عرض للطباعة
السلام عليكم
في صديق ليا عرض فرصه شغل في قطر في شركه مجالها الكترونيات ترافيك وباركينج وكدا وانا مهندس اتصالات والكترونيات 2010
بيقولي الراتب هيكون سته او سبعه بس السكن والاكل وتذاكر الطيران عليا
وعليهم بدل انتقال وبنزين لو اشتريت انا عربيه ومكالمات موبايل
والتامين بيقول حكومي طالما معاك اقامه لكن مفيش تامين خاص
ايه رايكم في العرض دا والمفروض اخد بالي واسأل عن ايه عشان ميضحكش عليا...
شكرا مقدما
زبالة ..... السكن غالي جدا اساسا
حضرتك معاك خبرة
معايا خبره في مجال صيانه المنشآت لكن معيش اي خبره في مجال الالكترونيات دااقتباس:
المشاركة الأصلية كتبت بواسطة hesham fawzy h
زباله ليه يا ا.احمد لو ممكن توضحلي تفاصيل لاني معرفش حاجه عن قطراقتباس:
المشاركة الأصلية كتبت بواسطة أحمد كمال
وانا مليش اي خبره في المجال عشان اطلب راتب زياده مثلا لاني اشتغلترفي مجال مختلف
السكن هناك غالى بجد و الحياه هناك غاليه
السكن عليك يبقى هتشحت علشان تكمل الشهر
سكن فردى مش هيقل عن 2500...3000 سكن عائلى يوصل 4500..5000
كهربا و ميه و انترنت قول كمان 500..600
اكل و شرب مش اقل من 1500
شوف باقيلك كام من الراتب بقى
لو السكن عليهم يبقى معقول مش كويس اوى بس معقول يعنى اقل شىء غير كده هيبقى وحش الا لو كانت ظروفك فى مصر مخلياك مجبر على كده
و خد بالك نقل الكفاله و الهروب و الكلام ده مش مسموح بيه فى قطر يعنى يا تطلع على شىء كويس يا بلاش
المرتب زبالة لان السكن غالي مووووووووووت هناكاقتباس:
المشاركة الأصلية كتبت بواسطة medo_2060
لما تصرف لك 3 و لا 4 بس عالسكن
و لسه ما طلعتش رخصة و لا اشتريت عربية و لا اكلت و لا شربت و لا غسلت هدومك و لا دفعت اشتراك انترنت او شحنت الموبايل او فاتورة الكهرباء و المية في البيت و لا اي حاجة
العيشة برة غالية نار مش زي مصر اوعاك تكون بتقيسها ان 7 يعني 14 الف مصري يعني هتعيش عيشة لوز
7 يعني ولا حاجة في قطر
و التذاكر كمان عليك ...... هو ايه بقى عليهم ؟ البنزين بنكلة اساسا و موضوع نديك البنزين دي اشتغالة لانه قطر متر في مترين و البنزين بملاليم يوم ما هتحرق بنزين في الاسبوع هتحرق بكام؟ ب 50 ريال؟
تمام كلامكم منطقي بس عايزين نفكر بموضوعيه شويه
دلوقتي انا مليش خبره في المجال وحاليا 26 سنه وعازب هطلب زياده وسكن مثلا علي اساس ايه وبعدين استني اكبر واتجوز وساعتها هيبقي اي عرض وحش
انا مش فارق معايا الماديات اوي يعني مش مديون ولو ستفرت هشتريرعربيه رخيصه الفكره ان الشغل في مصر مقرف ومفيش فرص كويسه لا حكومه ولت خاص
واغلب اصحابي طالعين علي خمسه وسته باكدج برضه
فلو نفكر المفروض في نظركم ايه العرض المناسب
وشايفين لو رفضت هيجيلي عرض افضل ???
