مساء الخير يا شباب انا معايا عربية اوبترا مانيوال 2007 و المساعدين بايظة على الاخر انا مش عارف اجيب مساعدين نوعهم ايه و ياريت اللي جرب الماندو يفيدني ،،،،، شكرا
عرض للطباعة
مساء الخير يا شباب انا معايا عربية اوبترا مانيوال 2007 و المساعدين بايظة على الاخر انا مش عارف اجيب مساعدين نوعهم ايه و ياريت اللي جرب الماندو يفيدني ،،،،، شكرا
قصدك ماندو ولا مونرو
هات ال kyb اليابانى اما الماندو مش عارف
مونرو احسن حاجه
شكرا لكل اللي اهتم و رد على سؤالي .... أنا غيرت أربع مساعدين كي واي بي بس الميكانيكي اخد مصنعية 280 جنيه ده مناسب ولا كتيير انا اول مرة اتعامل معاه و كمان طلب اني اغيير بيض وتيش و بارات دول بقى مصنعيتهم كام ????....برجاء الافادة سريعا.
مونرو... 100 / 100
الأخ العزيز باسم ..
أولاً: المصنعية كتير شوية .. المعقول بتاعها كان المفروض 40 ج كل ناحية يعنى 160ج إجمالى لأنك عند ميكانيكى مش مركز كبير .. المركز الكبير بياخد 300ج فى تغيير الأربع مساعدين مع الكشف وتربيط العفشة.
ثانياً: الميكانيكى ده لو أمين معاك كان قالك تستنى على تغيير المساعدين الأماميين مع تغيير الحاجات التانية اللى قالك ان العربية محتاجاهم عشان كده كده هيكون فاكك وتبقى مصنعية واحدة أو أزيد حاجات بسيطة .. لكن طبعا لما كل مرة يفك ويركب ياخد مصنعيات جديدة .. وعلى العموم إنت اللى تقدر تحكم عليه أكتر منى حسب المواقف اللى مرت معاه.
ثالثاً: بالنسبة لمصنعية البيض والتيش والبارات (الناحية 50ج) يعنى إجمالى 100ج
رابعاً: إسمحلى كأخ وكعضو فى المنتدى بقالى سنيين إنى أنبهك لحاجة مهمة جدا ، وهى إن انت ماجالكش ردود على موضوعك بسبب إنك أوحيت للناس بكلامك (وأنا أعتقد إنه غير مقصود) بإنك كل همك تكسب معلومات فقط لإستفادتك الشخصية وحدك بدون أن تعطى أى استفادة للآخرين!!
يعنى مثلا جرب كده كنت توضح المساعدين الـ kyb اللى جبتهم يابانى ولا لأ ؟ ... إتأكدت إزاى إنهم أصلى مش مضروبين ؟ ... جبتهم منين وإسم المحل ؟ .. الأماميين بكام والخلفيين بكام ؟ .. والأهم أخبارهم إيه معك فى المشى بالعربية بعد جربتهم ومقانتهم بالنسبة للـ gm ؟!!
ساعتها كان الجميع هيشاركك وهتلاقى ردود كتير .. كما أرجو منك أيضا أخى العزيز أن تتلاشى أن يفهمك الناس خطأ بجملة مقتضبة بعد مجموعة من الأسئلة البحتة وهى "برجاء الإفادة سريعاً" حتى لا يفهمها الآخرين وكأنها صيغة أمر !!
أنأ أعتذر لك بشدة ولا أقصد مضايقتك برأيى المتواضع ولكن بأمانة ستعلم مستقبلا أنه كان خالصاً لوجه الله ولأجلك ..
أرجو لك التوفيق دائماً
فعلا التكلفه كتير شويه .. انا عندى مركز ضغير مش كبير اوى .. و التكلفه عندى بتكون 150 للاربع مساعدين ..مع تريبط العفشه باكامل امامى و خلفى .. بس من غير ضبط زوايا ..ضبط الزوايا بيكون ليه تكلفه تانيه
و ان شاء الله عربيتك تكون بقن افضل