سؤالين عن نيويورك واللي عنده خبرة يفيدني

**إنسانة** · 06-11-2014 06:59 AM

المشاركة الأصلية كتبت بواسطة dede_dodo88

في متحف american museum of natural history ده من المتاحف الحلوة و يستحق الزيارة..
ممكن تحضروا مسرحية في broadway, بتبقى حلوة حلوة جداً و الناس بجد هناك موهوبين. ممكن تشوفي مسرحية تناسب الاطفال يعني لو حاجة زي سبايدرمان على سبيل المثال..

لو هتروحي تتعلمي سواقة هناك فبلاش احسن, نيويورك من المدن الزحمة جداً و السواقة فيها صعبة بشكل يشبه القاهرة, البديل انك تعرفي تستخدمي المواصلات العامة, و بلاش تاكسي لانه غالي هبل..
لكن في حالة انك بتعرفي تسوقي و معاكي رخصة دولية فأكيد تأجير عربية هناك هيكون اريح و أوفر..

انا قريت عن متحف تاريخ الطبيعة في واشنطن وشفتله صور وفيديوز واتمنى متحف نيويورك يكون بنفس الفكرة

الاطفال مسموح يدخلوا المتاحف دي؟ بقصد اقل من 4 سنين

تعليم القيادة بيكون في مدرسة خاصة بالقيادة ولا لازم امشي في الشارع العادي ؟

بشكر حضرتك جداااا

**إنسانة** · 06-11-2014 07:07 AM

وظروف الطقس ايه في اخر 12 و 1 و 2 و 3 ؟
هل فيه موقع متخصص ممكن يفيدني ؟
لان لو برد قارس ممكن أأجل السفر كله

**7oda** · 06-11-2014 10:13 AM

المشاركة الأصلية كتبت بواسطة إنسانة

وظروف الطقس ايه في اخر 12 و 1 و 2 و 3 ؟
هل فيه موقع متخصص ممكن يفيدني ؟
لان لو برد قارس ممكن أأجل السفر كله

لازم تشوفى انتى هتنزلى فين

New York Weather - Browse for your location - AccuWeather

الوصلة دية ل New York midtown

Midtown December Weather 2014 - AccuWeather Forecast for NY 10022

**ahmedsamir79** · 06-11-2014 10:43 AM

انا لسه راجع من يومين
البرد شديد جدا في الفتره دي
وبخصوص الاطفال:
سنترال بارك أختيار كويس و حيفرحوا باللعب في مكان مفتوح
وبالنسبه للسواقه :رخصه دوليه و السواقه سهله بس القانون مش بيهزر
ده لو حتروح اي حي بره مانهاتين....جوه مانهاتين المشي اسرع ميت مره من السواقه ده غير صعوبة الركن

**bekatcho** · 06-11-2014 04:54 PM

معلش اسف على المقاطعة الى فهمته ان حضرتك رايحة دراسة
طيب ممكن اى وصيلة تواصل مع حضرتك لانى مقدم دراسة ومحتاج استفسر على شوية حاجات من حضرتك؟

**hossamsmsm** · 07-11-2014 06:41 PM

معلش انا اسف
استفسار بعيد عن سؤالك
هو حضرتك طالعه دراسه ؟؟
قدمتى فين بالظبط ؟؟
المصاريف قد ايه ؟؟
ممكن جمب الدراسه ديه عمل عادى ولا مينفعش ؟
انا بصراحه عاوز ارح علشان الشغل بس طبعا مينفعش علشان كده حابب استفسر

**أحمد كمال** · 07-11-2014 07:41 PM

المشاركة الأصلية كتبت بواسطة bekatcho

معلش اسف على المقاطعة الى فهمته ان حضرتك رايحة دراسة
طيب ممكن اى وصيلة تواصل مع حضرتك لانى مقدم دراسة ومحتاج استفسر على شوية حاجات من حضرتك؟

المشاركة الأصلية كتبت بواسطة hossamsmsm

معلش انا اسف
استفسار بعيد عن سؤالك
هو حضرتك طالعه دراسه ؟؟
قدمتى فين بالظبط ؟؟
المصاريف قد ايه ؟؟
ممكن جمب الدراسه ديه عمل عادى ولا مينفعش ؟
انا بصراحه عاوز ارح علشان الشغل بس طبعا مينفعش علشان كده حابب استفسر

ما ينفعش تشتغل Full time مع الدراسة

و ممكن تشتغل part time في الخباثة

و لو غيابك تعدى نسبة غياب معينة من المحاضرات الجامعة ملزمة قانونا بابلاغ ادارة الهجرة ..... اللي بتكانسل لك تاشيرة الدراسة

