عرض للطباعة
حجزت كشف على تويوتا 94 فى التوكيل الاسكندرية يوم 4 نوفمبر عشان اموتور بياكل زيت وكل ماروح لميكانيكى يقول كلام شكل المهم فى التليفون قالولى كشف على الموتور بس او على العربية قولت العربية كلها قولتلهم كام قالو مانعرفش لما تروح هتعرف
انا خايف ادبس هناك ومش عارف هيعملو اية حد يعرف الكشف دة بكام
يعني ايه ميعرفش هو انت تتصل ولما ياكلك معرفش قولوا مش علشان اجيب معايا فلوس اد الكشف على العربيه هيكون محدد وضروري يقولك
شكرا لردك
انا روحت التوكيل اكشف على العربية طلع العربية ماتنفعش
الماتور محتاج عمرة تبدء من 7 الاف الى 15 الف
تغير العفشة
2بيض مقص 1900 جنية
مقص شمال 1400
مقص يمين 1300
اسكترا 8500 مش عارف لية مع ان الى موجودة فى العربية بدون بور
علبة شكمان خلفية 1700
علبة شكمان وسط 1400
مساعد خلفى شمال 1600
مساعد خلفى يمين 1850
مساعد امامى شمال 1350
مساعد امامى يمين 1260
كاوتشة كوبلن خارجى 850
كاوتشة كوبلن داخلى 840
1900 جنية مصنعية
يعنى الاجمالى 25000 الف بدون عمرة الماتور
المشكلة ان العربية ماشية كويس جدا بس ناشفة شوية فى المطبات غير كدة مفيش انا كنت رايح عشان الزيت بينقص
حضرتك كده عرفت كل المطلوب للعربيةاقتباس:
المشاركة الأصلية كتبت بواسطة shnouda
هتروح لاي ميكانيكي نضيف هيركبلك كل ده وهيعمرلك الموتور وان شاء الله العمليه مش هتعدي 5- 6 بالكتير وهتبقي زي الفل
ان شاء اللة هعمل كدة بس خايف من عمرة الماتوراقتباس:
المشاركة الأصلية كتبت بواسطة muhmado_furp
حضرتك واضح انك أول مرة تتعامل مع توكيلات .. باختصار التوكيل في مصر مينفعش توديله عربية عمرها أكتر من 5 سنين .. الا اذا كانت من الأول بتعمل صيانتها في التوكيل.
الحاجات اللي التوكيل طالبها منك دي هتلاقي في حاجات كفائتها 70% و ممكن أكتر .. بس هو التوكيل بيغير و خلاص .. أنا كنت كل ما أعمل صيانة الاقي المهندس بيكلمني و يقول لي العربية عاوزة تيل و طنابير ب 2500 جنية .. و أنا أقول له لأ .. و فضلت كده 30 ألف كيلو و الحمد لله الفرامل زي الفل ولا ريجة ولا ضعف ولا حاجة .. و بعد ال 30 ألف كيلو غيرت تيل فرامل بس ب 350 جنية و الطنابير الحمد لله مافيهاش الهوا .. و لو دورت في المنتدى هتلاقي مواضيع كتير عن ناس بتشتكي من ان قطع الغيار اللي طالعة من العربية زي الفل بعد الصيانات و بيسألوا أمال التوكيل بيغيرها ليه!
نصيحة أخوية .. سيبك من التوكيل .. العربية اللي معاك الناس بتشتغل فيها من 20 سنة يعني ممكن أي صنايعي يشتغل فيها و هو مغمض عينيه .. بخلاف ان طبعا أسعار قطع الغيار هلامية و هتلاقي الأصلي بره التوكيل بأسعار أقل من كده بكتيير.
انت تروح لمركز أو صنايعي شاطر و بيفهم و نضيف و هيكشف لك تاني و هيوريك ان 70% من الحاجات دي مش محتاجة تتغير أصلا.
