بعد بحث شهور لقيت موبايل جامد وجديد ايه رأيكم فيه

السلام عليكم
طبعا انتم عارفين اني بدور علي موبايل بقالي فترة وكل ما استقر علي واحد الاقي فيه عيوب وابدأ ادور من تاني
دلوقتي لقيت موبايل نازل جديد اسمه سامسونج جالكسي جراند برايم sm-g530h - سعة 8 جيجابايت,
وهو راماته1جيجا كاميرا امامية5ميجا وكاميرا خلفية8ميجا وبروسيسور رباعي النواة وذاكرة8جيجا وبطارية اعلي من الاصدارات التانية 2600ميللي وكمان اندرويد كيت كات حاجه وهم كده فحبيت اخد رأيكم فيه نتوكل علي الله ونشترية ولا اجيب ال lg l90 احسن منه انا شايف ان السامسونج بقي اعلي بكتير في الامكانيات افيدوني بوجهة نظركم ولو حد ليه تجربة معاه ياريت يفيدنا
وشكرا جزيلا

اللي اعرفه ان نسخ الجراند اللي نزلت مصر كانت كللها عيوب ومغرقه مركز الصيانه

خامات تصنيع بلاستيكية سيئة بعد شهور قليلة تظهر عيوب كثيرة في اجهزة سامسونج المتوسطة والضعيفة.
في تليفون تحفة هينزل خلال أيام علي موقع سوق كوم وهو الوكيل الحصري له ذو مواصفات رائعة وسعره لن يتجاوز 1150ج وغالبا اقل!، واسمه Innjoo Note
شاشة 5.5 بوصه، رام 1ج، رووم 16ج، بطارية 3000 مللي أمبير.

شوف الـnexus 6 الجديد كده

نوت 2 او 3

انا بالنسبالى نوت 2 زى الفل معايا . بس مفيش منة جديد اعتقد

شركة سامسنج وقفت انتاج نوت 2 علشان نوت 3 مكنش عامل ارباح

نصيحة بلاش سامسونج خليك في ال جي او اتش تي سي لو ملكش في الايفون
سامسونج رديئة جودة وخامات ومتتغرش بالمواصفات الخرافية اللي بيعملوها انا معايا نوت 3 والايفون 5 كان اسرع منه بمراحل

هاتف Xperia™ M2 Aqua المضاد للماء‏ - ‏Sony Smartphones (مصر)سوني اكسبيريا m2 اكوا

يبدو ان حضرتك بتدور على موبايل في حدود 1800 جنيه تقريبا
لو قدرت تزود مبلغ عليه ان شاء الله ممكن تجيب مثلا LG nexus 4
من اهم مميزاته انه اندرويد خام وشركة جوجل ناوية تنزله اندرويد 5 بإذن الله تعالى كما هو موضح في موقع gsmarena
الاندرويد الخام بيخليك تحصل على الاصدارات التي يتحملها جهازك اولا باول دون انتظار شركة سامسونج وغيرها لتعديل شكل الاصدار
ثم بعد اشهر يرسلون التحديث الجديد الى جهازك او لا
بالاضافة ان راماته 2 جيجا وسعره تقريبا 2600 جنيه
لو مش حابب تزود في المبلغ يبقى ممكن تبص على هواتف سوني
http://m.youtube.com/watch?v=PztJw6uHyzc

اقتباس:

---

المشاركة الأصلية كتبت بواسطة أبو آسر

نصيحة بلاش سامسونج خليك في ال جي او اتش تي سي لو ملكش في الايفون
سامسونج رديئة جودة وخامات ومتتغرش بالمواصفات الخرافية اللي بيعملوها انا معايا نوت 3 والايفون 5 كان اسرع منه بمراحل

---

هو ميزة السامسونج سهولة الاستخدام

و الاى فون معقد حبتين بس سريع جدا

..

كنت عايز اسال حضرتك سؤال ..

