عرض للطباعة
لو سمحتم انا معايا عربيه لانسر بومه موديل 2011 عامله ١٦ الف كيلومتر و لاحظت النهارده ان ماية التبريد عند المستوي low و انا مش عارف الأفضل اني ازود المايه دي و لا اغيرها كلها و انظف دورة التبريد مع العلم اني ما غيرتهاش و لا زودتها من ساعة ما اشتريت العربيه زيرو و تنصحوني استخدم افضل نوع ايه من ماية التبريد للانسر بومه ؟
و جزاكم الله خيرا
رأيي تزودها بمياه من شركة محترمة
انا جبت لتر مياه زرقاء من موبيل اللتر ب23 ج وزودت القربة لما لقيتها وصلت ل Min
والوضع تمام ومفيش أي مشاكل والحمد لله
زودها وعالصيف الجاي ان شاء الله غيرها .. العربيه عامله كيلومتر قليل اوي ماشاء الله
ومية الفبريكا في معظم الياباني بتعيش .. ارجع للكتالوج برضو
زود الميا في القربه والعربيه بارده تماما او تدورها وتزود بس ماتكونش سخنه
الافضل ميا خضرا او زرقا موبيل او امارات مصر وتغيرها كل سنتين او ٤٠ الف كم
شكرا جزيلا علي المساعده بس لو حبيت ازودها الافضل استخدم مايه زرقاء و لا خضراء ؟
اعتقد ان الزرقا بتبقى اضافاتها احسن وبتعيش اكتر بس مش متوفرة وصعب تلاقيها
الخضرا بتاعت موبيل ممتازة توكل على الله وهاتها .. او خضرا امارات مصر ممتازه برضو
المهم ماتجيبش نوع رخيص او تركيزه اقل من ٣٠٪
جزاكم الله خيرا