ياجماعة ممكن حد سكن فى بفرلى هيلز فى الشيخ زايد يقولنا مستوى السكن والخدمات والاسعار
شكرا
عرض للطباعة
ياجماعة ممكن حد سكن فى بفرلى هيلز فى الشيخ زايد يقولنا مستوى السكن والخدمات والاسعار
شكرا
و يا سلاااام لو سعر المتر فى حتة كويسة يتراوح من كاااام لكاااام
معقولة ... الأمن كويس ... النظافة ممتازة ... الخدمات اللي بتتقدم ..تعتبر ميزة ماعتقدش موجودة في مكان تاني .. كهربائي و نجار و سباك ... الخ. و الاسعار تقريبا نفس اسعار السوق ... و يمكن ارخص
فيه حاجات تحسها ناقصة بس لان محدش بيتكلم فالادارة مبتشغلش بالها ... بس الصراحة الميزة في الادارة ان لو فيه مشكلة و انت اشتكيت مبيسيبوهاش ... خدمة العملاء ممكن نقيمها ب 8/10 ... عيبهم ان فيه حاجات تحسسك انهم مصلحة حكومية ... عيب المكان ...الطريق ... وصلة دهشور .. هي تبان مخيفة بس ده مجرد احساس بس غالباً الطريق امان ... ماسمعتش ان فيه قلق ... الا من شهرين حصلت محاولة تثبيت ... بس بعد كدة سمعت كلام تاني بينفي الحادثة و ان الموضوع مان مجرد حادثة مرور عادية .. و اتحور الكلام لتثبيت لاضفاء جو من الاكشن ... فيه كذا سوبرماركت و صيدليات و كافيهات و مطاعم .و مدارس و حضانات ..جو الرحاب بس علي اهدي ..... هو كومبوند كبير و فيه عيوب و مميزات الكومبوندات الكبيرة ... طبعا اهم ميزة ... انك ممكن ترجع من شغلك مش محتاج تطلع برة الكومبوند ...و اهم عيب انه ككمبوند كبير و فيه خدمات جواه الأمن مابيسألش اي عربية ملاكي رايح فين و جاي منين ... طبعاً ده عكس الكمبوندات السكنية فقط مينفعش اي حد غير السكان يخشه الا لازم الامن يكلم الشقة اللي هو رايحها ...
الف شكر
طيب حضرتك تنصحنى اخد فى بفرلى ولا تنصح بكمبوند صغير زى زايد ديونز
ياترى بتدفعوا مصاريف صيانة كمان فى السنة
ياترى ايه الاماكن الكويسة جوه بفرلى الا تنصحنى بيها
هو مافيش طريق غير دهشور يعنى ناس قالولى ممكن تدخل من عند هايبر
الجو جوه عامل ازاى فيه حياة ورجل ولا الحياة ميتة
هل فيه كافيهات ومطاعم واماكن خروج
وعلى فكرة انا كلمت ناس فى الرحاب ومدينتى قالولى انى بفرلى انضف واحسن
شكر واسف للاسئلة الكتيرة
باشا .... من خبرتي المتواضعة 5 سنين فالشيخ زايد ساكن جانب بيفرلي هيلز ... الدنيا هناك حلاوة ؛؛ نضيفة جداً النادي نضيف الإدارة ظريفة والناس إلي هناك تتعاشر وتتصاحب ومفيش مشكلة جوا الكمباوند... الطرق المؤدية للكومباوند هي من مدخل هايبر وان وممكن مدخل زايد 2000 وممكن وصلت دهشور ... الطرق كلها زي الفل .... بس بالليل الطرق بتبقى ساكتة شوية وعربيات النقل التقيل على وصلة دهشور بيطيرو... وجوا زايد أخر مرة أنا كنت هناك من سنة كانت الدوريات بتلف طول الليل وحتى لو في حد في عربية لواحده ساعات بيوقفوه.
مقارنةً بالرحاب ومدينتي ... من رأيي المتواضع ... بيفرلي أرقى وأقرب وحواليها هيكون أنضف ومستواه أعلى كتير من إلي حوالين الرحاب .
وبالتوفيق
دوبلكس فى كمبوند زايد ريجينسي ..فى المدخل الاول من الشيخ زايد
امام النادى الاهلى مباشرا... تم بناء 70 % من المشروع المنطقه راقيه جداااااا كلها فيلات
الدوبلكس مساحه 257م (ارضى,اول) بحديقه 210م
اسعار تبدا 1,600,000
وطرق سداد على 3سنوات بدون اى فوائد
للاستعلام :01277252233
واتس اب :01000084998
بيفرلي رائعه
قمه في الهدوء ومفيش مقارنه بينها وبين الرحاب
انا شغال حاليا هناك
المرحلة الجديده اﻻجريا
يعيبها في راءي انها مطرفه قوي