مانع دخول الاتربه بيتباع فين وبكام؟؟

**new_man** · 03-11-2014 07:59 PM

مساء الخير يارجاله
من فضلكم كنت عايز اعرف مانع دخول الاتربه للشباك الالوميتال بيبتباع فين وبكام وهل يباع بالمتر؟؟

**amz2011** · 03-11-2014 10:34 PM

متابع

**new_man** · 05-11-2014 05:13 AM

ايه مفيش حد عارف خالص؟؟

**احمد المصرى** · 05-11-2014 08:42 AM

متابع

**new_man** · 05-11-2014 02:18 PM

لقيت ردود فى فتكات وحطيتها عنا لافادة الاعضاء جميعا

-اسمة (سيلتال )وبيتباع عند الموانين و السوبر ماركت الكبيرة زى كارفور و هايبرو هو عبارة عن شريط بيتلزق على الحواف عشان يمنع دخول الهواء من الفتحات اللى تحت الشباك عشان يمنع دخوب تراب و برضه بيستعمل عشان يمنع الحشرات وهو بيبقى عبارة عن شريط ملفوف زى البكرة بتفكيه ناحية فيها زى سفنج مضغوط و الوش التانى عبارة عن لزق زى السلوتيب ودى اللى بتتلزق على حافة الشباك وهو سمكة تقريبا بيبق 2 او 3 سم و الشرط بيبقى حوالى 2هو 3 متر بتقطعى منة اد احتياجك وعلى فكرة فى منه ماركات تانية غير السيلتال بس دى اللى انا فاكراها دلوقت و ان شاء الله تلاقيه لانه مفيد فى الشتاء عشان يمنع سرسوب الهواء اللى بيخش من تحت الشباك

-حتلاقيه فى العربى
انا جبته من العربى اللى فى جامعه الدول بيتباع بالمتر و السمك بتاعه على حسب ما تحبى

ده شكله

**DreAmO** · 05-11-2014 04:02 PM

كده انا فهمت انت عايز ايه

هو الكاوتش .. وفي منه انواع فعلاً

انا جبته من الرويعي في العتبه .. من محل موان مشهور هناك مش فاكر اسمه .. ونصحني بيه وقالي انه افضل نوع

وفعلاً طلع ممتاز جداً .. عباره عن كاوتش مطاطي تحس ان خامته نضيفه وناعم ومرن جداً .. ولزقه قوي جدا جدا
عباره عن علبه مقفوله فيها لفه مزدوجه كل لفه 3 متر .. يعني اللفتين على بعض 6 متر

العلبه على ما اتذكر كانت ب 28 جنيه وتركي مش صيني ولا مصري
جبت علبه وبقول يارتني جبت اربعه .. انا عامله على باب الشقه من برا

مانصحكش باللي انت نزلت صورته لأن الوجه بتاعه يشبه السفنج الخشن وهيلم وبر وهيشبك فيه حجات وهيضايقك في النضافه

لكن الكاوتش هو والشباك حاجه واحده وفي منه ابيض وبني

والمكان اللي فيه اللزق مغطى بورق زي التكت كده بتشيله وتلزق

دي صورة العلبه وهي فاضيه

نصيحه بقى علشان ماتغلطش غلطتي

وابقى اعمل بروفه قبل ما تلزقه علشان تعرف هتلزق فين بالظبط علشان ماتلزقش وتشيل وترجع تعيد اللزق

انسب وقت تلزقه فيه لو الباب او الشباك خشب .. يكون في الصيف والحر .. علشان في الشتا الخشب بيتمدد وفي الصيف بيلم والفجوات هتوسع

لكن لو الومينتال .. مش هتفرق صيف من شتا .

بالتوفيق

**new_man** · 06-11-2014 09:27 PM

شكرا يافندم للاهتمام وانا ناوى اجيبه فعلا
بس انا حاسس ان المطاط ضعيف والتانى اللى فى الصوره فموضوعى افضل لانى دايما بلاقيه راكب فى الالوميتال
انما المطاط او الكاوتش ده بييجى مع الاحواض فبيكون ضعيف
هو مجرد احساس ولا اعلم صحته جيدا
طب استسمحك فصوره لشكله حتى وهو راكب