-
اخيرا نكت
مره واحد مسطول قاعد بيحشش مع مراته لغايه ما نسيوا نفسهم وفجأه حد خبط عليهم فقامت الزوجه وقالت جوزى فقام جوزها ونط من الشباك.
اتنين مجانين اتفقوا انهم يهربوا من المستشفى واحد قال للتانى لو لقينا السـور عالى هنهده لو لقيناه واطى هنط من فوقيه التانى قال له ماشى راحوا مالقوش سـور خالص قالوا ياخساره المهمه فشلت
مرة واحد بسأل صاحبه إيه الفرق بين تجارة الحشيش وتجارة عين شمس قال له تجارة عين شمس 4 سنبن لكن تجارة الحشيش مش اقل من 25 سنة
بابا نويل بيوزع هدايا على الاطفال فى راس السنة وشاف بنت حلوة عندها 25سنة فاعطى لها هدية فقالت لة شكرا بابا نويل قال لها نويل بس بلاش بابا
بلدياتنا نجح في انتخابات مجلس الشعب، في اول جلسة قاعد جنب واحد افندى فالأفندى عزم عليه بسيجارة مارلبورو، وبعد شويه بيساله إيه رأيك في الديمقراطية ياحاج؟؟.. فرد الحاج : والله أحسن من الكيلوبترا
مره واحد صعيدي لقى مصباح علاء الدين قعد يفرك فيه لحدما طلعله العفريت قال له شبيك لبيك تطلب ايه قال له عاوزك تعمل لنا كوبرى يوصل ما بين مصر وامريكا، راح قايل له لا ياعم صعب اوي قال له طيب عايزك تخليلي كل الصعايده اذكيا قال له عايز الكوبري رايح جاي ولا رايح بس
واحد راكب عربية صغيرة جدا ماشى بيها فى شارع صغير و و احد تانى راكب عربية كبيرة جدا وكل واحد عاوز يعدى من الشارع .. خناقة كبيرة ...المهم صاحب العربية الصغيرة بكل فخر قال لصاحب العربية الكبيرة:انت عارف العربية دى فيها ايه رد و قال له لا قال له العربية دى فيها عفريت قال له ورينى كده، دعك العربية طلع منها عفريت كبير وقال:شبيك لبيك تطلب ايه قال له 2شاى... جاب الشاى... صاحب العربية الكبيرة إشترى العربية الصغيرة مقابل الكبيرة ودعك العربية بعد ما أشتراها و طلع العفريت قال صاحب العربية انا عاوز دهب وفلوس و عربيات رد العفريت:انا باعمل شاى بس
غبي مات نزل عليه 62 ملاك اثنين يحاسبوه و60 يقنعوه انه مات
واحده حامل راحت تولد الدكتور طلع اول طفل ضربه على ظهره وحطه على جنب ، وطلع التانى ضربه على ظهره وحطه على جنب، بيطلع التات ما رضيش يطلع قال للممرضه تعالى كملى انتى انا تعبت قام بص الطفل التالت وقال لها الراجل اللى بيضرب العيال مشى ولا لسه
واحد شكله غلبان قاعد على قهوه باصص لكبايه شاى قدامه ومتنح ! شافه واحد رذل عامل نفسه فتوه , فقال اما اروح اتتنطط عليه شويه، راح داخل عليه وشادد الكوبايه من قدامه وشربها على بق واحد , وحطها قدامه فاضيه وقال له :
ماتنساش تدفع البقشيش !
الراجل راح منفجر فى العياط والنهنهه! لدرجه انه صعب على الفتوه , فخبط على كتفه وقال:
ياراجل ماتعملش فى نفسك كده ، معقوله راجل بشنبات يعيط علشان كوبايه شاى بخمسين قرش؟
انا مش باعيط علشان الشاى ، بس انهارده اسوأ يوم فى حياتى !
