ايه الافضل فى الثلاث سيارات دى هيونداى ix 35 ولا كيا sportage ولا سوبارو xv من حيث كل شىء وهل فى عربية ممكن تدخل معاهم فى الفئة دى
عرض للطباعة
ايه الافضل فى الثلاث سيارات دى هيونداى ix 35 ولا كيا sportage ولا سوبارو xv من حيث كل شىء وهل فى عربية ممكن تدخل معاهم فى الفئة دى
ياراجل ياطيب !!
بتقارن السوبارو بالاتنين دول ازاي بس
الكيا والهيونداي هيا هيا نفس كل حاجه
السوبارو غنية عن التعريف طبعا
مينفعش تقارن سوبارو بعربيات كورى
يا جماعة الراجل اكيد مش بيتكلم عن الاداء
اكيد هو عايز تفاصيل و مقارنات بين
قطع غيار
وكيل
سعر اعادة بيع الخ......
و انا لو هجيب هطلع السوبارو من المنافسة (مش علشان وحشة) لكن مش هعرف ابيعها بعد كدة الا لما اكون خسران فيها كتير غير الهيونداى و الكيا
أنا ما ركبتش و لا واحدة فيهم. لكن معلوماتي أن ال xv شنطة ضيقة و اعادة بيع مش زي ال كيا و ال هيونداي. طبعا ال سوبارو أقوي و awd و عربية للي بيحب السواقة. و راعي أن سعرها أقل من الاتنين.
ال كيا شكلها أحلي و الهيونداي بشوف أدائها أحسن. أنا جريت مع الاتنين و حسيت ال هيونداي بتأدي أحسن.
أتمني الملاك يفيدو حضرتك لأن للأسف ماليش تجربة شخصية.
انا لقارن بين الثﻻث عربيات دى ﻷنى مش شايف غيرهم فى نفس الفئة انا عارف ان السوبارو كويسة بس انا بقارن من حيث كل حاجة اداء ثبا وسع اعادة بيع كل حاجة
سوبارو طبعا تكسبهم
الحاجه الوحيده توفر وسعر قطع الغيار
بس الاعتماديه غنيه عن الوصف مع حسن الاستخدام
اخواني الأعزاء
الحديث عن (قطع غيار) و (اعادة بيع) في عربيات زيرو تمنها معدي بقى ضرب من ضروب ال stereotyping اللي كل اللي عمله انه جابنا ورا
ان شاء الله كل العربيات اللي ليها توكيل في مصر كل قطعها موجوده, والفولفو اللي من كام سنه بس مكانش ليها مسمار, دلوقتي بقى ليها توكيل وقطع غيار وكل حاجه
وما أعتقدش يعني ان في حد شاري زيرو هيدور مثلا كمان كام سنه على مساعد استيراد !!!!
العربيات كللها ليها ضمان, والاعمار بيد الله, مين قال اني هعيش 5 سنين اصلا ؟!!! عشان افكر في اعادة بيع ؟ هو انا بشتري لنفسي ولا للناس ؟؟؟
خايف عالفلوس مافيش اجدع من ال 127 واهم كللهم 8 الاف جنيه وخلاص !
وبالنسبة لقطع الغيار واسعار الصيانه, فأعتقد ان (أكذوبة) رخص الصيانه في التوكيل بالنسبه للكوري خلاص اتفقست من زمان ومش معقول لسه ماخلصناش من الهري ده على منتدى سيارات قديم وبالحجم ده
بالطول او بالعرض السوبارو لاتقارن نهائيا بصفائح البلاستيك سواء كيا او هيونداي مع احترامي للجميع !!
مشاركه خاطئه
طيب وبالنسبة لو هيكون معايا وزن تقيل فى العربية شلت فيها حاجات ايه افضل عربية فيهم بالنسبة للحكاية دى