استشارة بخصوص هيونداي نيو اكسينت
السلام عليكم
استفسار لحضراتكم من واحد ميعرفش حاجة فى عالم هيونداي
انا بفكر اغير عربيتى القديمة اللى معايا وعايز اجيب حاجة موديل حديث
وفكرت بصراحة فى هيونداي نيو اكسينت تكون موديل جديد شوية يعنى مثلا 2008 ، 2009 او 2010
كنت عايز اسأل حضراتكم عن العربية ككل وخصوصا فى السفر ومدى امان العربية مقارنة بعربيات تانية على قد اسرة مكونة من خمس افراد والاولاد فى سن العشرينات مش اطفال يعنى
كمان العربية لو موديل 2008 مثلا هل ده يخليها مش كويسة ولا بيكون صيانتها لسه داخل التوكيل برضه
تالت حاجة العربية فيه منها اتوماتيك ولا مانيوال بس ؟
رابعا اسعار الموديلات اللى ذكرتها حاليا فى مصر كام دلوقتى
اخيرا الموضوع كله يتلخص بعد السؤال عن العربية فى جملة واحدة ... تنصحونى بايه ( المبلغ اللى معايا 60 الف )
وشكرا مقدما