 2000 جنيه زياده مره واحده واللى انا بأقوله دا تجربه شخصيه فى السوق المصرى فى عز الازمه الماليه العالميه (احنا مش تبع العالم)
ماحدش سأل نفسه لما سعر برميل البترول نزل (على مستوى العالم) لاكثر من النصف هل سعر البنزين(احد مشتقات البترول) او السولار نزل قرش واحد؟؟؟؟؟؟ مع ان السبب(المعلن من جانب الحكومه) عن زياده اسعار البنزين والسولار كان زياده سعر البترول عالميا!!!!!!!!!!!!!!!!!!!!!!!!!!!!!!
ياجماعه احنا (اقتصاد عشوائيييييييييييييييييييي ييييييييييييييييييييييييي ييييييييييييييييييييييييي ييييييييييييييييييييييييي ييي) مالناش دعوه باللى بيحصل فى العالم الا الحاجه اللى الحكومه عايزه يبقى لنا دعوه بيها (للغلاء فقط)

**pendodo2002** · 29-10-2008 11:49 PM

المشاركة الأصلية كتبت بواسطة smartman

يا جماعة من مصدر موثوق منه بيؤكد ان جميع اسعار السيارات ح تنزل و تحديدا 20% بسبب الأزمة الآقتصادية اللى بيمر بيها العالم ( أزمة السيولة ) و متوقع ان مبيعات السيارات ح تنزل بصورة مخيفة مما يترتب عليه تخفيضات فى الاسعار .............أنا بأنصح اللى ناوى يشترى دلوقتى يتأنى شوية لأول السنة (يناير و فبراير).

يا سيدي الفاضل الموضوع مبيتفسرش بالشكل ده
اولا الازمه الماليه هيا ازمه سيوله ماليه (فل ومتفقين على الكلام ده)
الشركات دي لما بتصنع العربيات بتشتري المواد الخام بالآجل
الفكره دلوقتي ان الشركه ممعهاش سيوله
وبالتالي التسديد هيتأخر
وبالتالي الفوايد هتتراكم
فحاجة من اتنين ...
يا الشركه دي تشهر افلاسها (زي ال 16 بنك الامريكي)
او ان الحكومه تدعم الشركه دي عن طريق انها تلغي الضرايب مثلا او تأمم الشركه او طريقه اخرى

في الحاله اللي انتا اتكلمت فيها التخفيض بتاع ال 20% موزون مسبقا بالزياده اللي جايه من تراكم الفوايد ... يعني كأن شيء لم يكن
والكلام ده على العربيات الالمانيه خصوصا و الاوروبيه عموما
بالنسبه للعربيات اليابانيه انا كنت نزلت موضوع من كام شهر و قلت فيه كويس اوي ان الين الياباني بيرتفع بشكل مهول حاليا مع الدولار الامريكي ( من طبيعه عملي في بورصه العملات) وبالتالي العربيات الياباني سعرها هيطير في السما
بالنسبه لنا كمستهلكين

تحركات الاسعار هتختلف عموما تبعا :
بالنسبه للياباني : هيحصل زياده في الاسعار (بغض النظر عن دول التجميع) و الزياده دي مش هتكون كبيره اوي في حدود 2-7% وده نتيجه ان سعر الين طلع في السما و احنا مش مرتبطين بالين كعمله بشكل اساسي و في نفس الوقت مصاريف الشحن هتقل جدا نظرا لهبوط النفط لحد 70 دولار ... وبالتالي المحصله النهائيه ارتفاع محدود
بالنسبه للاوروبي عموما : الاسعار هتبقا ثابته نوعا ما نظرا لان التكلفه على الشركه ثابته و يمكن حتى بتزيد بسبب تراكم الفوايد ... (طبعا موضوع الشحن مش معضله كبيره اوي لان احنا العربيات الاوروبيه بتتصنع عندنا من ناحيه و ان اوروبا مش بعيده من ناحيه تانيه) وبالتالي المحصله النهائيه هيا اما ارتفاع طفيف جدا او ثبات في الاسعار
بالنسبه للامريكي : اولا احنا مش من هواه السوق ده من الدرجه الاولى بسبب سعه محركاته ولكن برضو الموضوع نفسه زي ما هيحصل في الياباني (طبعا يستثنى من ده العربيات اللي بتتصنع محليا)

**د.محمود صلاح** · 30-10-2008 08:53 AM

تخوف وترقب الناس هيقلل الطلب ويزود العرض والاسعار قد تنقص بس مش بشدة كما ذكرت .. ولا تنسى السيارات ذات السعة اللترية العالية اللى سوقها انهار تماما ودخول التاكسى القديم لسوق الملاكى

**R A N A** · 30-10-2008 01:15 PM

فعلا ياجماعة وعلى رأي احد اعضاء المنتدي

أثبتت الأبحاث العلميةً ان الحداية مبتحدفش كتاكيت

بأمارة السلع الغذائية اللي رخصت ده في حاجات اصلا غليت والله

**MedaSam** · 30-10-2008 03:08 PM

ya ged3an kefaya ba2a , ana t3ebt

**lolly136** · 30-10-2008 04:44 PM

mafish 7aga fil blad di 7ter7'as

e7na fi masr

**ouba2** · 30-10-2008 04:58 PM

ياااااااااااااااااااااااا ا رب

**pendodo2002** · 30-10-2008 07:47 PM

المشاركة الأصلية كتبت بواسطة د.محمود صلاح

تخوف وترقب الناس هيقلل الطلب ويزود العرض والاسعار قد تنقص بس مش بشدة كما ذكرت .. ولا تنسى السيارات ذات السعة اللترية العالية اللى سوقها انهار تماما ودخول التاكسى القديم لسوق الملاكى

هوا من امتى الاسعار في مصر مرتبطه بالعرض والطلب ؟؟؟

**smartman** · 31-10-2008 10:50 PM

المشاركة الأصلية كتبت بواسطة ToYoTa

عشان الكل يرتاح

كل واحد عايز يجيب عربية بيطلع الاشاعة دي
وكل واحد بيبيع عربية بينفي الاشاعة دي

فنصيحة لوجه الله كل واحد يحكم عقله قبل ما يفتي وخلاص

عمر العربيات في مصر ما هترخص واللي هيفضل مستني انها ترخص يبقي هيموت بحسرته قبل ما يجيب عربية

يا راجل اتقى الله ....هى دى باردوا نصيحة لله؟؟؟

الموضوع: الأسعار ح تنزل 20%

LinkBack

أدوات الموضوع

عرض

-

-

-

المواضيع المتشابهه

هو فيه كيا ريو تنزل بلجنوط دى فى مصر؟؟

ميتسوبيشي asx هل تنزل مصر؟

هيا الافيو دى تنزل مصر ولا؟؟؟؟؟؟

فيه امل ان جين 2 cps تنزل مصر؟

متى سوف تنزل Gen 2 2008

الكلمات الدلالية لهذا الموضوع

المفضلات

المفضلات

ضوابط المشاركة