مشروع اسكان متوسطي الدخل

**the lawyer** · 01-11-2014 04:35 PM

طبعا الكل سمع عن مشروع الأسكان لمتوسطي الدخل وتعريف متوسط الدخل عند الحكومة هو اللي بيقبض من 3000 جنيه الي 10000 جنيه ، وقيمة الشقة بتبتدي من 250000 جنيه وحتى 400000 جنيه والمساحة من 100 متر حتى 150 متر .

طيب حنفترض اني حاخد الشقة اللي هيا ب 250000 جنيه مساحة 100 متر مطلوب اني ادفع 25000 جنيه دفعة مقدمة ولما ترسى عليا القرعة ادفعة 225000 جنيه يا اما على اقساط ربع سنوية على اربع سنين او بالتمويل العقاري على 15 سنة بفائدة 8% .

والأكيد اني مش حاقدر ادفع تمن الشقة الباقي على 4 سنين فقولت خلاص اتجه للتمويل العقاري طيب تعالوا نسحبها سوا 225000 جنيه ( باقي قيمة الشقة ) × 8 ( فائد سنوية ) × 15 سنة ÷ 100 = 270000 جنيه ( قيمة الفائدة على الشقة ) + 225000 جنيه ( باقي قيمة الشقة ) = 495000 جنيه ÷ 180 شهر += قسط شهري 2750 جنيه .
طيب انا اخترت اقل شقة واقل قيمة وبقبض 3500 جنيه شهرياً بالحوافز والسلاطات ممكن الحكومة تقولي ازاي اقدر ادفع القسط دا انا متوسطي الدخل وعايز حل .

ارجو عدم تحويل الموضوع لنقاش سياسي .

**Karim Alaa** · 01-11-2014 04:48 PM

بص يا باشا الشفق دى مش مدعومه و مش معموله للى مش قادر معموله للقادر بس مش قادر يجمع تمن الشقه يعنى لو قولنا واحد قادر بيتشغل فى بنك اجنبى و بيحوش 10.000 جنيه كل شهر هييجب الشقه امو 350 الف امتى ؟؟ بعد كام شهر عذاب لان الاسعار عاليه فشخ حتى على الغتى القادر بالمقايس بتاعتنا

فهما عملو شقق مش مدعومعه بتتباع بسعرها و بفايده 8% للجزء ده من الناس فى اماكن سعر الارض بتاعها عالى اصلا

و عليه هى مش ليك اصلا و مدام معليهاش و لا جنيه دعم يبقى عادى و بعدين هما مش قالو ان الحد الادنى للدخل 5.000 ؟

**بحار** · 01-11-2014 05:22 PM

المشاركة الأصلية كتبت بواسطة the lawyer

ارجو عدم تحويل الموضوع لنقاش سياسي .

مش عارف ليه حاسس انك بتقول اقلبوها سياسه !!!!
ومع ذلك مش هاتكلم سياسه .. احسب انته الموضوع والتكلفه وطلع حسبتهم من الحكاية هتلاقى نفسك فى مشكله لان الاسعار فى السوق هيا اللى بتحكم ..

**eshoo** · 01-11-2014 05:59 PM

متابع

**the lawyer** · 01-11-2014 07:32 PM

المشاركة الأصلية كتبت بواسطة Karim Alaa

بص يا باشا الشفق دى مش مدعومه و مش معموله للى مش قادر معموله للقادر بس مش قادر يجمع تمن الشقه يعنى لو قولنا واحد قادر بيتشغل فى بنك اجنبى و بيحوش 10.000 جنيه كل شهر هييجب الشقه امو 350 الف امتى ؟؟ بعد كام شهر عذاب لان الاسعار عاليه فشخ حتى على الغتى القادر بالمقايس بتاعتنا

فهما عملو شقق مش مدعومعه بتتباع بسعرها و بفايده 8% للجزء ده من الناس فى اماكن سعر الارض بتاعها عالى اصلا

و عليه هى مش ليك اصلا و مدام معليهاش و لا جنيه دعم يبقى عادى و بعدين هما مش قالو ان الحد الادنى للدخل 5.000 ؟

الحكومة حددت متوسطي الدخل ب3000 جنيه حتي 10000 جنيه مش 5000 جنيه.
انت بتقول ان الشقق دي مش ليا طيب ايه رأيك في مشروع اسكان الشباب في 6 اكتوبر ( حدائق اكتوبر ) شقق الصافي بتاعها 63 متر عارف يعني ايه 63 متر اوضتين 3×3 وحمام 1×2 ومطبخ زي وريسبشن 5×4 ... طيب رضيت بالهم والهم مرضيش بيا سعرالشقق كام يا فندم 195000 جنيه بالتقسيط على 5 سنين دا غير الفوائد وخلي بالك مش حتستلم الشقة غير لما تسدد80 % من تمنها والشقة نص تشطيب يعني مطلوب مني اني ادفع ايجار شقة وادفع قسط شقة ( جحر ) واسيبلهم فلوسي 4 سنين طيب ازاي .. علماً بأن الشركات دي واخدة الأراضي والمرافق ببلاش

**dede_dodo88** · 01-11-2014 09:56 PM

طب ممكن تنورني لو تعرف تفاصيل عن الحوار ده, يعني أماكن الشقق فين, مساحتها, أسعارها, تسهيلات السداد ؟!..

**the lawyer** · 01-11-2014 10:04 PM

المشاركة الأصلية كتبت بواسطة dede_dodo88

طب ممكن تنورني لو تعرف تفاصيل عن الحوار ده, يعني أماكن الشقق فين, مساحتها, أسعارها, تسهيلات السداد ؟!..

تقصد اي شقق ؟؟ الإسكان المتوسط ولا 63 متر

**dede_dodo88** · 01-11-2014 10:22 PM

المشاركة الأصلية كتبت بواسطة the lawyer

تقصد اي شقق ؟؟ الإسكان المتوسط ولا 63 متر

انا بتكلم عن المتوسط.. 63م دي تبقى صغيرة اوي ده غير ان 6 اكتوبر دي تعتبر اخر الدنيا بالنسبالي..

**Karim Alaa** · 01-11-2014 11:47 PM

يا برنس استنى مشروع غيره بيعملو مشاريع تانيه ب 85 متر ممكن تناسب حضرتك زى مقولتلك ده مش ليك لانه مش مدعوم حضرك محتاج حاجه مدعومه ممكن تروح بنك الاسكان و التعمير هتلاقى فرص تمويل عقارى مناسبه كان فى شقق 75 و 85 متر متشطبه فى الشروق بتدفع 55 مقدم و بتقسط 150 تقريبا على 5 سنين روح و هتلاقى دور فى المدعم لانه مش هيمشى معاك الغير مدعم ده خالص

**Karim Alaa** · 01-11-2014 11:51 PM

المشاركة الأصلية كتبت بواسطة dede_dodo88

طب ممكن تنورني لو تعرف تفاصيل عن الحوار ده, يعني أماكن الشقق فين, مساحتها, أسعارها, تسهيلات السداد ؟!..

فى القاهره الاماكن الشروق و التجمع الخامس مساحات من 100 لى 145 متر متشطبه التمن من 250 ل 450 الف جنيه

شروطه ان ملارتبك يكون اقل شىء 3000 حسب كلام الاخ صاحب الموضوع الى انا سمعته كان 5000 و متكنش واخد شقه تبع الحكومه قبل كده انت او زوجتك لو فى زوجه و بتقدم ورقك و لو اليك تخصيص بتدفع المقدم و بتشوف نظام الدفع الى يريحك و هتلاقى فى اول الموضوع شرح عن كيفيه الدفع