فيه بعض التخصصات من حقك اثناء الدراسة تاخد حاجة اسمها CPT او تصريح بالعمل في مجال متعلق بالدراسة كتدريب اثناء الدراسة

بس برضه ........ لو تاشيرة الدراسة ينفع تاخدها و تروح تشتغل فول تايم ....... ماكانش حد غلب

**bekatcho** · 16-11-2014 06:22 PM

المشاركة الأصلية كتبت بواسطة إنسانة

بشكر كل الي افادني بالمعلومات شكرا جدا
انا هأجل الدراسة لبعد الشتا لإن بنتي مش هتتحمل البرد هناك

مفيش داعي للأسف حضرتك أنا بعتذر عن التأخير
ممكن تسأل اي سؤال هنا وأنا لو أعرفه هجاوبك عليه عشان اللي عايز يستفيد من الأعضاء أو الزوار

هو حضرتك طالعه دراسه ؟؟
دراسة لغة
قدمتى فين بالظبط ؟؟
انا مقدمتش شغلي قدمولي
اسم المعهد Kaplan International Colleges-Empire State Building
المصاريف قد ايه ؟؟
تكلفته 6030 دولار دراسة 12 اسبوع
ممكن جمب الدراسه ديه عمل عادى ولا مينفعش ؟
انا بصراحه عاوز ارح علشان الشغل بس طبعا مينفعش علشان كده حابب استفسر

سألتهم عن سؤالكم هنا وهو الشغل قالوا مش مسموح إلا بالترشيح ويكون داخل المعهد نفسه "ودي فرص نادرة"
والي هيشتغل برا هيعتبر شغل غير شرعي "اللي فهمته من اللي راحوا ان اللي عايز ممكن بصعوبة يلاقي بس شغل بتاع مسح وكنس وغسيل وحجات غريبة كدا وبأجر متدني "
بس لو تم اكتشاف امره هيضطر يسافر فورا ورسوم الدراسة هتضيع عليه
إلا لو قدم طلب واثبت إن ظروفه المادية سيئة ومحتاج شغل عشان يقدر يعيش المدة المتبقية وقتها المعهد هيتواصل مع الجهات المسؤلة عشان يقدر يشتغل بشكل قانوني
بس لازم على اي حال يحضر في المعهد

وانا بعتذر عن التأخر في الرد
شكرا

تمام حضرتك هتدرسى لغة طيب القنصل وافقلك على الفيزا ؟ لانى سمعت انهم مرخمين على دراسة اللغة
الموافقة جتلك بعد اد اية من التقديم؟ لانى مقدم فى Pierrce collage فى لوس انجليوس دراسة منهجية من شهر ونص ومش وصلت الموافقة او الرد لحد دلوقتى
والمصاريف دفعتيها كاملة الاول ولا بعد الوصول

**إنسانة** · 17-11-2014 01:51 AM

المشاركة الأصلية كتبت بواسطة bekatcho

تمام حضرتك هتدرسى لغة طيب القنصل وافقلك على الفيزا ؟ لانى سمعت انهم مرخمين على دراسة اللغة
الموافقة جتلك بعد اد اية من التقديم؟ لانى مقدم فى Pierrce collage فى لوس انجليوس دراسة منهجية من شهر ونص ومش وصلت الموافقة او الرد لحد دلوقتى
والمصاريف دفعتيها كاملة الاول ولا بعد الوصول

الموافقة بتبقى من المعهد مبدئيا وهي الاهم على حد علمي
و مدة وثيقة الآي تويني بتختلف بحسب نظام المعهد او الجامعة مش بحسب الأشخاص دا اللي اعرفه ومش متأكدة
بخصوص وثيقتي انا قدمت طلب ابتعاث اول اسبوع في شغلي وطلبوا مني كل الأوراق المطلوبة لإستكمال الطلب و كلموني بالموافقة بعدها بمدة
معرفش هما امتى رتبوا بالظبط مع المعهد ولكن بعد ماقررت التأجيل لمدة المعهد بعت الوثيقة المعدلة خلال 48 ساعة بتاريخ بدأ الدراسة الجديد "لسه موصلتش"
والرسوم تم تسديدها كاملة للمعهد والسكن وباقي المصاريف طلبت استلامهم لاني هسكن في فندق فهكمل على المبلغ ولكن المعهد مسدد كامل
ومهم تسدد كل الرسوم لان الفاتورة و الاي تويني مستندات ضرورية عشان تصدر فيزا f-1
ومشفتش حد مبتعث طالع يدرس في المعهد اترفض كله بيتقبل وبتطلع التأشيرة عادي وبتتفاوت مدتها على حسب وضع الشخص
مش فاهمة حضرتك تقصد وثيقة الآي تويني ولا الفيزا اللي تأخرت بس في كلا الحالتين كل شخص بحسب ظروفه مفيش معدل للمدة