طب يا بشمهندس محمد عايز اسأل المناسب لعربيتي
هي التو 2008 800 سي سي عاملة 130 ألف
سواقتي عادية و هادية لكن احيانا ممكن أشد لو مستعجل و تلاقيني قلبتها فاست ان فيوريس هههههههه
و كنت بحط موبيل الي ان حطيت اخر مرتين و الاداء كان سئ
صوت الموتور كان كراكة بمعني الكلمة و استهلاك البنزين عالي و السحب ضعيف و الزيت مكملش 5000 و كان مية و لونه زي مهو يعني كأني محطتش حاجة
بعدها غيرت لفيسكو 2000 و نزلته ع 8 الاف و ارتحت معاه و العربية اختلفت تمام لكن حطيته كتنضيف للموتور و بعدين حاليا استخدم فيسكو 3000 المفروض بيقعد 10-15 الف و حاسس ان نسبة استهلاكه للبنزين أعلي سنة بسيطة عن فيسكو 2000 بس طبعا أفضل من موبيل اللي حطيته
فايه المناسب للعربية و النوع