بص انا تخصصى غيرك بس لكما كنت اصغر منك بسنه العرض الى طلعت عليه كان ب 6.5 و السكن عليهم و المواصلات عليهم مش بنزين بس كل شىء عليهم يعنى ماعدا الاكل
و كان يعتبر معقول ساعتها لو هتطلع على عرض اقل من الى فولتهولك ده هتتعب
المحاسبين اقل شىء 5..6
الفراشين و العمال مش هيقل عن 2 و كل شىء عليهم
لو خصمت المصاريف بتاعتك السكن و المواصلات هتلاقى نفسك بتقبض زى العامل
انت مسافر لأجل السفر و لا مسافر لأجل تحسين وضعك؟اقتباس:
المشاركة الأصلية كتبت بواسطة medo_2060
لو مسافر لأجل السفر اقبل
لو لتحسين وضعك ........ يبقى ماتسافرش
تطلب زيادة او سكن على اساس ان ده عرف البلد واسعار البلد ....... صدقني الناس اللي بتقبل بأي حاجة بتخرب الدنيا على نفسها و على بقية الناس
و لو كبرت و اتجوزت و خبرتك زادت مفيش حاجة اسمها اي عرض هبيقى وحش ........ الخليج : خش صغير تفضل صغير ...... خش كبير تفضل كبير و تكبر اكتر
انت لو مضيت و لبست مش هتعرف تفلفص بعد كده و مفيش نقل لشغل احسن من غير جواب عدم ممانعة من الكفيل ......
اغلب اصحابك بيضروا نفسهم ..... تضر نفسك معاهم ؟ (ان ماكانوش بيكذبوا عليك عشان العين او ما بيحبوش الخير لغيرهم)
اقل مرتب لمهندس ب 3 سنين خبرة من 10 ل 15
تشتري عربية رخيصة ؟ انت عارف رخصة القيادة بتطلع بكام ؟ و الصيانات بكام؟ و التامين بكام؟ و اقل مخالفة بكام؟ انت ممكن تاخد مخالفة تحطم لك احلامك في العشاء شهرين تلاتة بالمرتب ده
موضوع هيجيلك عرض افضل دي ارزاق ........ بس ما تقبلش بعرض يخليك تشحت في شوارع الدوحة
ما هو لو لقيت حاجه في مجالي كنت طلعت خدت خبره سنتين فيه
وحاليا انا سبته وهبدأ في مجال جديد يعني محصله بعضها
مشكله البلد هنا ان كل شويه اغير الشغل واروح شغل تاني ببدايه جديده والشغل الخاص هنا كله زفت وعلي كف عفريت
طيب المفروض اتكلم معاهم في زياده كام
وموضوع فيزا باسم مهندس او غيره لسه مسالتش فيها ياريت حد يقولي تفرق في ايه واتمسك بيها اوي ولا
والمجال دا له مستقبل كويس ولا بلاش منه
بص يا باشا السفر ده ارزاق
انتا علشان مخنوق من الشغل هنا فا بتبرر ام حاجه و نفسك تمشى
احنا هنا بقا بنديك خلاصه التجربه قبل متروح
المرتب قليل جدااااا لو السكن عليك
شايف انك عايز تجرب يمكن تظبط معاك هناك و تعمل علقات و تجربلك سنه روح
عايز تحسن من وضعك مش هتستفاد الا انك شقيتلك شويه
استخير و لو نفسك تجرب روح
و اهي الحياه تجارب
طيب يا باشا في رايك اقل راتب اقبل بيه كام مع العلم اني عازب
لًو سكن عليك ١٠ الف
بس هما مش هيدوك ١٠ و انتا بدون خبره
ماهو دا الي انا بتكلم فيه
لو معايا خبره او مجال الشغل في المجال الي اشتغلت وخدت خبره فيه كنت اتشرطت وقلت عايز زياده
فرأيكم مقارنه بان مليش خبره اقبل وانا كلمته قال اخر حاجه يقدر يقدمها 8 الاف
ايه رأيكم
يعنى هما وفقو يزودوك لى ٨ الف لما انتا طلبت
انا كده الاوفر ده مش كلير من وجه نظرى
هو انتا هتدفع لحد فلوس علشان تسافر ؟
مادام عازب ومن غير خبرة يبقي سافر اتعلم وخد فلوس وسعرك هيغلي كل يوم.
والغربة في حد ذاتها فوايد للي يستحملها.
لا مش هدفع هو صاحبي شغال هناك وقال هيزق الراتب 8 مش مضمونه ميهوفي الميه برضه لكن محدش طلب مني فلوساقتباس:
المشاركة الأصلية كتبت بواسطة minicooper20
بخصوص الحته دي عشان مش فاهمها في ناس بتسافر بتدفع فلوس وناس لا هو دا تمن الفيزا ولا ايه وليه ناس بتدفع وناس لا تفرق لو شركه بعتتلك
امال ليه بيتقال تروح صغير تفضل صغيراقتباس:
المشاركة الأصلية كتبت بواسطة mr_vampire
مش قاعدة. انتا ومجالك وطموحك . في واحد يقول كدة تمام اوي وفيه واحد يتحرك ويعافر ويقول غربة بغربة بقي واستفيد منها علي اد ماقدر
شوف يا هندسة
عندك شغل و دخل في مصر ؟
لو لا ......... يبقي روح و جرب و شوف الدنيا و خد خبرة ... ولو لقيت انها مش مجازية معاك انقل كفالة او ارجع او سافر بلد تانية ..
