الموضوع: سبورتاج الصفيحة بتعمل ١٠٠ كيلو بس !!!ده ايه؟

المشاركة الأصلية كتبت بواسطة aelsayed74

ايوه كان معايا الكورى 2013 لمدة 8 شهور وبعتها (ظروف) وجبت السلوفاكى (ودى كنت فرحان جدا انها تقفيل اوروبى) بس بعد لما ركبتها لمدة 3 شهور مارتحتش ليها خالص وبعتها وان فرحان انى اتخلصت منها ولغاية دلوقتى ندمان على الكورى بس الحمد لله على كل شئ.
انا معايا دلوقتى سيراتو 2014 كحل مؤقت لحد لما اشوف اعمل ايه.

وإيه بقى اللي زعل حضرتك من الأوروبي مع انها في الاخر نفس العربيه ؟

المشاركة الأصلية كتبت بواسطة aelsayed74

العربيتين مش زى بعض ودا عن تجربة شهور مش مشوار وخلاص وكانت عيوب السلوفاكى من وجهة نظرى:-
- صوت الموتور عالى
-- لازم ترزع الابواب علشان تقفل
- استهلاك البنزين عالى (11 - 12 اتر / 100 كم) مع بنزين 92
- الخامات الداخلية ملمسها عادى ومفيش ريحة الفبريكة اكنها مستعملة
- الدريكسيون فيبر مش جلد طبيعى خياطة!!!!
- كفاءة التكييف اقل من الكورى
- درجة عزل الزجاج الحرارى عادية ودا بيأثر على كفاءة التكييف (فى الكورى كان ممتاز جدا)
- فرامل اليد كانت دراع زى اى عربية وكان الكونسول بين الكرسيين ضيق ( كانت فى الكورى بدال على الشمال زى المرسيدس وكان الكونسول بين الكرسيين واسع وتقدر تستفيد منه انك تحط حاجات كتير)
- خامة الفرش القماش كانت وحشة عاملة زى الصوف مش ووتربروف زى اللى كانت فى الكورى
- استبدلوا الساعة ب alarms مالوش اى لازمه
علشان كده بعتها بعد 3 شهور غير مأسوف عليها.

بعد كلامك ده انا اتصلت بصحبي و خليته يطل مشوار عشان اقارن بين العربيين هوه معاه
الكوري 2012 هاي لاين مع صحبي و انا معايا سولفاكي 2015 أحب اقولك
صوت الماتور واحد و جربتها باليل عشان اعرف اسمع . لدرجه اني طلعت بيتنا و خليته يدور كل عربيه علي حده وسمعت من بلكونه الدور الاول و معرفتش افرق بين العربيتين
اما للابواب برده مفيش الكلام ده برده الأبواب ناعمه وعندي اطفال 4 سنين وست سنين مفيش مشاكل معاهم في قفل الأبواب
استهلاك البنزين مع صحبي من العداد لحظه ما كنا بنجرب 12.6 و كان عندي 9.7
ملمس الدريكسيون في السلوفاكي ناشف شويه بس جلد و الخياطة باينه فيه و هوه جلد مش حاجه تانيه و ممكن يكون ناشف شويه عشان العربيه لسه جديده
اما بالنسبه للخامات الداخليه انا شايف أنها افخم من 2012 و ريحه الفابريكه مش عارف اغيرها بقالي شهر و جبت معطرات كتير
أما درجه عزل الزجاج مش عارف اجربها
و بالنسبه فرامل اليد فأنا شايفها مزهر مش عيب حتي صحبي فرحان أنها بقت في اليد

و بالنسبه للساعة فهي موجوده في الكاسيت بخط و كبير واضح وجنبها التاريخ و لو قفلت الكاسيت بتظهر الساعة بحجم كامل الشاشه
أما المميزات الي في السلوفاكي من وجهة نظري أنها بقت انعم في المطبات. . وده عن تجربه تقولي ازاي اقولك اه والله زيمابؤلك كده ... طبعا الفوانيس الخلفيه بقت اشيك و أوضح و زودوا فانوس شابورا ورا ده غير الشبكه الاماميه و زودوا في الفانوس الشابوره الأمامي فانوس بلمبه تضيف عند الإشارة اليمين أو الشمال تضيئ أقصي اليمين أو أقصي الشمال وده جميل جدا لان لما بتدخل شارع ضلمه بيكون الجزء الي بتكسر فيه نقضه غير مضيئه فالفانوس ده اختراع
.
آسف علي الإطالة بس حبيت أوضح أن ممكن تكون عربيتك السلوفاكي كانت مشكله فرديه

