استشارة .. سوزوكي التو 2015 أم ماروتي 2015

السلام عليكم ورحمة الله وبركاته

استشارة .. لو فيه شخص متردد بين سوزوكي التو 2015 و ماروتي 2015
استعمال السيارة خفيف للغاية ولا يزيد عن 600 كيلومتر شهريا
أهم نقطة استهلاك البنزين ( التو اقل استهلاكا لكنها تشترط بنزين 92 )
بالاضافة لتوفر قطع الغيار بأسعار مناسبة مع جودة مقبولة
سهولة الصيانة وتوفر المتخصصين في اصلاح السيارة
سهولة البيع مع الاحتفاظ بسعر جيد للسيارة اذا لم تجد السيارة قبول لديه

الارتياح أكثر للسيارة التو 2015 إن شاء الله
لكنه يشعر بأن قطع غيارها غير متوفرة ومرتفعة السعر والسيارة في الاصل غير منتشرة

هل هذه الظنون صحيحة ؟

شكرا لكم

متابع معاك

و فعلا الالتو اشيك بكتييييييير .. و بالتوفيق فى الاختيار

التو عربية تمشي بيها تحس انها بنت هذا العصر وفيها تكيف كويس يقضي الغرض
مش ماروتي تصميم الثمانيات مهما كانت جديده هي قديمة في كل الاحوال

قطع غيار التو بقت متوفره برا التوكيل فى بعض اماكن فالقاهره يعنى كلها مشكله وقت و تنتشر لان تقريبا ماروتى وقفوا انتاجها و حاليا الموجود مخزون و لما يخلص التو هتبقى مكانها التو جميله و اكبر و انعم و ثبات و شكل و اسرع و صيانتها بردوا مش مكلفه اوى و فكره انها مش منتشره لانها لسه جديده و سعرها غالى شويه بالنسبه لاوبشانها فى ناس تحب المظاهر او بتحب اوبشن كتير مع ان كلها واحد فالاخر و العربيه موفره جدا فالبنزين الليتر على الطريق السفر بيعمل 22 كيلو و داخل البلد بيعمل 17 كيلو تخيلوا الرقم و براحتكم التانك سعاه 30 ليتر يعنى فالمتوسط التانك يعمل 490 كيلو تخيل و عيييش يعنى ممكن تفولها مره واحده فالشهر و الاختيار فالاخر ليك انا لو بشترى مستعمل او جديد لا يمكن هحط جنيه فماروتى متنفعش لاى حاجه اصلا و خساره فيها الجنيه تمنها اصلا من المركب و هى بتنزل فالمينا 15 الف جنيه و بيبعهولنا ب 45 الف جنيه فالمعارض لو الواحد جاب الفلوس و قرر يفصص العربيه حتت و يشتريها و يقفلها هو مش هتعمل 20 الف جنيه ههههههههه و يمكن اقل بكتير

جميل لكن حضراتكم بتقولوا ان قطع غيار الالتو متوفرة في بعض مناطق القاهرة
فما بالنا بالإسكندرية ؟

الأمر الأخر اذا كانت الماروتي على رصيف الميناء بـ 15 ألف فقط
فستجد أن الالتو سعرها يقارب هذا الرقم ولا اتوقع ان يزيد عن 20 ألف جنيه أو بالكثير 25 ألف
الأمر كذلك في كافة السيارات وحتى المرسيدس .. اسعارها على الرصيف اقل بكثيييييييييير عن سعرها في المعارض

بحثت بعد كتابة التعليق عن سعر الالتو ستاندرد تقريبا زي اللي بتنزلنا مصر
ووجدت سعرها في الهند يقارب الـ 27 ألف جنيه

بص هو مبدأيا مفيش ماروتى 2015 ... لو رحت اشتريت اشتريت ماروتى زيرو من اى معرض هايقولك دى 2014 والافراج الجمركى بتاعها 2014 والرخصة بعد كده هتلاقى سنة الصنع 2014
وده لان الماروتى اتوقف تصنيعها ومش هاينزلو منها تانى
انا بميل للالتو بسبب الشكل طبعا والحجم اكبر والتكييف ... بخصوص استهلاك البنزين زى ما قلت ... الالتو احسن شوية بس ماينفعش معاها بنزين 80
اما قطع الغيار فمتوفرة جوة وبرة التوكيل ... وعدم الانتشار لانها لسه الشكل الجديد نازل من حوالى 3 شهور بس ... اما الشكل القديم منتشر عادى
الخلاصة هى على قد تمنها لو مش معاك تذود هاتبقى افضل اختيار ... لو معاك تزود يبقى فكر فى حاجات تانى اعلى

