الموضوع: ايه احسن شهادة استثمار موجوده حاليا

هفيدك بس فى شهادات البنوك الحكوميه الاهلى و مصر الشهادات 3 انواع حسب مدتها و كلهم الفايده عليهم 10.5% فى السنه حاليا انت بتختار نوع الشهاده و فتره العائد يعنى الشهاده السنه الواحده عائد كل شهر و ال 3 سنوات عائد كل 3 شهور و ال 10 سنين عائد كل 6 شهور العائد مش بينضاف على الشهاده بينزل فى حسابك الجارى و بيفضل فيه تسحبه وقت منتا عايزه

عليكم السلام
الاستثمار في العقارات, أو الدهب, أو حتى الدولار ممكن يحافظ على الفلوس و يزود قيمتها مع الوقت
شهادات الإستثمار فيها شبهة ربا - ربنا يحفظنا و يحفظك من عواقبه.
فيه أكثر من أخ فاضل عاملين موضوع عن الاستثمار في العقارات في القاهرة الجديدة أو استشارات مالية في المشاريع المختلفة ممكن تستشيرهم. ربنا يكرمك و يرزقك ويرزقنا بالحلال

بص يا باشا

افضل الشهادات من بنك saibank 12% تصرف العائد كل 3 شهور بالنسبة للاستثمار فى الدهب والدولار حوار فاشل البنك افضل وبالنسبة للعقارات كمان

بالنسبة لموصوع الربا عايز اقولك ان معظم الشعب المصرى بيحب يردد وخلاص دون فهم او دراسة

شكرا ليكم علي محاولة مساعدتي
هو اولا المبلغ مش كبير للدرجه يعني هم 20 الف نتيجة جعية سنتين بس انا طفحت الدم فيهم وربنا يشهد علي كده عشان كده خايف اصرفهم في حاجه مش ليها لازمة وخايف اضيعهم في اي مشروع مش مضمون وكمان مش محتاجهم في حاجه ملحة دلوقتي عشان كده فكر في الوديعه او شهادة استثمار منها احافظ علي قيمتهم ومنها لما احتاجهم اهم موجودين فقلت استفيد من خبراتكم اكيد الناس هنا مرت بمواقف زي دي كتير وفاهمين ياريت لو حد عنده اقتراح الوديعه افضل ولا شهادة الاستثمار والفرق ما بينهم وايه احسن نوع وديعه واحسن نوع ششهادة استثمار ان شاء الله ممكن مش احتاج الفلوس دي الا بعد 5سنين ويارب ما يحوجني ليهم ابدا

المشاركة الأصلية كتبت بواسطة karim alaa

هفيدك بس فى شهادات البنوك الحكوميه الاهلى و مصر الشهادات 3 انواع حسب مدتها و كلهم الفايده عليهم 10.5% فى السنه حاليا انت بتختار نوع الشهاده و فتره العائد يعنى الشهاده السنه الواحده عائد كل شهر و ال 3 سنوات عائد كل 3 شهور و ال 10 سنين عائد كل 6 شهور العائد مش بينضاف على الشهاده بينزل فى حسابك الجارى و بيفضل فيه تسحبه وقت منتا عايزه

طيب العائد اللي بينزل في حسابي الجاري هل بيضيفوا فوائد عليه ولا بيفضل ثابت طول الوقت ويفضل اني اسحبة
وايه الاحسن شهادة الاستثمار ولا الوديعه

بيفضل فى حسابك زى مهو من غير ميتحط عليه فوايد او شىء و للاسف معنديش معلومات عن الودائع ولا الفرق مبينها و مبين الشهاده