صحيت الصبح متاخر , فاخذت الموتوسيكل بتاع اخويا علشان الحق الشغل بس برضه وصلت متاخر وصاحب الشغل هزأنى ,ماستحملتش ورديت عليه راح طاردنى ! جيت آخد الموتوسيكل واروح لقيته اتسرق ، رحت ابلغ اخويا اتهمنى بسرقته ! وبعد ماضربونى فى القسم علشان اعترف طلعونى بكفاله مش عارف هسددها ازاى ، وحتى لما قررت انتحر ، جيت اشرب كبايه السم ، جيت انت وخطفتها من ايدى
واحد قتل حماته، الظابط بيسأله اسمك ايه؟
قال له: اكتب فاعل خير
مرة شوية مجانين فى مستشفى رسموا باب على الحيطه وقعدوا يخشوا فيه بكتفهم علشان يتفتح ، الدكتور دخل عليهم لقى واحد قاعد على جنب قال له انت اللى عاقل فيهم والله ، انت مبتعملش زيهم ليه قال له : حمير .. ميعرفوش ان المفتاح معايا
اتنين مساطيل قاعدين يحششوا في المقابر ومرت جنازة فواحد منهم بيقول للتاني هي جنازة مين دي يا عبده؟ فرد عليه دي جنازة الشيخ محروس فقال الاولاني لا حول الله وتاني يوم وهما قاعدين في نفس المكان مرت جنازة فنفس الشخص سال التاني هي جنازة مين دي يا عبده؟ فرد عليه دي جنازة الشيخ محروس فقال الاولاني لا حول الله وتالت يوم وهما قاعدين في نفس المكان مرت جنازة فنفس الشخص سال التاني هي جنازة مين دي يا عبده؟ فرد عليه دي جنازة الشيخ محروس فرد عليه هي الدنيا ملطشة معاه كده ليه !
واحد عداه العيب إستنى العيب اللي بعده.
واحد أكل جوز هند .. راحت هند أكلت مراته.
واحدغلبه النعاس .. صمم يلاعبه تاني.
إتنين بيشوطوا الكورة ..واحد شاط والثاني إتحرق.
إثنين راحوا يصطادوا .. واحد صاد والثاني ضاد
مرة 3 عيال صعايدة بيلعبوا على الطريق السريع .. واللى تخبطه العربية مرتين يطلع بره
واحد بلدياتنا كان ماشى في الشارع و حاطط على كتفه تمساح شافه ظابط قاله ايه يا راجل يامجنون امشى وديه جنينه الحيوانات ,, وتانى يوم شافه الظابط تانى ماشى و على كتفه التمساح " قاله يا راجل يا مجنون مش قلت لك وديه جنينه الحيوانات " رد عليه " ما انا وديته امبارح جنينه الحيوانات و النهارده ها وديه الهرم
واحد يابانى حب يسمع صدى صوته طلع الجبل وقال بعلو صوتة شنج بنج ماو شونج صدى صوته قال له بتقول ايييييية
دكتور بيطرى اتجوز دكتورة بيطيرية زفوهم كلاب الشوارع
مره اتنين مساطيل قاعدين قدام مراية فواحد بيقول للتاني ما تيجي نسلم علي الاتنين اللي قاعدين هناك دول وهما رايحين التاني بيقول له اقعد اقعد اهم جايين يسلموا علينا
غبي عايز يشرب لبن راح للثلاجه لقى اللبن تاريخه منتهي قام زور التاريخ وشربه
أحول إتعين فى الجيش .. حطوه فى قسم القصف العشوائي
____________________
تم دمج المشاركة الاخرى بهذه المشاركة
إ.م.2
-
شكرا للنقل
بس صعب أوي يتقري بالطريقة دي
المضحك بقه فعلا أني قريت نكتة واحدة و باقي الطلاسم هتاخد وقت
ههههههههههههه
-
هو اكيد النكت حلوة بس هي تايهة مش عارف المها
علي العموم شكرا علي مجهودك بردو
-
جميله جدا
وشكرا
نكت جميله اوى
-
-
تحفة
في شوية نكت حلوين قوي :)
شكرا على الموضوع
-
والله جامدين يا مان...تسلم ايدك
-
نكت تمااااااااااااااااااااام
Content Relevant URLs by
vBSEO 3.6.0 PL2