عندي سؤال مش عارف ليه اجابه ايه فيده التليين للعربيات الجديده وطريقة التليين بتكون ازاي
وشكرا:majd(4)::majd(4):
عرض للطباعة
عندي سؤال مش عارف ليه اجابه ايه فيده التليين للعربيات الجديده وطريقة التليين بتكون ازاي
وشكرا:majd(4)::majd(4):
تلين العربية يقصد بة انك متعديش ال 100 او اخرك 120
متخليش ال rpm ثابت على سرعة معينة لفترة
متقرصش على دواسة البنزين
متشغلش التكيف .. و فى ناس بتقول عادى مش مشكلة
الكلام دة كلة لمسافة 1000كم
بص حضرتك فتره التليين دي اجزاء السياره بتطبع على بعض .. انت بتقعد اول 1000 كيلو متزودش السرعه عن 100 كيلومتر زي ما استاذ هشام قالك ده بالنسبه للسيارات اللي عدادها 220 وممكن لحد 120 في السيارات اللي عدادها 240 الي ما فوق .. العربيه بتكون ماشيه بزيت التليين اللي بيتغير بعد الف كيلو لزييت الاستخدام العادي .. فيه ناس بتقول ان اول 3000 الى 5000 كيلو في عمر السياره مهمين لاستهلاك السياره للوقود فيما بعد .. السرعات اللي كاتبها دي هتلاقي الار بي ام واقف عند 3 المهم متعديهوش .. في صيانه الالف بيتم تغيير الزيت وتربيط العفشه .
التليين الغرض منه إزالة الشوائب الناتجة عن عمليات التصنيع عن طريق تشغيل الأجزاء المتحركة مع بعضها بحيث نصل إلى أداء أكثر نعومة في التشغيل بعد كده.
التليين مش على الموتور بس... التليين كمان على الفتيس وأجزاء نقل الحركة..
وخلال التليين.. لازم تتجنب الحركات المفاجئة بشكل عام (إلا في حالات الطوارئ التي لا مفر منها زي تفادي اصطدام مثلا).
مسألة سرعة العربية ما تعديش الـ100 ده خطأ شائع...
الصح إنك ما تخليش الموتور يعدي RPM معين... وغالبا المفروض ما تعديش نص أو تلتين المدى بتاع الـRPM
لإنك ببساطة ممكن تجيب 100 على التالت.. وساعتها موتورك هيدور بمعدل عالي جدا.. وده غلط جدا في فترة التليين.
الأهم من كده.. إنك تحاول تستخدم كل نقلات الفتيس باستمرار... وده مش هيحصل إلا إذا كنت بتسوق عربيتك جوه البلد..
يعني لو حد قاللك روح سافر مطروح مثلا علشان تخلص الـ1000 كيلو الأولانيين.. قول له ما ينفعش.. علشان كده الجيربوكس ما لينش.
عموما... نصائح التليين الصحيحة لكل عربية موجودة في أول 3 صفحات من الكتالوج..
ونصيحة مني.. اقرا الموضوع ده:
http://www.nilemotors.net/Nile/434256-a.html
...
هو حيلين نفسه بالاستخدام العادى