الموضوع: سعر تآسيس شقة بالكهرباء مسحتها 100 متر

مبالغ شوية..
انا شقتي صافي 116 متر واحتجت الاتي
لفتين سلك 4 مم
3 لفه سلك 3مم
3 لفه سلك 2 مم
والاسعار كويسه المهم تكون السويدي مش مضروب.. انا عن نفسي اشتريت من السويدي نفسه
وعلي فكره انا مدلع نفسي ف الكهربا ومحتجتش اشتري تاني.. وربنا يوفقك

المشاركة الأصلية كتبت بواسطة hema_lancer

لأ الكميات معقولة دا هيحتاج سلك تاني وحوالي 6 او 7 لفات مواسير 16 وممكن توصل ل 10 لو نظام اميركان بس اهم من كل ده السلك يكون سويدي

الكميات معقولة يعنى كدة الحجات مظبوتة مش مبالغ فيها فى عدد اللفات ولا حاجة ؟ او شى ناقص مش قايلة هو

المشاركة الأصلية كتبت بواسطة 4fun14

مبالغ شوية..
انا شقتي صافي 116 متر واحتجت الاتي
لفتين سلك 4 مم
3 لفه سلك 3مم
3 لفه سلك 2 مم
والاسعار كويسه المهم تكون السويدي مش مضروب.. انا عن نفسي اشتريت من السويدي نفسه
وعلي فكره انا مدلع نفسي ف الكهربا ومحتجتش اشتري تاني.. وربنا يوفقك

تسلم انا بقول كدة بردوا انا حاسس ان مبالغ شوية فى الاسلاك ومش عارف الحق فين وخايف اسمع كلام صاحب محل الكهربائى واجيب اقل والكهربائى الى هيشتغلى يقولى علشان جبت اقل مكفاش واخرب الدنيا

لا صاحب المحل عنده حق
ال4 مم بالذات ماحتجتش منه الا لفه وربع.. طالب منك 3 ليه؟! ده انت حتي شقتك اصغر.. انا قلقان م الكهربائي ده بصراحه.. شوف كلام واحد غيره! مش عيب وانا عملت كدة.. المشكله مش ف تكلفه السلك والخامات بس دي حاجه تقلقك انه عاوز يخنصر شويه بضاعه ولا حاجه

المشاركة الأصلية كتبت بواسطة 4fun14

لا صاحب المحل عنده حق
ال4 مم بالذات ماحتجتش منه الا لفه وربع.. طالب منك 3 ليه؟! ده انت حتي شقتك اصغر.. انا قلقان م الكهربائي ده بصراحه.. شوف كلام واحد غيره! مش عيب وانا عملت كدة.. المشكله مش ف تكلفه السلك والخامات بس دي حاجه تقلقك انه عاوز يخنصر شويه بضاعه ولا حاجه

والله عندك حق بس مش عارف اعمل اية انا كل الى كنت بفكر فية بحاول امشى الموضوع باى طريقة على اد ما اقدر لان الكهربائى دة اعرفة من زمان فى شغلة يعنى اقصد شغلة كويس وعارف شغلة كويس متمكن منة بس زى ما قولت الى بقى اكيد وواضح انة عاوز يطلع بمصلحة فمش عارف احلها ازاى بصراحة وممكن اشوف كهربائى تانى يطلع مش بيفهم فى شغلة وخصوصا ان دة تاسيس يعنى لو مش كهربائى صح انا الى هتعب باقى حياتى قدام

هو طالب منك مصنعيه كام؟ وهياخد كام يوم شغل؟

المشاركة الأصلية كتبت بواسطة 4fun14

هو طالب منك مصنعيه كام؟ وهياخد كام يوم شغل؟

بالنسبة لكام يوم شغل والله ما عارف لحد الان هو علشان معرفة من زمان فمتكلمتش فى النقطة دى فمعرفش هيخلصها فى اد اية بس بخصوص المصنيعة 1500 جنية
وزى ما قولتك شغلة انا عارفة وواثق منة بس المشكلة ان من البداية الطلبات وكدة وغيرها وانا اتاكدت ان هياخد منى مصلحة شخصية غير المصنعية ودى الى بحاول احلها او اشوف حل ليها انى بقدر الامكان اقللها فقولتة اجيب انا الحاجة بحجة انى اعرف واحد بيبيع بسعرة الاصلى وكدة فدانى الحجات الى اجيبها وهو مضايق بس حسيت ان ممكن يكون مزود فى الكميات بحيث يطلعلة مصلحة بردوا ودة الى لحد الان ظاهر ان الحجات الى طلبها فيها حجات زيادة عن الى مفروض تتجاب لشقة 100 متر