المشاركة الأصلية كتبت بواسطة medoragab

بعد كلامك ده انا اتصلت بصحبي و خليته يطل مشوار عشان اقارن بين العربيين هوه معاه
الكوري 2012 هاي لاين مع صحبي و انا معايا سولفاكي 2015 أحب اقولك
صوت الماتور واحد و جربتها باليل عشان اعرف اسمع . لدرجه اني طلعت بيتنا و خليته يدور كل عربيه علي حده وسمعت من بلكونه الدور الاول و معرفتش افرق بين العربيتين
اما للابواب برده مفيش الكلام ده برده الأبواب ناعمه وعندي اطفال 4 سنين وست سنين مفيش مشاكل معاهم في قفل الأبواب
استهلاك البنزين مع صحبي من العداد لحظه ما كنا بنجرب 12.6 و كان عندي 9.7
ملمس الدريكسيون في السلوفاكي ناشف شويه بس جلد و الخياطة باينه فيه و هوه جلد مش حاجه تانيه و ممكن يكون ناشف شويه عشان العربيه لسه جديده
اما بالنسبه للخامات الداخليه انا شايف أنها افخم من 2012 و ريحه الفابريكه مش عارف اغيرها بقالي شهر و جبت معطرات كتير
أما درجه عزل الزجاج مش عارف اجربها
و بالنسبه فرامل اليد فأنا شايفها مزهر مش عيب حتي صحبي فرحان أنها بقت في اليد

و بالنسبه للساعة فهي موجوده في الكاسيت بخط و كبير واضح وجنبها التاريخ و لو قفلت الكاسيت بتظهر الساعة بحجم كامل الشاشه
أما المميزات الي في السلوفاكي من وجهة نظري أنها بقت انعم في المطبات. . وده عن تجربه تقولي ازاي اقولك اه والله زيمابؤلك كده ... طبعا الفوانيس الخلفيه بقت اشيك و أوضح و زودوا فانوس شابورا ورا ده غير الشبكه الاماميه و زودوا في الفانوس الشابوره الأمامي فانوس بلمبه تضيف عند الإشارة اليمين أو الشمال تضيئ أقصي اليمين أو أقصي الشمال وده جميل جدا لان لما بتدخل شارع ضلمه بيكون الجزء الي بتكسر فيه نقضه غير مضيئه فالفانوس ده اختراع
.
آسف علي الإطالة بس حبيت أوضح أن ممكن تكون عربيتك السلوفاكي كانت مشكله فرديه

تمااااام , مقارنة ممتازة
الله ينور عليك

المشاركة الأصلية كتبت بواسطة aelsayed74

وجهة نظرك تحترم طبعا بس انا كنت بقارن بالسلوفاكى 2014 مش ال facelift 2015
اللى اكيد اتغير فيها الخامات عن 2014 زى مثلا الدريكسون الجلد ودا انا شوفتوا فعلا جلد خياطة ناشف مش ناعم زى اللى فى الكارينز والسول 2015 والاسبورتاج 2013 بس عاوز اقولك ان اللى اشترى منى السلوفاكى اول حاجة علق عليها ان صوت الموتور عالى وفى ناس معاها 2014 على صفحة الفيسبوك لكيا اشتكوا من صوت الموتور وقفل الابواب واستهلاك البنزين الخيالى يعنى مشكلة السلوفاكى 2014 مش فردية.

انا معايا سلوفاكى 2014 و مفهاش الكلام ده و ابوابها محملة فساعات بتحتاج ترزعها شوية بس مهياش مشكلة على الاطلاق والدركسيون مش جلد و بتركب عليه كفر جلد وخلاص لو مش عجبك مع ان خاماته ممتازة و صوت الموتور و اطى جدا لو قافل الازاز و هى و اقفة ساعات مبسمعوش اصلا و ساعات بدورها و هى شغالة من كتر منا مش سامع الصوت
و خامتها الداخلية و الفرش بتاعها اكتر من ممتاز
و بالنسبة لاستهلاك البنزين و ضحت قبل كدة فى اكتر من مشاركة

المأخد الوحيد على العفشة انها طرية و ناعمة بمعنى انه لو فى الشوارع الغير مرصوفة الغير مستويةبيقى فيه تأثير مباشر على الراكب بيتحرك يمين و شمال لكن فى الحفر و المطبات و عين القط احساس كويس و مريح للراكب و مفيش هبد و رزع و ممكن كمان متحسش بعين القط

الله يطمنكم
كنت هتعقد منها بدري هي بصراحة في المطبات ما شاء الله حلوة اوي احنا كان عندنا السيراتو مفيش مقارنة بصراحة

سؤال بقه لو عايزه اركبلها من قدام وورا شبكة حديد مخالفة ولا عادي

ناس يقولو مخالفة وناس لا وشايفه ناس مركبينها عادي