العربية غرزت مني!!

**windofchange** · 03-11-2014 04:49 PM

المشاركة الأصلية كتبت بواسطة Dr\Mohamed

وكمان لو سمحتم اسلوب الضغط على دواسة البنزين يكون إزاي ؟؟؟
شكرا لمساعدتكم

اعتقد لاني جربتها لما غرزت في حصي الترام .. طبعا انا كنت مانيوال اعتقد في الاوتو هتجيب ال l او ال1 وتثبت رجلك علي دواسة البنزين مش تدوس جامد وتسيب لأ تثبت رجلك عالدواسة علي rpm قليل

**mhmd_farouq** · 03-11-2014 05:07 PM

اهم حاجه متدوسش جامد عالدواسه عشان العربيه ما تغرزش اكتر ومتحرقش عالموتور عالفاضي .. زي ما الاعضاء الكرام قالو .. احسن حاجه بعملها هي الحفر الاول واحط الخشبه وبعد كده بجيب اتنين يقفوا ورا العربيه وادوس بنزين وانا على جير واطي .. الاول او لو عندك ال l في الاوتو .

**minicooper20** · 03-11-2014 05:11 PM

ممكن تقلل ضغط العجله لحد ٢٠ هتطلع معاك

**hesham fawzy h** · 03-11-2014 05:42 PM

المشاركة الأصلية كتبت بواسطة aly_hosny

هو المفروض لما تغرز متعافرش جامد عشان متحرفش زيادة في الرمل
و تشيل الرمل من حوالين العجل و تحاول تحط حاجة تحتيه

وفي حاجة انا جربتها بس في عربية مانول
انك تمرجع العربية
يعني تجيب مارش و تدوس حاجة بسيطة و بعدين تجيب الاول العربية هتتحرك سنة
سبتها ترجع تاني و دوست بنزين خفيف اول ما رجعت
قعدت امرجحها كدا لحد ما طلعت

انا بعمل كدة

**hesham fawzy h** · 03-11-2014 05:45 PM

المشاركة الأصلية كتبت بواسطة Mecha

خلي العجل عدل واعكس اتجاهك وياسلام لو حتتين ابلكاش تحت العجل الغارز
او تخلي معاك حبل وواحد ابن حلال يشدك
ومن شدك تشده ولو بعد حين

ازاى يا تبو mecha اخلى العجل عدل و اعكس الاتجاة ؟

**Mecha** · 03-11-2014 06:19 PM

المشاركة الأصلية كتبت بواسطة hesham fawzy h

ازاى يا تبو mecha اخلى العجل عدل و اعكس الاتجاة ؟

يعني لما غرز كان مديها الاول اقوم اديها مرشدير والعكس ودايما العجل عدل عشان ميقلبش الرمله وتغرز اكتر

**hesham fawzy h** · 03-11-2014 06:46 PM

المشاركة الأصلية كتبت بواسطة Mecha

يعني لما غرز كان مديها الاول اقوم اديها مرشدير والعكس ودايما العجل عدل عشان ميقلبش الرمله وتغرز اكتر

**Dr\Mohamed** · 05-11-2014 02:22 PM

شكرا لحضراتكم جميعا على المشاركة والنصائح المفيدة
أنا الخطأ إللي عملته إني دوست بنزين جامد علشان كده غرزت مني أكتر وأكتر
بس أنا كنت في موقف صعب ..... قدامي عربية راكنة والمسافة بينا أقل من متر ..... وفي الخلف الطريق مفيش مطبات في المكان ده فالعربيات ماشية سريعة

في حاجة أنا مش فاهمها موضوع تخفيض ضغط العجل لـ20 هل المقصود إن العجلة لما تهوي شوية هتبقى عريضة من تحت فيزيد مساحة الاحتكاك؟؟

**شاهين - بنز** · 05-11-2014 02:46 PM

الحل السحري إنك تطلع عربية مغرزة في الحتت المأهولة هو خرطوم المياه ، تغرق التراب جامد بالميه وبعدها تطلع بالعربية بجد بتحس إنك بتطلع على أسفلت مش رمل وعن تجربة طبعا

لكن لو مفيش خرطوم مياه متوافر فأنا شايف إن فكرة الأستاذ nab بتاعت الدواسات ممتازة ، مع إني مجربتهاش قبل كده أو حتى سمعت عنها قبل كده بس الصراحة حاسسها فكرة عملية