هتخسر ايه لو رحت تجرب ؟
انا لو في سنك و ظروفك كنت رحت وقتي
انا دكتور مقيم في الدوحه ورأيي سافر برغم ان فعلا السكن غالي جداً بس الميزه في قطر انها بلد جميله و صغيره و فيها مصريين كتير و الشعب عناك محترم جداً ، انت ممكن متعرفش تحوش خالص لكن تقدر تعيش مبسوط جداً هناك لان كل حاجه بالتقسيط و قسط اغلي عربيه مش هيعدي ٢٠٠٠ ريال لان الفايده بسيطه في البنوك و الخليجيين بصفه عامه محترمين جداً مش زي ما انت فاكر ، انا سافرت عمان و قطر و عمري ما شفت واحد بيزعق في الشارع مثلا او بيكلمك بطريقه مش كويسه و السفر برضه بيكسبك خبرات كتير في حياتك صدقني مش مجرد فلوس ، بس اهم حاجه اتقي الله في شغلك و خليك حسن الظن بالله ، علي فكره اول شهرين في الغربه صعبين جداً لان صدقني مصر بكل ما فيها الا انها جميله بجد ، ربنا يكرمنا جميعا
يعني حضرتك رأيك الراتب دا كويس ولا هروح اتبهدل بزيادهاقتباس:
المشاركة الأصلية كتبت بواسطة achillie
ورايك المفروض اخد بالي من ايه او اسال في ايه كويس
عندي شغل في مصر بس تقدر تقول بتتفحت شغل وتاخد ملاليم والمشكله التانيه الي عملالي ازعاج بغير مجال الشغل كل شويه وابدا من جديداقتباس:
المشاركة الأصلية كتبت بواسطة mazagangee
موضوع نقل الكفاله دا ازاي انا سمعت لو طلعت مش هعرف اهرب منهم في قطر بالذات
وهل موضوع اني اطلع علي فيزا مهندي مهم للدرجه ولا لا
موضوع نقل الكفاله ممكن بس لازم الكفيل يكون موافق
او تخرج بره البلد سنتين وبعد كده ترجع
فيه كلام ان قانون الكفاله هيتغير وهيتلغى موضوع السنتين
بس لسه مفيش حاجه مؤكده
موضوع الوظيفه فى التاشيره تفرق فى حاجات كتيره
منها رخصه القياده ونوع العربيه اللى تقدر تسوقها
بعض الوظائف غير مسموح لها تطلع رخصه القياده والبعض الاخر غير مسموخ لها تسوق اوتوماتيك
ده غير ان الوظيفه بتفرق جدا لو عايز تعمل استقدام لزوجتك بعد كده
اوعى تطلع على فيزا عمالةاقتباس:
المشاركة الأصلية كتبت بواسطة medo_2060
هتتعامل معاملة مراة الاب
و ممكن ما تعرفش تطلع رخصة
و ممكن ما تعرفش تجيب زوجة لو اتجوزت
و الاهم ....... عمالة او مهندس ....... مفيش تغيير كفالة من غير موافقة الكفيل
و هو ساعتها مش هيوافق لانه هيلاقي منين زبون يقبل بنفس المرتب بعدك
الله يكرمك الدول الاستعبادية دي ما تروحش الا على شروط كويسة
و الله العظيم ملاليم مصر ابرك من ملاليم برة عالاقل وسط اهلك و مش هييجي يوم ما تلاقيش بياتة و لا اكل
و ال 7000 و الله العظيم ما هما 14 باكو مصري ....... دول كقيمة شرائية ما يعملوش 2000 و لا 3000 مصري هناك
غريب اوي حوار وطائف ليها تسوق مانوال بس ههههه ايه الفكره يعنياقتباس:
