مش عارف افتح حساب في البنك
دلوقتي انا ليا شغل اونلاين بيدر عليا مبالغ معقوله كل كام شهر و كنت بستخدم الفيزا كارت بتاعت واحد صاحبي
صاحبي ده دلوقتي سافر فقولت افتح حساب باسمي و خلاص
كلمت واحد جاري شغال محاسب في بنك
قالي لازم بطاقه ضريبيه و سجل تجاري و افلام هندي
كل ده عشان شويه ملالييم بتجيلي من بره بتعبي و شقايا
قولت استخدم السجل التجاري بتاع الحاج
قالي اي فلوس هتدخل الحساب من بره لازم يكون ليها علاقه بالنشاط المكتوب في السجل التجاري
و طبعا الفلوس ملهاش اي علاقه بالنشاط ... مش عايزين نخش في سين و جيم عشان خاطر كام 100 دولار كل كام شهر
طب اعمل ؟ صاحبي اللي سافر لا معاه بطاقه ضريبيه و لا سجل تجاري و لا اي فلوس في البنك اصلا و كان عامل فيزا كارت في بنك باركليز و كان بيحول فلوس و بتجيله فلوس و الحياه زبادي في الخلاط ... دلوقتي يقولولي انا لا مينفعش
حسبي الله و نعم الوكيل
انا عملت حساب علي paypal بس تقريبا مينفعش استلم عليه فلوس ... انا سألت باي بال و منتظر ردهم
انا ممكن استخدم فيزا كارد بتاعت اي حد من قرايبي مثلا بس مش عايز حد يخش في الموضوع ... كله عمال يقر و يحسد و اللي هيدخل في الموضوع هيقولي عايز نسبه و مش عايز نسبه
اعوذ بالله بجد من تصرفات الناس اللي هنا
حاجه تقرف ... قولولي اعمل ايه بالظبط ؟