بإذن الله ... هاستلم الفلوانس e3 بكره تنصحوني بإيه ؟
ايه هاستلمه مع العربيه واراجع على ايه
بإذن الله ... هاستلم الفلوانس e3 بكره تنصحوني بإيه ؟
ايه هاستلمه مع العربيه واراجع على ايه
الف مبروك عليك الفلوانس الجميلة، ربنا يباركلك فيها و تستمع بيها انت و الأسرة الكريمة
هتستلم ان شاء الله مع العربية
- ايريال
- ولاعة
- طفاية
- شنطة بداخلها كتالوج السيارة و الكاسيت
- مفتاح عجل
- كوريك
- شداد معدن
- ٢ كارت ذكى
اللى فوق ده كله اساسي
ساعات الموزعين بيسلموا دواسات او غطاء او ميدالية و لكن دى مش اساسيات
طبعاً اهم حاجة تراجع على حالة الدوكو جيداً
دهان الأكصدامات
كل الكشافات
الكلاكس
المساحات و رشاش الماء
افتح و اقفل كل الابواب و اتأكد انها ناعمة فى القفل و الفتح
افتح و اقفل الشنطة
بصه داخل الكابوت
دور العربية و اطفيها اكتر من مرة
اهم حاجة متنساش تطلب " كود الكاسيت المكون من اربع ارقام"
ان شاء الله هتلاقى العربية زى الفل و تستلم على خير
منتظرين انطباعاتك عن العربية بعد الاستلام
مبروك مرة اخرى
تحياتى
اول حاجه تعملها تكتبلنا تقريرك ياباشا
والف مبروووووووووووك
الف مبرووووك مقدما :)
مبروك يا باشا مقدماً
مبروك و ربنا يبارك لك :)
الشداد ده الحديده اللي بتقطر بيها العربيه (شنكل يعني)
كود الكاسيت مش في الكتالوج انما هتاخده من التوكيل لكن مش عارف لو بتستلم من معرض هيبقى معاه وللا لا بس عموما هو مش قضيه ممكن تجيبه بالتلفون من الخط الساخن للتوكيل
هو قصده بتشغيل العربيه اكتر من مره انك تشوف لو في اي اصوات غريبه او كده
كان في موضوع مكتوب قبل كده عن واحد لقى مشاكل في العربيه واجبر التوكيل انهم يرجعوله الفلوس او يغيرو العربيه وده تم لانه ماكانش رخص عشان كده اجل الترخيص يومين بس وجرب العربيه كويس ولما تطمن ان كله تمام رخص لان بعد الترخيص اي مشكله حتى لو كبيره هتبقى صيانه مش استبدال العربيه نفسها
ده طبعا نادر بس مافيش مانع انك تعمله لان عيوب الصناعه بقت حاجه عاديه اليومين دول