عرض للطباعة
السلام عليكم...
محتاج رأى حضراتكم فى مرسيدس AvantGard C250 CGI موديل 2011 ماشيه 13000كم
لون اسود و بحالة الفابريقه....مطلوب فيها 350 ألف.
1- هل السعر مناسب؟
2-هل هذا الموديل جيد؟
3-هل اعادة البيع سهلة و بدون خسائر كبيره؟
برجاء سرعة الرد لحاجتى للمعلومات سريعا...مع وافر الشكر لكم جميعا.
الموديل ده من أفضل موديلات ال C class اللي نزلتها مرسيدس يعني سيارة ممتازة وحضرتك بتقول أنها فابريقة ... وال كم بتاعها فعلاً قليل على 3 سنين ... أعادة البيع سهلة والمرسيدس بيمسك سعر جامد ... بس أنا شايف أن السعر مبالغ فيه بصراحة وده رأيي ... لأن الشكل ده نزل عليه الفيس لفت في 2012 وبعدين نزل الشكل الجديد موديل 2015 حتى مع مشاكل المواتير وبنزين 95 اللي أكيد مرسيدس هتحلها وهتتغلب على المشكلة أن شاء الله ... فأجيب الشكل الجديد ب 378 ألف أحسن ما جيب شكل قديم ب 350 ألف و عربية عمرها 3 سنين ... حتى لو أستخدام نظيف وفابريكة ... فلو حضرتك عاجباك خلص فيها بس حاول تنزل في السعر شويتين تلاته ... ونصيحتى ليك الكشف في التوكيل أهم حاجة ومتستخسرش ... المبلغ كبير ولازم تطمن على الشاسيه و العداد ... وده من وجهة نظري المتواضعة و حضرتك أنتظر برده رأى السادة الأعضاء ... يمكن حد يفيدنا برأى أخر ...اقتباس:
المشاركة الأصلية كتبت بواسطة عصام عبد العال
حاول تنزل فى السعر
و اكشف فى التوكيل علشان العداد