المشاركة الأصلية كتبت بواسطة romioromio
بص من الاخر عشان متتحيرش
الاتنين زي بعض في كل حاجه
قطع غيار عند البقال اي حد بيشتغل فيهم منتشرين بغباء والاتنين تاكسيات
نفس استهلاك البنزين نفس الفرامل نفس التكييف وكل حاجه
يعني من الاخر الاتنين شبه بعض بالضبط
حتي الاتنين تمنهم مبالغ فيه وميستهلوش المبلغ بتاعهم
الفروق البسيطه البسيطه اوي ومن تجربتي مع الاتنين
الفيرنا جرايه شويه وسحبها افضل حاجه بسيطه لو بتحب الشد وسواقتك شبابي بس فرق السحب ملحوظ
الدايو كنبتها الخلفيه اوسع حاجه بسيطه
الفرنا قعدة السواق فيها ممكن اريح حاجه بسيطه بس واطيه شوية تحس انك قاعد عالارض
حسب راحة كل واحد
بص قرار من النهايه ومن غير ما تستني راي الاعضاء ومش بحجر علي حد
بس عشان متحيرش نفسك
روح معرض فيه الاتنين واقف قدامهم واللي نفسك تروح عليها خدها وش من غير حيره
نصيحه خارج السؤال
العربيتين مبالغ فيهم وميستهلوش سعرهم العالي
لو معاك تزود حاجه بسيطه هات لوجات او سانديرو
او حتي صني او اوبترا
فرق ركوبه وبرستيج
مبروك مقدما
وربنا يوفقك ويعطيك خيرها ويكفيك شرها