كنت محتاج مساعدتكم فى قرار شراء سياره هاتشباك زيرو فى حدود 100 الف
محتار مابين البيكانتو وال i 10 جراند
البيكانتو الناس بتشكر فيها
وشكل ال i10 الجديد حلو بصراحه وحاسس انها اكبر حاجه بسيطه
ايه رأيكم
عرض للطباعة
كنت محتاج مساعدتكم فى قرار شراء سياره هاتشباك زيرو فى حدود 100 الف
محتار مابين البيكانتو وال i 10 جراند
البيكانتو الناس بتشكر فيها
وشكل ال i10 الجديد حلو بصراحه وحاسس انها اكبر حاجه بسيطه
ايه رأيكم
متابع
أنا معايا بيكانتو و بقولك i10
متابع
البيكانتو نفس الشكل من 2012
الاى 10 شكل جديد 2015
انا لسه جايب بيكانتو وبصراحة العربيه جميلة (بسم الله ما شاء الله) بس العرض ضيق سنة والشنطة كانت عايزة اكبر شويه بس العريية كعربيه عجبانى الحمد لله
بس لو لقيت خليجى تبقى احسن ان شاء الله
متابع
انا معايا i10 ومعجب جدا بالجراند وهي اكيد طبعا اوسع من البيكانتو والشنطة اكبر لكن فيه مشكلة واجهتني مع عربيتي مش عارف موجودة في البيكانتو ولا لأ وهي احتكار غبور لقطع غيار العربية وبتبقي قليلة بره التوكيل ولو لقتها بيبقي سعرها قريب من سعر التوكيل
لكن خلاف ذلك العربية محترمة جدا جدا وكمان ال 1250 سي سي هيظبط اداء العربية اكيد وهتبقي افضل من ال i10
فكر في السوزوكي سويفت ... اكبر من البيكانتو وفحجم الاى تن جراند ... فيها وسائل امان مش موجودة في الاتنين ,,, وسائد هوائية و abs و ebd و تقفيل افضل بكتير من الجراند اى تن ومساوى للبيكانتو ... موتور وفتيس ياباني متجمع في الهند افضل من الكورى المتجمع في الهند برضه ... اعتقد هي افضل من الاتنين ... لكن لو الاختار محصور بين الاتنين فالافضلية للبيكانتو (اعادة بيع افضل - شكل اجمل - تقفيل وخامات داخلية انظف - توكيل افضل)
كماليات بيكانتو الهاى لاين مش موجوده لا فى الاى تن ولا فلسوبفت
الكيا افضل مالهيونداي عامة
مدة الحجز المبالغ فيها فى السوزوكى بتخلى ناس كتير تتجه لعربيات بديلة استلامها متاح
المشكلة في i10 جراند مفيهاش اير باج ولا abs وده تقريبا موجود في البيكانتو
وبالنسبة للسويفت للأسف بعد 9 شهور -يعني هنكون دخلنا في السنة الجديدة اصلا- السيدان منها بعد 3 شهور ده رد من الوكيل النهارضة
+1
خلاصة الكلام المفيد
مافيش حاجة في البيكانتو مش موجودة في السويفت غير الفرش الجلد وفتحة السقف في الهاي لاين بتاعتها فقط ... غير كدة السويفت هي المتفوقة من ناحية كل حاجة على البيكانتو سواء الوسع أو الكماليات أو جودة التقفيل
هو معقولة أسيب عوامل أمان (إيه بي إس وإيرباج في السويفت) عشان فتحة سقف وفرش جلد في البيكاتو ...وكمان أدفع فلوس أكثر وفي عربية مافيهاش ريحة عوامل الأمان إن كان هي ولا الآي تن
مشكلة الحجز بتاعة السويفت دي ... مشكلة مؤقتة لأن العربية لسة جديدة والإقبال عليها فوق توقعات الوكيل بتاعها
لكن في كلام من الوكيل إن المشكلة هاتقل كثير على أول السنة بإذن الله
وبعدين فين العربيات الآي تن اللى اتسلمت لغاية دلوقتي ... إذا كان معظم اللى حاجزين لسة ما استلموش وكل شهر يأجلوهم بقالهم شهرين تقريبا
فرأي السويفت تفرق كتير وافضل
ال i10 برة المقارنة لأن هى الاسوأ بجدارة وفعلا قطع غيارها قليلة جدا برة التوكيل واحيانا مش موجودة جوة التوكيل واصلا توافر قطع الغيار دى الميزة الوحيدة فى الهيونداى فإذا كانت مش موجودة فى ال i10 يبقى بلاش منها احسن اما بالنسبة للبيكانتو فهى عربية محترمة وتقفيل كورى محترم بس عيبها ان سعرها غالى قوى بالنسبة لحجمها اما بالنسبة للسويفت فهى تقفيل هندى بس فى النهاية هى عربية يبانى محترمة واسم مصنع سوزوكى لا يقارن لا بالكيا ولا بالهيونداى معروف ان السوزوكى عربية قوية وحمالة اسية غير ان سعرها مقابل امكانيتها ممتاز ولو جبت الديزاير فهى ممكن تكون عربية عائلية صغيرة انما البيكانتو لا تصلح لأسرة نهائى وكمان الديزاير مدة الاستلام بعد الحجز معقولة مش طويلة وفى النهاية تصنيفى الشخصى للثلاث سيارات 1-سويفت 2-بيكانتو 3-i10
بيكانتو بدون تردد احسن عربيه في فيءتها