النوت 3 بقالو معاك اد اية .. و بيهنج ولا لأ

بلاش سامسونج اساسا
بص على هواوى انضف بكثير فى كل حاجة وبسعر اقل. صينى براند مش تقليد مضروب

اقتباس:

---

المشاركة الأصلية كتبت بواسطة mohamed_hamid

بلاش سامسونج اساسا
بص على هواوى انضف بكثير فى كل حاجة وبسعر اقل. صينى براند مش تقليد مضروب

---

شكرا علي الاهتمام
بس لو أمكن هل في حاجه ممكن ترشحهالي سعرها يكون من 1000ل2000 وتكون عملية وحديثة وبطاريتها كويسة

alcatel one x بحوالى الفين جنية لو لاقيته فى السوق يبقى انت محظوظ هتلاقيه فى المناطق الريفية علشان ما يعرفوش قيمته امكانيات عالية جدا وسعر رخيص

فيه موبيل الكاتيل نازل ب 2700 تقريبا واخد احسن بروسيسور في العالم واول بروسيسور ثماني النواة مش رباعي ... بصراحة معرفش اسمه بس هيكتسح

ونصيحة لو فكرت فالاندرويد هات اصل الاندرويد اللي هو nexus عشان تتفادي مشاكل الاندرويد زي التهنيج والتقل والحاجات دي كلها

ساعة الصيانة هتعرف قيمة السامسونج ..

اقتباس:

---

المشاركة الأصلية كتبت بواسطة hesham fawzy h

هو ميزة السامسونج سهولة الاستخدام

و الاى فون معقد حبتين بس سريع جدا

..

كنت عايز اسال حضرتك سؤال ..

النوت 3 بقالو معاك اد اية .. و بيهنج ولا لأ

---

الآي فون مش معقد ولا حاجة الناس هي اللي معقدة الموضوع عشان مش متعودة عليه مش أكتر لكن صدقني مع الاستخدام هتلاقي الدنيا لذيذة جدا وأكيد كل واحد قبل ما يشتري أول موبايل أندرويد مكنش بيفهم في الأندرويد وكان بيعاني شوية في الأول لحد ما اتعود وعرف الدنيا ماشية ازاي
النوت 3 لسة يادوب مقفل سنة معايا ومن ساعة ما جبته أساسا وهو تقيل وكل شوية لازم تنضف الرامات وتحذف الملفات المؤقتة وبرده أحيانا بيهنج وبيبقى بطيء جدا في الاستجابة ولازم رستارت وحاجة تقرف بصراحة
الآيفون مكنش في كل الكلام ده مع إن الأوبشنز في الظاهر أقل من النوت 3 بكتير

اقتباس:

---

المشاركة الأصلية كتبت بواسطة elpilot

شكرا علي الاهتمام
بس لو أمكن هل في حاجه ممكن ترشحهالي سعرها يكون من 1000ل2000 وتكون عملية وحديثة وبطاريتها كويسة

---

اتفضل

احدث موبايلات هاواي في مصر

اقتباس:

---

المشاركة الأصلية كتبت بواسطة أبو آسر

الآيفون مكنش في كل الكلام ده مع إن الأوبشنز في الظاهر أقل من النوت 3 بكتير

---

هو ده اللي بقوله على طول والله

على الورق حاجه والتجربه العمليه حاجه تانيه خالص ، ميعرفش الفرق غير اللي جرب

وبالمناسبه الجيلبريك اسهل بكتير من الروت والرومات والكلام ده

اقتباس:

---

المشاركة الأصلية كتبت بواسطة eng f3lix

فيه موبيل الكاتيل نازل ب 2700 تقريبا واخد احسن بروسيسور في العالم واول بروسيسور ثماني النواة مش رباعي ... بصراحة معرفش اسمه بس هيكتسح

ونصيحة لو فكرت فالاندرويد هات اصل الاندرويد اللي هو nexus عشان تتفادي مشاكل الاندرويد زي التهنيج والتقل والحاجات دي كلها

---

مشكور علي الاهتمام بس ممكن اعرف يعني ايه nexus ؟؟
وكنت بتفرج النهارده لقيت موبايلات الكاتيل اشكال والوان امكانيات عاليه جدا وسعر كويس جدا بس مش عارف هل دي صيني وهتضرب علي طول ولا صناعتها كويسة
وبالمناسبة برضو فيه موبايل اسمه انجو علي موقع سوق اسعارة حلوة اوي برضو بس يتبقي اني اعرف هل هم عمليين وبيستحملوا ولا سنة وهيفيص