الموضوع: مش عارف افتح حساب في البنك

مشكلتنا اننا بنقعد نستفسر بدون ما نتعب

باشا ..اخطف رجلك لاي بنك وهتكتشف ان كل اللي انتا كتبته دا مش صح

تحياتي

المشاركة الأصلية كتبت بواسطة dreamo

أنسى كل اللي انت سمعته وقولته ده .. وانا هعتبر اني ماقرتوش بردو

الموضوع ابسط مما تتخيل .. وكانك بتشحن موبايلك كده او بتجيب خط نت في البيت

اولاً : تقدر تفتح حساب توفير في اي بنك عادي جداً ببطاقتك الشخصيه ووصل كهرباء فقط " عارف ان وصل الكهربا بأسم والدك ... عادي "

تاخد معاك 500 جنيه كده او 1000 جنيه .. وتطلع على بنك مصر الفرع الرئيسي ( شارع محمد فريد وسط البلد القاهرة ) ( في تلات فروع في الشارع .. ادخل فرع المعاملات الدوليه افضل )

وبعد ماتفتح حساب توفير .. اطلب منهم ان اي فلوس تتحولك من برا بالدولار او اليورو او الريال السعودي .. تتحول للجنيه المصري تلقائي في حسابك .

هتاخد رقم حسابك .. والسويفت كود بتاع بنك مصر .. وهيقولك ال atm بعد شهر تستلمها .
كده بقى عندك حساب بنكي تحوش فيه الملايين بتاعتك .. وتستقبل عليه المليارات بتاعتك من الدول الاخرى .

طيب لو انت عايز يبقى عندك فيزا نت .. علشان تدفع بيها عالنت اي بتنجان انت عايزه

من نفس البنك بردو هتعمل فيزا نت .. وملهاش علاقه بالحساب بتاعك .. دي خدمه تانيه منفصله لوحدها

هتكلفك 22 جنيه صالحه لمدة سنتين .. ببطاقتك الشخصيه فقط .. وهتستلمها بعد 10 ايام وعليها اسمك ( في بنوك تانيه بتدهالك وانت واقف بس مش عليها اسمك )

بس خلاص كده بقيت تستقبل فلوس وتدفع فلوس اون لاين

وممكن تعمل طلب حساب نت في بنك مصر .. يعني استماره كده هتكتب فيها بيانات حساب التوفير والفيزا
ويدولك يوزر وباس تدخل بيهم عالموقع بتاع البنك تشوف حسابك اخباره ايه .

هااا .. حاجه تاني ؟ ... جبتلك اسوء بنك اهو اللي بيقولوا عليه روتيني ومعقد ومتخلف .

ولو عايز رقم البنك المختصر بتاع خدمة العملاء علشان تسأل براحتك للصبح .. اتعب شويه وادخل الموقع هات الرقم .

بلاش بقى نغمة مصر المخروبه واهاجر واهج .. والكلمات المحبطه دي

اسمها مصر المحروسه .. علشان محروسه بامر ربنا ليوم الدين إن شاء الله .

اولا: انا لست من القاهره و معنديش وقت اسافر هناك ان كنت اتمني السفر للقاهره حاليا لمليون سبب

ثانيا : لا ملايين و لا مليارات ... هما ملالييم و الواحد بيعمل اي حاجه حلال بيقدر يعملها عشان يكسب فلوس يحوشها و يغور من وش البلد النحس دي

ثالثا: لا كلمات محبطه و لا حاجه و الواحد غلط لما جاتله فرصه سفر زمان و مخلعش منها .... ربنا يقدرنا و نخلع من هنا ... اللي حابب هنا بدعيله يفضل مكمل عمره فيها هو و عياله

المشاركة الأصلية كتبت بواسطة misry

انا فاتح حساب في بنك فيصل وباستقبل عليه كل شهر فلوس بالدولار من lionbridge عادي جدا ...

حضرتك فاتح الحساب ده ال؟يومين دول

المشاركة الأصلية كتبت بواسطة حسام الغرباوي

مشكلتنا اننا بنقعد نستفسر بدون ما نتعب

باشا ..اخطف رجلك لاي بنك وهتكتشف ان كل اللي انتا كتبته دا مش صح

تحياتي

ان شاء الله ناوي اعمل كده عشان سمعت فتي كتير