اقتباس:

---

المشاركة الأصلية كتبت بواسطة ibrahimahmed

بص هو مبدأيا مفيش ماروتى 2015 ... لو رحت اشتريت اشتريت ماروتى زيرو من اى معرض هايقولك دى 2014 والافراج الجمركى بتاعها 2014 والرخصة بعد كده هتلاقى سنة الصنع 2014
وده لان الماروتى اتوقف تصنيعها ومش هاينزلو منها تانى
انا بميل للالتو بسبب الشكل طبعا والحجم اكبر والتكييف ... بخصوص استهلاك البنزين زى ما قلت ... الالتو احسن شوية بس ماينفعش معاها بنزين 80
اما قطع الغيار فمتوفرة جوة وبرة التوكيل ... وعدم الانتشار لانها لسه الشكل الجديد نازل من حوالى 3 شهور بس ... اما الشكل القديم منتشر عادى
الخلاصة هى على قد تمنها لو مش معاك تذود هاتبقى افضل اختيار ... لو معاك تزود يبقى فكر فى حاجات تانى اعلى

---

شكرا لتعليق حضرتك
بإذن الله تعالى فيه إمكانية نزود المبلغ بس الواحد مستحرم يزود في عربية مش حيستخدمها الا مرات محدودة جدا خلال الشهر وبقية الشهر مركونة تحت البيت .. هي ده وجهة النظر

على فكره انا مش بقنعك بحاجه معينه انا برد على سؤالك و بنقلك معلومات و الاختيار ليك فالاخر و اكيد فعلا كل العربيات تمنها اقل على الرصيف المينا ء انا بس بحاول ابين وجه الغلاء فشيء لا يستحق الغلاء اما لو جيت تبص لل التو لو انها على اد حالها بردوا لكن شكب و مميزات كتير محترمه يكفى اعاده البيع و الالتو المستعمل دلوقتى تلاقى صاحبه بيطلب اربعينات لكن بص كدا بقى عل الماروتى اصحابه بيطلبوا فلوس و حركه البيع صعبه لان مش مقبول ان اشترى ب 45 الف و ابيع ب 20 فتلاقى ارقام زى 35 الف لكن هل فيه حد بيدفع !!! قليل ... اسكندريه لف انت و دور كويس على محلات قطع الغيار و اكيد هتلاقى اصل المثل بيقول الميه متفوتش على العطشان فلو قطع الغيار جت من برا فالميناء ووصلت القاهره فأكيد هتلاقى ف اسكندريه طبعا اسكندريه ..ام العربيات ال سيتى الصغيره الاقتصاديه يعنى ...و ربنا يكرمك و يوفقك فالاختيار

اقتباس:

---

المشاركة الأصلية كتبت بواسطة مصطفى عمر

على فكره انا مش بقنعك بحاجه معينه انا برد على سؤالك و بنقلك معلومات و الاختيار ليك فالاخر و اكيد فعلا كل العربيات تمنها اقل على الرصيف المينا ء انا بس بحاول ابين وجه الغلاء فشيء لا يستحق الغلاء اما لو جيت تبص لل التو لو انها على اد حالها بردوا لكن شكب و مميزات كتير محترمه يكفى اعاده البيع و الالتو المستعمل دلوقتى تلاقى صاحبه بيطلب اربعينات لكن بص كدا بقى عل الماروتى اصحابه بيطلبوا فلوس و حركه البيع صعبه لان مش مقبول ان اشترى ب 45 الف و ابيع ب 20 فتلاقى ارقام زى 35 الف لكن هل فيه حد بيدفع !!! قليل ... اسكندريه لف انت و دور كويس على محلات قطع الغيار و اكيد هتلاقى اصل المثل بيقول الميه متفوتش على العطشان فلو قطع الغيار جت من برا فالميناء ووصلت القاهره فأكيد هتلاقى ف اسكندريه طبعا اسكندريه ..ام العربيات ال سيتى الصغيره الاقتصاديه يعنى ...و ربنا يكرمك و يوفقك فالاختيار

---

بالتأكيد طبعا حضرتك بتنصحني ونصيحتك غالية جدا عندي
واقتناعنا بالالتو يكاد يكون بنسبة 80% ان شاء الله