ADSL TEData فيه مشكلة النهاردة؟

**ganash** · 03-11-2014 01:54 PM

انا عندى التصفح بقاله فتره وحش جدا

**Khaled Online** · 03-11-2014 02:00 PM

دعم TEData لسه قافلين معايا دلوقتي وبيقولوا الخط سليم والمشكلة ممكن تكون في الراوتر نفسه
طيب نفس الراوتر ده كان مشغل نفس الباندويدث دي عادي خالص. إيه اللي حصل جديد عشان قدرته تقل؟!!!
لما أرجع البيت هشوف إيه اللي حصل وهل السرعة رجعت سليمة ولا هفرمت الجهاز ولا هجيب راوتر جديد
حاجة متعبة

**أبو آسر** · 03-11-2014 02:27 PM

المشاركة الأصلية كتبت بواسطة khaled online

شكرا جزيلا يا أبو آسر. عملت فعلا الكلام ده وطلعت نفس السرعة في الـ 3 حالات. بخصوص بوكس التليفون فين تحديدا؟ اللي جوا الشقة وباخد منه وبوصل بيه للـsplitter ومنها العدة الأرضي والراوتر؟ مش ملمس. وسلك التليفون اللي ماشي في الشقة ( وواصل للبوكس اللي جوه الشقة) مش ملمس. فيه مكان غيرهم أشيك عليه؟

طالما السرعة مش طبيعية في كل الأجهزة يبقى مش مشكلة كمبيوتر طبعا دي مشكلة الخط نفسه
البوكس اللي في الشارع اللي تحت العمارة حاول تتبع خطك وتعرف مكانه في البوكس بعد ما تمشي مع السلك وشوفه ملمس في بعض أو في أي حاجة معدن ولا سليم وبرده حاول تنضفه ممكن يكون مجلخ ومصدي ولو معرفتش يبقى كلم السنترال أو شركة النت تشيكلك على الموضوع ده
أنا موضوع السرعة ده بيحصل معايا كتير وأحيانا الخط بيفصل خالص وبعد معاناة مع السنترال وشركة النت عرفت اللعبة وبقيت كل ما النت يبقى مش مظبوط أنزل أشوف البوكس وأظبط الخط بتاعي بنفسي ألاقي كل حاجة رجعت تمام إلا لو كان في مشكلة عمومية في السنترال أو شركة النت فدي بتبقى مفروض على جميع اللي في العمارة والمنطقة عندك مش عندك انت بس

**أبو آسر** · 03-11-2014 04:52 PM

المشاركة الأصلية كتبت بواسطة khaled online

شكرا جزيلا يا أبا آسر. تمام همشي ورا الخط وأشوف لو فيه مشاكل. على فكرة دعم tedata اتصل بيا من شوية وبيقولوا الراوتر هو المشكلة في الغالب!!! ولما سألته يمكن السلك فيه مشكلة قال لأ يا إما الراوتر يا إما الجهاز نفسه.

أنهي أكتر راوتر اعتمادي ومابيفصلش؟ عندي cisco linksys إيه غيره؟

متمشيش ورا كلام موظف الدعم لأن أغلبهم بصمجية وحافظين كلمتين وأسهل حاجة يلبسوا المشكلة في أي حاجة ويخلصوا
انت عندك سيسكو لينكسيس عايز تجيب إيه تاني أحسن من كده ؟!!
الراوتر ده من أكتر الراوترات احتراما وقوة و90% المشكلة مش منه ولا حاجة
جرب حوار البوكس ده الأول وبعدين كلم الدعم وقولهم المشكلة مش من الراوتر وعايز مندوب يجيلي ويشوف المشكلة منين ولو عايز تتأكد أوي هات راوتر من أي حد جارك أو قريبك وجربه وشوف المشكلة هتتحل ولا لأ أو اتصل بالسنترال قدم شكوى ان التليفون عطلان ولما يجيلك الفني قوله عايزك تنضفلي السلك وتظبطهولي ومتخليهوش ملمس في حاجة وتعزله علشان عندي مشكلة في النت واديله 10 ولا 20 جنيه