الموضوع: ايه احسن شهادة استثمار موجوده حاليا

المشاركة الأصلية كتبت بواسطة أبو آسر

يمحق الله الربا ويربي الصدقات
شهادات البنوك ربا صريح ومش بنفتي وخلاص والأخ اللي بيقول معظم الشعب المصرى بيحب يردد وخلاص دون فهم او دراسة ياريت ينورنا طالما هو فاهم كده ودارس أهو يكسب فينا ثواب ويخرجنا من الجهل اللي احنا فيه !
تعريف الربا شرعا هو كل قرض جر نفعا وانت بالشهادات دي بتقرض البنك فلوس وبيردهالك بزيادة وهو بدوره بيقرض بيها الناس وياخد فوايد أكتر من الفوايد اللي بيديهالك وهو ده المصدر الرئيسي لدخل البنوك يستلف ويسلّف ومفيش حاجة اسمها استثمارات ويشغلها والكلام ده ولو فيه بتبقى نسبته أقل من 10% من إجمالي مصادر دخل البنك
هتقولي طب ما يمكن بيشغلهم فعلا ويديني جزء من الأرباح ؟ هقولك البنك ملزم يردلك الفلوس بالأرباح سواء المشروع كسب أو خسر ملكش فيه وده شرط باطل يبطل العقد لأن الاستثمار من شروطه المساهمة في المكسب والخسارة وكمان النسبة متبقاش ثابتة لأن مستحيل الربح يبقى ثابت كل سنة فلو بيديك نسبة من الأرباح يبقى أولا تكون موافق انك تشارك في الخسارة وتكون مشارك بنفس نسبة الربح سواء قليلة أو كتيرة وده طبعا مبيحصلش وانت نفسك مش هتوافق عليه لو قالك كده
هتقولي طب ايه الحل ؟
هقولك ومن يتق الله يجعل له مخؤجا ويرزقه من حيث لا يحتسب
افتح مشروع ، شغلهم مع حد ثقة في مشروع مربح ، تاجر في الدولارات أو الدهب ... إلخ الطرق كتير بس اللي يدور ويتحرى الحلال
وأنا شخصيا الحمد لله مشغل مبلغ بسيط برده في العقارات مع حد معرفة ثقة وبيكسب ما شاء الله سنويا أد فوايد البنك الربوية مرتين على الأقل
وصدقني والله لو البنك هيديك ربح 100% ربنا مش هيبارك ومش هتحس ببركة الربح لأن وعد ربنا حق وربنا توعد المرابي بحرب من الله ورسوله وما أدراك بشخص يحاربه الله هل ممكن يكسب ؟!!
دي نصيحة أخ لأخيه وانت حر في قرارك طبعا في النهاية

طيب ايه رأي حضرتك في الوديعه هل هي برضو ربا ولا ايه
وكمان ايه رأي حضرتك لو حطيناهم في دفتر توفير البريد اهو البريد ده مبيتعاملش في اي قروض خالص ولا ايه رأي حضرتك الكلام ده نظرا لصعوبة اني الاقي حد امين اشغلهم معاه في الوقت الحالي ولصعوبة بدء مشروع بهذا المبلغ البسيط جدا حاليا

المشاركة الأصلية كتبت بواسطة mnashat77

اكبر فايده هي فعلا بنك saibbank بس انا افضل انك تحطهم ف بنك حكومي بنك هي فايده اقل بس مش كتير
هتكون ١٠.٥ ٪ والفايده بتنزل علي حسابك ف الدفتر وعلي فكره الي بينزل بردو ف الدفتر بيتعامل بفوايد تانيه بس بتضاف سنويا شهر ٦ او ٧ مش متذكر لو احتجت اي اساله انا معاك اتفضل اسال

شكرا جزيلا علي الرد بس ممكن اعرف ايه الفرق ما بين شهادة الاستثمار والوديعة من حيث المزايا والعيوب

شوف حضرتك أنا سألت في الموضوع ده كتير. سمعت شيخ أزهري في التلفزيون بيقول أن أرباح البنوك حرام طبعا لكن هو لو مثلا وحدة ست مالهاش حد و معاها قرشين بتصرف منهم علي عيالها و ما تعرفش لا مشاريع و لا غيرة ممكن يكون مسموح لها تحط فلوسها في البنك. مثال تاني علي لسان الشيخ قال مثلا لو شيخ عجوز زيه طلع معاش و مالوش لا في التجارة و لا غيرة و معاه قرشين عاوز يصرف من أرباحهم مع المعاش بتاعه فهو برده ليه مبرر و ممكن ربنا يسامحه. لكن لو شاب أو راجل يبقي مالوش مبرر لأنه ممكن يتاجر و يخسر و يكسب و هكذا. ده علي لسان الشيخ و الله.
موضوع دفتر توفير البريد بردو شيخ أزهري في اذاعة القران الكريم قال أن فوائد البنوك حرام طبعا لكن دفتر توفير البريد حلال لأنه مش شغال علي القروض. أنا مش عارف هو جاب المعلومات ديه منين لكن قال كده. فوائد توفير البريد حوالي 8 و ربع في المية.
الوديعة بقي بتربط مبلغ معين لمدة معينة مثلا شهر أو 3 أو 6 أو سنة و بتاخد الفوائد أخر المدة و بتكون فوايدها أقل من شهادة الاستثمار يعني حوالي 6 ل 7% حسب المدة اللي بتريط فيها الوديعة.
شهادة الاستثمار بتكون سنة أو 3 أو 5 أو 7 أو 10 و بتصرف العائد كل شهر أو 3 أو 6 أو سنة و كل ما المدة تزيد و دورية صرف العائد تزيد الفائدة بتزيد. نسبة الفوايد حوالي 11.5 ل 12% ديه أعلي حاجة لشهادة 5 سنين و صرف العائد كل 3 شهور و هتلاقيها في بنك عودة و بنك saib و سيبك من البنوك الحكومية لأن فوايدها أقل و مافيهاش ميزة.
رأيي الصراحة اتقي شر الشبهات و أمن حاجة اشتري دولارات و شيلها في البيت. 20000 جنيه يعني حوالي 2700 دولار يعني 27 ورقة ممكن تشيلهم في أي مكان و مش هيبانو أساس. يا أما تفتح حساب دولاري من غير فوايد و تشيلهم فيه و ان كان فيه ناش بتقول أن مجرد فتح الحشاب في البنك حتي لو مش بتاخد فوايد ده معناه أنك بتساعد البنك يدي قروض. طبعا الله أعلم أعمل عقلك و اتكل علي الله.
و الله الواحد تعب و مش عارف الصح فين لكن ده طبيعي الحلال سكته صعبة.
أسف للاطالة لكن حبيت أوضح كل الكلام لأني كنت في نفس حيرة حضرتك.

طالما معندكش حلفية فى مشاريع وكدهيبقى حرام تضييع فلوسك وممكن تجيب شهادات استثمار وبالارابح تشترى برضه شهادات - والحرام الاكبر انك تطير فلوسك