المشاركة الأصلية كتبت بواسطة eng.m1986
وحضرتك تقريبا مقيم في الدوحه رايك ايه في الاوفر بتاعهم وايه النفروض اخد بالي منه
والله ياباشا كلامك عين العقل ومش بفكر في فلوس بس لو في هنا شغل حكومه بالفين جنيه ولا اقل حتي هروحه وش والغي فكره السفر من دماغياقتباس:
المشاركة الأصلية كتبت بواسطة أحمد كمال
لكن ان كان بره بيستعبدوك في الشغل الخاص ويدوك ملاليم هنا في الشغل الهاص بيستعبدوك اكتر وبيبقي عاين عليه ياخد من جيبك كمان
انا حالبا شغال في شركه خاصه صاحب الشركه مشغل مهندسين تعبوا وصرفوا بلاوي شغلانه فنيين ماهو لقي الي يقبل نفس فكره بره..الميزه الوحيده فعلا ان هنا تقدر تكون مع اهلك جنبهم في المواقف الصعبه وخصوصا انا المفروض اكون موجود بس ارجع اقول هيعدي وقت ومش هلاقي حد من اهلي اخواتي هيتجوزوا رالاهل ربنا يديهم الصحه بكلامهم مش عايشينلك فكل قلقي ان بعد وقت ملاقيش الي قعدت عشانه وساعتها هتبقي ظروف شغلي زفت في مصر وهفضل اتنقل بين شغل خاص استعباد وملاليم غير ان زي ما الغربه ليها تمن مر برضه عيشه مصر ليها تمن مر برضه
طولت عليكم بس فعلا الواحد حاسس انه بيتكلم وسط اخواته وهيلاقي المشوره الصح
الى صاحب الموضوع انت تقريبا واخد قرارك بس عاوز حد يدعمك فى قرارك علشان تحس انك مش غلطان من الاخر السبع ولا التمن تلاف ريال دول مش هتعرف تعيش بيهم فى الدوحه الا لو سكنت فى بيت شرك وطحنت نفسك
قرفان من حال البلد وظروف الشغل سافر بس خليك عارف مافيش نقل كفاله الا بموافقه الكفيل ومافيش اى حاجه بتتعمل من غير موافقه الكقيل ماتعرفش تطلع بره الدوحه اصلا من غير موافقه الكفيل
اه البلد حلوه وصغيره وهاديه وبس غاليه طحن وبالذات السكن
لو مش فارق معاك ومش عاوز تحوش او اتكل على الله
لو فاكر ان صاحب العمل المصري بيستعبدك عشان قطاع خاص مش عام
و شايف راحتك و خلاصك في صاحب العمل الخليجي
احب اقول لك :
1- اللي ما شافش عيشة مرات ابوه ما يعرفش قيمة عيشة امه
2- عذرا ..... انت عامل زي اللي قرفانة من بيت ابوها و راحت تتجوز واحد مش كويس عشان فاكرة نفسها هترتاح
خد خبرة في مصر و سافر بالخبرة زي الباشا بالمرتب اللي انت بتتأمر و تحط رجل على رجل و انت بتطلبه
ما ترخصش نفسك
انا مش طمعان في الوظيفة و لا ليا مصلحة انك ترفض و لا مثلا خايف الباركنج بتاع جنة الدوحة يتملي و لا ساكن في الدوحة اصلا .......
انت مش عارف انت داخل على ايه ....... و الله العظيم ب 7000 هتعيش ايام سودة
الاخ الدكتور اللي في الدوحة و بيقول لك تعالى : تقدر تعيش حضرتك ب 7 الاف ؟؟؟؟؟؟ كل من عالشط عوام
و الله العظيم ملاليم مصر قوتها الشرائية احسن لك......
