نفص فى مقاس الزيت للموتور
سيارتى شيفورليه اوبترا ( عادى )
انا غيرت زيت الموتور من حوالى 3 اسابيع
اول ما غيرت الزيت كان مقاسه عند نهاية منطقة الماكس لمقاس الزيت , اليوم لقيت مستوى الزيت فى منتصف المنطقة الوسطى لمقاس الزيت , مع العلم انى مشيت بالسيارة 2000 كم من لحظة ما غيرت الزيت وحتى الان , انا بستخدم زيت تقيل زيت 3000 .
مش عارف السبب فى نقص الزيت هل هو الزيت بيتحرق ام فى تسريب .
كيف اعرف السبب ؟
لقيت بقع زيت عاملة زى الطين ( الجانب الايمن من الموتور ) عند الدبرياج واطلمبة ال
اقتباس:
المشاركة الأصلية كتبت بواسطة borio1704
بالنسبة للتسريب من الموتور.. فده المفترض يكون واضح بالنظر للموتور أو تحت العربية.. بمعنى إنك لازم تشوف حاجة من دول:
1- بقعة زيت على الأرض تحت العربية لو كانت طبة الزيت مش مربوطة كويس مثلا...
2- بقع زيت وتراب على جسم الموتور (ممكن تبقى عاملة زي الطين لو التسريب قوي) .. خاصة عند السير الأساسي في الموتور اللي متركب عليه الدينامو وطلمبة المية والكمبريسور.
أما بالنسبة للاحتراق.. فممكن يبان لو حضرتك دوست بنزين قوي فجأة... بس يستحسن تخلي حد واقف عند الشكمان عشان يشوف إمتى الزيت بيطلع.
اتأكد كمان إن الزيت اللي حضرتك بتستخدمه مناسب لموتور العربية
الزيوت الثقيلة في موتور زي موتور الأوبترا غير مناسبة .. لإن على حسب علمي لازم تستخدم زيوت خفيفة نوعا ما زي 5w-30 أو 10w-30
ده غير مواصفات تانية بتأكد على كون الزيت ثابت وكمان يستحمل مستوى خدمة معين..
وعلى حسب علمي.. لازم الزيت يكون متوافق مع مواصفات جنرال موتورز.
ارجع لكتالوج العربية وشوف الزيت المطلوب في صفحة الزيت ونفذ المطلوب منك... مش هتلاقي مشكلة بإذن الله.
عايز تعرف معلومات أكتر عن طرق اختيار الزيت المناسب.. اتفضل وادخل على الموضوع ده:
http://www.nilemotors.net/nile/341680-a.html
...
الحمد لله العربية مش بتطلع دخان ابيض او اززرق وكمان مفيش اى ثار للزيت اسفل العربية انا اتأكدت من كده اكثر من مرة , انا من فترة غيرت البوجيهات وكابلات البوجيهات عند كهربائى ولقيت اثار زيت عليها فى نهاية البوجيهات , وعرفت ان السبب من جوان غطا التاكيهات ( وكمان لقيت كمان اثار زيت المكينة اسفل غطا التاكيهات ) علشان كده غيرته فاختفى اثار الزيت عند غطا التاكيهات , ولكن الزيت بينقص , وكمان لقيت بقع زيت عاملة زى الطين ( الجانب الايمن من الموتور ) عند الدبرياج واطلمبة المياه بس مش عارف ايه التسريب منين ؟ ارجوا الافادة