المشاركة الأصلية كتبت بواسطة zing0
تمام زى ما الأخ الفاضل تكرم بالرد
المهم فى الزيت حاجتين
مستوى الخدمة: يعنى مكتوب عليه حروف إيه
sf و لا sg - sj >>>>إلخ
كل ما الحرف اللى جنب الـ s يتأخر فى حروف الهجاء الإنجليزية يكون أفضل
تانى حاجه, الدرجة w و دى فيه منها نوعين متعدد و أحادى
متعدد: 20w-50 , 10w-40 ..............إلخ
أحادى: W50
و الأهم من كل ده ميكونش الزيت مغشوش, و دى تخلى بالك منها جداً جداً
الزيوت دلوقتى بقت زيت تموينى فاخر و بيتعبى فى جراكن مغسولة و يتبرشم و طظ فى الشعب المصرى فى ظل غياب الرقابة.
اللادا بطبيعتها بتبقى محتاجه زيوت ثقيلة شوية, حتى لو العربية جديدة, مش عاوزة معدل بخر عالى, لإن المحرك عبارة عن كتلة حديد (عالى الشوائب) و بالتالى لازم بوليمرات الزيت تكون ثقيلة علشان تسد النقر الدقيقة على سطح المعدن.
أفضل زيوت فى المجال ده : شل و التعاون (ممكن يكون فيه أنواع تانية بس معرفهاش)
أعانك الله و يسر لك أمرك و أصلح لنا أحوالنا