ايه رايكوا تيجو2014 اوتوماتك جديده ام النترا 2012 مستعمله
عرض للطباعة
ايه رايكوا تيجو2014 اوتوماتك جديده ام النترا 2012 مستعمله
لو مكانك ألنترا طبعا وبدون تفكير
السلام عليكم
بصراحه الالنترا
والله المستعان
السلام عليكم
هو اولا التيجو الاتوماتيك 2015 مش 2014
نفس شكل ال 2014 بس نازله اتوماتيك موديل 2015
ثانيا حضرتك عايز ايه من العربيه ؟
وسع ومساحه داخليه ؟ موتور ؟ قوه ؟ اعاده بيع ؟ تستحمل السفر ؟ ولا ايه بالظبط ؟
التيجو ( معايا موديل 2010 ) جميله واسعه عاليه عن الارض كل حاجه عايزها موجوده فيها الحمدلله
قطع غيار رخيصه جدا وه حقيقي تيل فرامل حوالي 80 جنيه من التوفيقيه, مساعدين حوالي 500 - 600 جنيه وبيركب لها قطع غيار تويوتا راف ياباني _ مش هاتغلب في قطع الغيار بتاعتها , توكيل مالوش اي لازمه بصراحه بس موجود مراكز خدمه كتير جدا , في رايي احسن عربيه صيني موجوده
الخامات مش وااااو بس مش وحشه شغاله يعني .. التقفيل مصري طبعا العفشه جميله
الانترا اكيد خامات وتقفيل احسن وانضف مليون مره من التيجو واسعه من الداخل والشنطه واسعه وسحب ما شاء الله مالوش حل .. صفقه ممتازه ( كان مع الحاج موديل 2012 ) اعاده بيع ماشاء الله جميله جدا بما انها تعتبر رقم واحد في مصر ومطلوبه جدا ... التوكيل محترم قطع غيار متوفره ..
بس الموضوع كله متوفق .. حضرتك عايز ايه بالظبط ؟؟
ممكن تستغني عن ايه قصاد ايه ؟
محتاج ايه اكتر من ايه ؟
التيجو الجديده اوتو رائعه بموتور جديد وفتيس جديد
وجوده جيده في التقفيل
لكن
شوف انت محتاج ايه من العربيه
اولا شكرا علي رد حضرتك ثانيا انا عاوز حاجه تكون ثابته لان مشواري علي طريق سريع و ميكنش اعطلها كتيراقتباس:
المشاركة الأصلية كتبت بواسطة abo_salah
النترا اعلى في كل شئ ثبات وشكل وخامات ... الخ
والله يا باشا التيجو ما شاء الله عليها ثابته لحد 150 ... انا شخصيا مازودتش عن كده للامانه ...
بس طبيعي الانترا ثباتها اكتر من التيجو بما ان التيجو عربيه عاليه
وبرضه التيجو الجديد 2015 خامات احسن من اللي فات وموتور اقوي .. الموديلات لحد 2012 او 2013 كان موتور قديم 1600 سي سي 117 حصان ... الموتور الجديد مختلف تماما اتوماتيك 1600 سي سي 125 حصان تقريبا مش متذكر كام بالظبط ... فتحه سقف ومثبت سرعه ولون فرش اسود وسعرها بيبدا من 129.900 . .. في رايي احسن من اللي فاتت بصراحه
حضرتك مش هاتخسر حاجه لو روحت شوفتها وجربتها بنفسك
ونفس الكلام للالانترا ....
بالنسبه لموضوع الاعطال الكتير دي انت وحظك بصراحه d:
اول ما استلمنا الانترا 2012 في اول صيانه غيرنا علبه دركسيون كانت بايظه والتوكيل غيرها بالكامل في الضمان .. غير كده ماكنش فيها اي مشكله الحمدلله ..
التيجو بصراحه مشاكلها الحمدلله كلها خفيفه جدا مش حاجه ضروريه يعني ..
مشكلتها بس ان التوكيل مش كويس ( مش مهتم اوي بالعربيه ) .. وكل المهندسين اللي فيه شغالين في مراكز خدمه بره كلهم احسن من بعض وفاهمين في العربيه ... وزي ما قولت لحضرتك ارخص قطع غيار ممكن تشوفها في مصر وانزل التوفيقيه واسال عليها بنفسك ....
وبيني وبينك .. من بعد ماركبت عربيه عاليه .. مابقتش مرتاح في السيدان العاديه ..
باحس ان اي عربيه تانيه مهما كانت حجمها برضه صغيره
وبرضه الفيصل في الموضوع حضرتك تحدد محتاج ايه ؟ غير الثبات ..
واركب الاتنين وربنا يوفقك ان شاء الله للي فيه خير
االالنترا فرأي