ازيك يا محمد بيه :)
بص انا من مناصرى رأى الزميل المحترم أحمد كمال .......... انا برضه مهندس و اشتغلت فى مصر و الأمارات و السعودية
كل كلمة قالها صح و واقعية جدا
بس انا حقولك حاجة ............ هى حالة واحدة فقط لا غير
انت اعزب مش متجوز و لا مرتبط ............ لو الشركة اللى انت رايحها فى الدوحة ديه شركة كبيرة و محترمة و ليها اسم فى المجال بتاعها .......... حتفرق معاك الخبرة اللى حتاخدها منها فى الcv بتاعك و حتتعلم و يبقى ليك وزن و خبرة و حتطور نفسك
حقولك روح ........ على اساس ان ديه خطوة فى حياتك تتبهدل فيها و تتعب مقابل خبرة و علم يخلى الخطوة اللى بعديها احسن بكتير و تعوضك عن اللى فات
لكن لو الشركة عادية او صغيرة و مش حتفرق معاك ولا علما و لا خبرة
يبقى ملهاش تلاتين لازمة
و اهم حاجة فى كل ده ............... استخير ربنا كذا مرة و ادعى كتير
و بالتوفيق و النجاح :)
ازيك ياباشا :)اقتباس:
المشاركة الأصلية كتبت بواسطة hobiko
فين ايام مواضيع السياسه والثوره فضينا مبقاش غير سيره السفر ههههههه
انا معرفش ان كانت شركه كبيره وليها اسم ولا لا الي اعرفه كله ان ليها فروع في دول عربيه بس والهيد اوفيس في دبي و مشاريعهم في منشآت كبيره برضه زي مطار حمد وغيره
ربنا يعمل ما فيه الخير ان شاء الله ودعواتك بالتوفيق يا زميل الكفاح :)
يا جماعه ضلمتوها في وش الرجل ليه ؟ بشروا ، بص يا أستاذ ، الشغل هناك اكيد متعب بس انا عايز افهم حضرتك ان الشغل متعب في اي حته في الدنيا الا مصر لان غالبيه الناس شغالين موظفين صيع من ٩ الصبح ل ٢،٥ الظهر و ده ما اسموش شغل ده اسمه مرقعه و صدقني انا اشتغلت في ٣ دول و الله اكتر شعب مبيشتغلش هم احنا ، لكن لو عايز تبني نفسك لازم تتعب و تشتغل بجد و تفكك من جو الموظفين بتاع مصر ، ٧٠٠٠ ريال ايوه ما يجيبوش بيت لكن تقدر تاخد أوضه في شقه مع صحابك ب ١٠٠٠ ريال و تجيب كورولا ٢٠١٥ ب ١٢٥٠ ريال و هتصرف اكل ١٥٠٠ ريال و الباقي في جيبك ، و صدقني انا بنصحك لوجه لله عايز تبني نفسك يبقي تبقي رجل و تتعب و تشتغل و صدقني ربنا هيكرمك لان ربنا كريم جداً ، لكن لو أخدت طريقه الفشله في التفكير مش هتعرف تعمل حاجه .
اخي صاحب الموضوع
كل شيء له سلبياته وايجابياته حقولك بعض الحاجات بما اني كنت عايش في قطر مدة طويلة
- بما انك عازب فده شيء كويس في المرحلة الاولي
- مرتبك فوق ال 6000 وده يخليك تقدر تجيب زوجتك بحسب قانون العمل
- قطر بلد عائلي من الطراز الاول امان لاتتخيله شعب طيب وكريم فوق الوصف
- البلد صغيرة جدا يعني لو قلت فلان الفلاني حيقولك تاريخ حياته الكل عارف بعضه اجنبي او مواطن
- بما ان الحالة الاقتصادية والسياسية في مصر مؤثرة علي مزاجك العام فده يدفعك الي السفر وانا اؤيدك حتي لو بمبلغ بسيط في البداية
- سنك صغير وده حيخليك تكتس خبرة تقدر بعد كدة تنقل لشيء افضل وعندي نماذج كتير جدا لاصحابي سافروا علي وظائف صغيرة وماشاء الله عليهم دلوقت ومثل انك لو رحت صغير حتفضل صغير مش مظبوط
- السكن هو اغلي شيء ومش معني كدة ان مفيش فرص ممكن تلاقي استوديو اوضة وصالة برة الدوحة ب 2500 ريال وباقي كل شيء بيدبر عقبال ماتاخد علي الشغل الجديد والبلد وتعرف الدنيا تقدر بعدها تشق طريقك ومش معني انك مش مرتاح في شغل انك حتطرد برة مش كل كفيل ظالم وتقدر تنقل كفالة وبسهولة وكمان تقدر اعارة وبسهولة برضوا بس كله بموافقة الكفيل طالما لم تسرقه او تعمل عمل جسيم تضر بالعمل او صاحبه
باختصار توكل علي الله وانتا هنا مش خسران كتير يعني مش ماسك وظيفة في شركة كبيرة او مركز مرموق علشان تكون حساباتك مش مظبوطة
ده راي واحد كان مقيم في قطر واتمني العودة لها لولا ( اني في وظيفة لو تركتها ساندم العمر كله عليها ) بس