وكالعادة ، لقد وقعت في الفخ !!!

السلام عليكم ورحمة الله وبركاته
شباب ونسور السوزوكي .. كل سنة وانتم طيبين

وعلى المرة الثالثة على التوالي وكعادة شوارعنا العظيمة ... وقعت في نقرتين كبار على سرعة 100 كيلو
هما مش نقرتين بصراحة .. حاجة كده من اللي تملى عين الواحد .. بسم الله ما شاء الله .. تقولشي نفق !!

كنت ماشي على سرعة 100 لاني كنت متضطر .. ودي مش طبيعتي على فكرة .. واذ فجأتا لاقيتهم اودامي ... درك طاخ درك طاخ وحاجات تقع من الدرج وصوت ازاز اتكسر وخبط ورزع وحاجة طقت .. لدرجة اني عملت هيلا هوب ولاقيت نفسي اتزحلقت من الكرسي وكنت هانزل على الدواسة .. لاكن الحمد لله مسكت نفسي والدريكسيون جامد ... والحمد لله عديت الحفرتين دول بسلام ..... براحة كده ... روحت واخد نفسي ... وركنت العربية براحة ونزلت اشوف في ايه ....

قلت ابص اول حاجة على الجانط والكاوتش ... عدلت الدريكسيون الاول وبصيت .. من منظور اتجاه العجل مع اتجاه الدريكسيون اودام ويمين وشمال .. الحمدلله كله مظبوط ... ببص على الجنط .. لاقيت في حرف الجنط او الشفة متنية شوية وقفشت على الطاسة ... والحمد لله مافيش ازاز اتكسر .. مش عارف بقا يمكن اتهيألي !!

طلعت بيها ,,, الحمدلله ماتحدفش يمين او شمال .,.. طلعت مطب على الهادي سمعت صوت حاجة خبتط من تحت ... مرة واحدة بس ماتكررتش تاني مع باقي المطبات ...

لاكن الحاجة الوحيدة اللي بتتكرر مع المطبات وعلى الارض الغير مستوية .. هو صوت تزييقة جاية من ورا .. انا سامعها كويس في كل مرة .. اتهيألي انه من الشنطة .. واحد صاحبي بيقولي مقصات ... مش عارف !!!

ايه الاحتمالات يا شباب ... وشكراااااااااااا

الاحتمالات حضرتك تلقي نظرة ممحصه اسفل المركبه
ويا حبذا لو ترفع العجلة التي اكلت الخبطه رغم مؤونة ثقلها وتهشكها ذات اليمين وذات اليسار ومرغوب جدا تهمكها للاعلي والاسفل
ثم تمحيص فتفحيص للمقصات والشمعدانات والمساعدينات والصررات والشدادات

حمد الله علي سلامتك
المهم انك كويس

اقتباس:

---

المشاركة الأصلية كتبت بواسطة Mecha

الاحتمالات حضرتك تلقي نظرة ممحصه اسفل المركبه
ويا حبذا لو ترفع العجلة التي اكلت الخبطه رغم مؤونة ثقلها وتهشكها ذات اليمين وذات اليسار ومرغوب جدا تهمكها للاعلي والاسفل
ثم تمحيص فتفحيص للمقصات والشمعدانات والمساعدينات والصررات والشدادات

---

ههههههههههههههههههههههههه هههههههههه
اجمد رد ممكن اسمعه في حياتي ... ولاوني مافهمتش تلاتتربع الكلام :POINTIy2[2]:
جزاك الله خير .. والف شكر

اقتباس:

---

المشاركة الأصلية كتبت بواسطة hhalawany

ههههههههههههههههههههههههه هههههههههه
اجمد رد ممكن اسمعه في حياتي ... ولاوني مافهمتش تلاتتربع الكلام :pointiy2[2]:
جزاك الله خير .. والف شكر

---

يهمنا سعادتك يا باشا :36_2_33:
حمد الله علي السلامه علي كل حال
القصد حضرتك تلقي نظره بنفسك -
السيف اصدق نبآ من الكتب في حده الحد بين الجد واللعب
واللي شاف غير من سمع ,الاتومبيل دا حبيبي حمال قسيه بيشيل كتير
وبالتوفيق

اقتباس:

---

المشاركة الأصلية كتبت بواسطة mecha

يهمنا سعادتك يا باشا :36_2_33:
حمد الله علي السلامه علي كل حال
القصد حضرتك تلقي نظره بنفسك -
السيف اصدق نبآ من الكتب في حده الحد بين الجد واللعب
واللي شاف غير من سمع ,الاتومبيل دا حبيبي حمال قسيه بيشيل كتير
وبالتوفيق

---

شكرا ليك يا باشا :)

اقتباس:

---

المشاركة الأصلية كتبت بواسطة mnashat77

حمد الله علي سلامتك
المهم انك كويس

---

الله يسلمك .. شكرا يا باشا على اهتمامك :)

روحت كشفت عليها في بنزينة توتل اللي في البحر الاعظم ... مبدئيا وانا طالع على الرفاعة طبعا انتو عرفين ان العربية الماروتي كنزة شوية .. ياعني يادوبك الكاوتش من الجنبين بيبقى على طرف العامود اللي بيقف عليه ...
اوم ايه بقا راحت العربية واقعة وانا لسة داخل بيها من الناحية الشمال ... طبعا انا اللي سايق .. لاكن الغلط كان على الباشا اللي عمال يقولي خش خش خش .. اديها اترزعت .... بس الحمد لله ماحصلش حاجة غير بس الكاوتشة اللي ورا العجلة اتقطعت .. بسيطة الحمدلله

نيجي بقا نكشف من تحت .. اولا ,,, العفشة مافيهاش حاجة والحمدلله بس احتاجت تتربط لانها كانت سايبة ... بالنسبة للمقصات الحمدلله مافيش اي حاجة ... بالنسبة لعوجة شفة الجنط .. قالي دي بسيطة ولا ليها اي تأثير ...

مافيش بس غير المساعدين اللي اودام ودول اللي محتاجين يتغيروا عشان تعبوا قوي ...

والحمدلله على كده ...

مش بقولك حمالة قسيه بتشيل كتير
بس حلو اسلوب احمد خالد توفيق .. وكالعادة وقعت في الفحت

مش عارف ليه حاسس ان الحفرتين اللي حضرتك وقعت فيهم قدام فندق موفنبيك الهرم؟

علشان نفس وصفك ده بالضبط حصلي من شهر كده و بس الحمد لله الخساير كانت ظبط زوايا فقط

خبرة وصف وتعليم الشوارع بالمطبات زي المرحوم شيكوكو

اقتباس:

---

المشاركة الأصلية كتبت بواسطة Mecha

مش بقولك حمالة قسيه بتشيل كتير
بس حلو اسلوب احمد خالد توفيق .. وكالعادة وقعت في الفحت

---

الحمد لله فعلا حمالة قسية .. ربنا يزيدها تحمل وتصمد في الشوارعنا الجميلة ..
وبالمناسبة انا ماعرفش مين احمد خالد توفيق .. بس اتضريت اعمل سيرش عليه في جوجل عشان اعرفه ,, مش هو كاتب برضو :ma(30):

اقتباس:

---

المشاركة الأصلية كتبت بواسطة nadernabil

مش عارف ليه حاسس ان الحفرتين اللي حضرتك وقعت فيهم قدام فندق موفنبيك الهرم؟

علشان نفس وصفك ده بالضبط حصلي من شهر كده و بس الحمد لله الخساير كانت ظبط زوايا فقط

---

والله يا باشا انا ماخدش بالي كانوا فين بالظبط .. لاكن في الحقيقة انا كنت في 6 اكتوبر وكنت متجه على فندق كتراكت بيراميدز ريزرت اللي في المريوطية ,,, وكانوا الحفرتين اقرب اكتر من طريق المريوطية او الهرم .. وكانوا على الشمال ,,, مش عارف بقا اذا كان هما دول ولا لأ ,,, بس حاجة انما ايه .. عظيمة ياعني

وربنا يسترها علينا جميعا :)

اقتباس:

---

المشاركة الأصلية كتبت بواسطة hhalawany

الحمد لله فعلا حمالة قسية .. ربنا يزيدها تحمل وتصمد في الشوارعنا الجميلة ..
وبالمناسبة انا ماعرفش مين احمد خالد توفيق .. بس اتضريت اعمل سيرش عليه في جوجل عشان اعرفه ,, مش هو كاتب برضو :ma(30):

---

الله ينور عليك هو الكاتب الدكتور

اقتباس:

---

المشاركة الأصلية كتبت بواسطة hhalawany

والله يا باشا انا ماخدش بالي كانوا فين بالظبط .. لاكن في الحقيقة انا كنت في 6 اكتوبر وكنت متجه على فندق كتراكت بيراميدز ريزرت اللي في المريوطية ,,, وكانوا الحفرتين اقرب اكتر من طريق المريوطية او الهرم .. وكانوا على الشمال ,,, مش عارف بقا اذا كان هما دول ولا لأ ,,, بس حاجة انما ايه .. عظيمة ياعني

وربنا يسترها علينا جميعا :)

---

هما بعينهم يا باشا...بصراحة ماركة مسجلة و ماشفتش زيهم في الغباء أو إستراتيجية مكانهم قبل كده
الله يحفظ طريقك :)