تقرير جميل بس حضرتك اشتريت ايه بعدها ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟
تقرير جميل بس حضرتك اشتريت ايه بعدها ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟
والله يا فندم مش شكر في العربيه بس مفيش عربيه في رينج 120000 ودا الرينج اللي كنت محدده ماليه عيني الصني معجبتييييش نهاااااائي و اسف لملاكها بس دا رايي و مافيش عربيه تانيه في الرينج دا غير صيني ربنا يكرم كدا اللي ركبتها و عجبتني الكروز بس دي 150000 الف :majd(4):و ربنا يكرم ميزه البروتون انها بتديك اداء عالي علي سعرها فلو هتنزل منها لازم تعلي في الفئه عشان تكون مبسوط
طبعا لازم كفاء الموتور تقل دول ربع مليون كيلو مش هزار بس مثلا اخر مره كنت راجع من الشغل قبل بيعها بحوالي اسبوع كنت جاي ماشي 190/170 تقريبا مسافه 300 كم و مافيش مشكله لكن طبعا, التسارع قل عن الزيرو و ان كان الفرق مش هيكون ملوظ الا لواحد ركبها زيرو اجمالا الموتور كانت كفاءته حوالي 80%. الي 85% و ارجو اني اكون احسنت التقدير
ماتور الكامبرو عمره طويل لو حافظت عليه لانه ماتور ذو تكنولوجيا وجوده عاليه
انا بحييك على انك عملت التقرير بتاعك بحيادية تامة وفعلا بيرسونا احسن عربية فى الفئة السعرية من 110 ل 120 الف
موضوع رائع وجميل وبدون تحيز أو تعصب
أنا معاك في كل كلمة ...
موضوع العزل اتحسن كتير في موديل 2012 بالذات بداية نزول الإليجانس ... بس برضه مش العزل الواو يعني
وكمان خامات البيرسونا الإليجانس ممتازة عن الموديلات اللى قبليها أنصحك تشوفها يمكن تغير رأيك وترجع تجيب بيرسونا جديد برضه :)
بصراحة أنا مش شايف لغاية سعر 150 - 160 ويمكن أعلى من كدة كمان غير البيرسونا أو الجين
يعني عشان أنزل من البيرسونا أو الجين وأدور على حاجة غيرها ... أنا مش شايف غير الهوندا سفيك أو مازدا 3 ...
ياترى الهوندا أو المازدا بكام ؟
غير إن المازدا توكيل غبور ... ودي نقطة سلبية طبعا فيها :)
الشيفروليه كروز عربية كويسة ... بس برضه تقفيل كوري ...
وأنا خلاص أيقنت إن التقفيل الكوري أسوأ تقفيل ممكن الواحد يتعامل معاه في كل دول جنوب شرق آسيا في كل حاجة مش العربيات بس ... الكوري ... شكل ممتاز وتصميمات كويسة جدا ومنتج نهائي رائع ... لكن من الداخل جودة رديئة في التصنيع بيغطيها الشكل الممتاز النهائي وفي الحقيقة إن الحاجة مش بتستحمل نهائيا في العمر الإجمالي لها
وطبعا أنا خايف تكون الشيفروليه نفس أسلوب باقية الكوري ... ولكنه مش شرط طبعا
الكروز ميتقالش عليها كوري خالص
لانها بتتصنع في مصنعين واحد في امريكا والتاني في كوريا
وبتشترك مع الاوبل استرا في الشاسيه والموتور والفتيس والعفشه
ذي مثلا ما المرسيدس بتجمع السي هنا
ده غير ان التكنولوجيا اللي موجوده في الكروز مش موجوده وبكرر مش موجوده في عربيه كوري في فئتها