الرياض vs القاهرة .....دى حياة ........ودى حياة ......
لقطه من الحياة فى الرياض ....طبعا لكل بلد سلو ....احنا هنتكلم عن الشارع ....
اول حاجة مفيش ميكروباصات خالص يعنى مش هتلاقى حد ماشى قدامك وفجأة كسر يمينه فجأة عشان فى زبون شاور له ...او عشان ينزل زبون
ثانى حاجه مفيش وسيلة مواصلات عامه يعنى مفيش اوتوبيس او مينى باص او اى وسيلة نقل عامه الا وسائل نقل بين المدن الكبيرة داخل المملكة للسفر .
وبما ان مفيش وسيلة نقل يعنى مفيش محطات الناس تقف وتستنى الاوتوبيس او الميكروباص يعنى الناس مش هتتعذب فى انتظار اى وسيلة نقل
ثالثا وسيلة النقل الوحيده التاكسى وهو غالى شوية العداد بيبدأ ب 5 ريال وكل كم 1.50ريال ...ومن الملاحظ ان معظم ماركات التاكسى هيونداى النترا الشكل الجديد والقديم او تويوتا كامرى واحيانا بلاقى رينو فلوانس ...على فكرة مفيش هناك شيفروليه لانوس نهائى او حتى دايو لانوس ....الهيونداى فيرنا شفت منها لغاية دلوقتى 6 عربيات ملاكى ....
رابعا من الملاحظ ان ما فيش حد بيمشى فى الشارع خلال فترة الظهيرة وبعد الظهيرة قليل ما تجد حد فى الشارع نظرا لحرارة الجو ....الجو الان معتدل نظرا لدخول فصل الشتاء القارس .....
خامسا وانتى ماشى بعربيتك وعايز تلف للاتجاه المعاكس معظم الطرق الرئيسية ان لم يكن كلها ما فيهاش يوترن ...طب بتلف ازاى ....تاخد حارة الخدمة وبيكون فيه كوبرى فوق الطريق عشان الطريق ياخد سرعته ومعظم الطرق الكبيرة سرعتها 120وفى طرق سرعتها 90....السرعات دى بنمشى بيها فعلا ...لكن وقت المدارس نمشى 40-60كم /ساعة وممكن 20وممكن 30 لكن الطريق ما يوقفش خالص ....
خامسا الساهر ...اسمه فى مصر الردار ....ده موجود فى كل المملكة واللى مش مصدق من السائقين بيصدق بعد ما يدفع الغرامه المحترمة تبدأ من 300وتنتهى الى 500....لدرجة ان احد الزملاء دفع حوالى 3غرامات فى شهر واحد ﻷن الطريق سرعته 90 وهو لا يعلم ...ومن صفات وقواعد الغرامه انك لا تستطيع السفر من المملكه سواء كنت من اهل البلد او اجنبى الا بعد دفع الغرامه ...ولا يصرح لك بالسفر طالما لم تدفع الغرامه ......وكذا اشارة المرور لا يستطيع اى احد ان يكسرها لأن غرامنها 500ريال ....فالكل يحترم اشارة المرور مش عشان الاشارة محترمه ...ﻷ .....عشان الغرامة اللى بيدفعوها ....وانا طبعا ربنا كرمنى ب كسر سرعة 300ريال مؤخرا تقريبا كده الطريق كان 90وانا مشيت على 100مثلا من غير ما اخد بالى......
سابعا الشوارع كلها نظيفة مش ممكن تلاقى حد يرمى حاجة فى الشارع ....هيتكسف اصلا يوسخ الشارع ﻷنه هكتشف انه هو الوحيد اللى رمى حاجة فى الشارع الواح تقريبا الحذاء بيفضل نظيف طول الاسبوع ....
ثامنا الجو هنا مهما كان حر ما تلاقيش فيه رطوبه عكس جده كلها ملزقه ....الواحد بمجرد ما ينزل من العربية فى جدة ....تلاقى النظارة مشبرة ..
تاسعا ممكن وانت واقف فى اشارة الصبح تلاقى واحدة بتمر على العربيات بتطلب حاجة لله ...هم قليلين لكن موجودين ....وممكن وانت خارج من المسجد تلاقى واحد بتتسول خارج المسجد قاعدة او...ممكن تدخل المسجد تقعد على الباب تستنى المصلين وهم خارجين
عاشرا مفيش هناك عسكرى مرور او لجنة مرور توقف الطريق ...نظرا لحرارة الجو هناك ....انا بقالى حوالى شهر سايق بدون رخصة ...وربنا يستر هطلعها ان شاء الله الاسبوع ده ...
حادى عشر السيارات فى الشوارع تتمركز فى حوالى 6ماركات منها وهى فورد تويوتا ليكزس هيونداى كيا ...وفى دودج ...طبعا هناك ال الفور باى فور زى الميكرباصات فى مصر كتير جدا ....
ثانى عشر وقت الصلاة ....لا يجرؤ اى محل على فتح المحل وقت الصلاة ....لازم يقفل على الاقل 20دقيقة ...حتى لو خلص الصلاة بدرى يستنى لماكل المحلات تفتح معاه عشان هيئة الامر بالمعروف والنهى عن المنكر بتقبض عليه وتسجل عليه مخالفة ويمكن ان يرحل اذا تكرر الامر ...
ثالث عشر
الحاجة هنا سعرها ضعف مصر كل حاجة عدا السيارات والبنزين واحيانا الملابس ...فيما عدا ذلك ممكن تلاقى ثلاث او اربع مرات ارتفاع فى الاسعار مصر