فعلا دى اول مرة اتعامل مع توكيل بس انا قولت اريح من الصنايعية وفعلا العربية ماشية كويس مش عارف اية كل دةاقتباس:
المشاركة الأصلية كتبت بواسطة kar!m
ايه الارقام الهلامية دىاقتباس:
المشاركة الأصلية كتبت بواسطة shnouda
انا معايا العيون 98 وهى تقريبا نفس العفشة بتاعة موديلات التسعينات و سائل على عفشتها كامله جديده من بورسعيد تعمل فى حدود 4 ل 5 الاف جنيه
ولا عمرة الموتور من 7 ل 15 الف ....... ده تسقيط موتور 1600 كامل استيراد خارج كله على بعضه ب7 الاف جنيه
فعلا هى نفس العفشةاقتباس:
المشاركة الأصلية كتبت بواسطة talhawy
انا بعد ما رحت كرهت العربية وكنت هبيعها رغم انى لسة شاريها بس انا محتار فى عمرة الموتور مش عارف هيبقى كويس او لا وانا من الاسكندرية ومش عارف حد كويس يعمل العمرة
اقتباس:
المشاركة الأصلية كتبت بواسطة shnouda
بص يا ريس ....... مفيش ميكانيكى فى مصر بيظبط زى الخواجة وعن تجربتى مع موتورى القديم ال1300 بعد العمره مش حتنبسط واحتمال يبقى فيه ترشيح زيت او ضعف فى الاداء وبينى وبينك العربية اهم حاجة فيها الموتور حتى لو ماشيه تشخلل ...... سقط موتور (شورت بلوك ) احسن واتاكد من ورقه انه استيراد الخارج مش متسقط من عربية محلى ....... والله الفرق عن مصاريف العمره ماحيزيد عن باكو واحد ويمكن اقل ...... انا سقطلها موتور 1600 استيراد اتوماتيك بالفتيس بتاعه وارد امريكا 113 حصان بالرغم من التكاليف ( الموضوع دخل بالمصنعيات والورق والنقل فى 9 بواكى ) بس ده لانى عاشق للعربية وكنت جاهز اصرف وما ابيعش والموتور ده مرعب فى السحب والشد وخرافى فى اقتصادية استهلاك البنزين ( 280 كيلو من اسكندرية لمطروح والعربية معزوقة بشر وشنط ومشى على سرعة 100-120 واستهلاك 20 لتر بنزين 92 فقط ) الصراحه موتور مريح عن الصغير ال1300 بمراحل ........ على فكره انا كمان ساكن فى اسكندرية بس باتعامل مع ميكانيكى عبقرى فى طنطا هو اللى جابلى الموتور ده
طب ماتجيبلي رقمة وعنوانه
انا من المحلة الكبري ونفسي في ميكانيكي كويس بيفهم قريب مني
شكرا على الرد بس انا لسة مخلص العمرة من كام يوماقتباس:
المشاركة الأصلية كتبت بواسطة talhawy
طيب ياجماعة انا لسة جايب كورلا 98 عيون
ولقيت زيت على وش الماتور وسالت ميكانيكى قالى دى عايزة طقم شانبر
ومش عارف اعمل اية والا هيتكلف كام
هى 1300 مانول ومتعرفوش تيل الفرامل بتعها بكام
وشكرا ليكو يارجالة
طقم شبر بس ماعتقدش التيل الاصلى 270 جنيةاقتباس:
المشاركة الأصلية كتبت بواسطة bassem gamal
طيب ياباشا طقم الشامبر دا يكلف كام ؟؟؟ وهى ممكن تفتح فى حاجة تانى والا اية ؟؟؟ اصل الحكاية مش ناقصة بصراحة ... وحد يعرف ورشة كويسه تعمل الموضوع دااااقتباس:
المشاركة الأصلية كتبت بواسطة shnouda
طقم شمبر مش هيعدى 800 جنية
ولاذم الميكانيكى يفتح الموتور ويقرر هو