مساعدة فى تغيير مياة دورة التبريد لعربية زيرو

مساء الخير على احلى شباب فى المنتدى

انا ماليش خبرة كبيرة فى العربيات زى حضراتكم و دى اول عربية ليا و لسة بتعلم من مواضيع و اراء حضراتكم
انا اشتريت عربية موديل 2013 فى شهر 9/2012 - يعنى بقالها سنتين
العربية تقريبا ماشية 13000 كم بس - عربية بيتى :shyy:
و العربية كان فيها مية خضراء بس ساعتها كانت على اقل علامة فقلت ازودها مية خضراء - و لقلة الخبرة اشتريت جركن 5 لتر 25 جنية و استعملت تقريبا 300 ميلى منة بس عرفت ان فى مضروب فى السوق فرميتة
و اشتريت مية موبيل الخضراء 1 لتر ب 19 جنية و زوت مرة واحدة حاجة بسيطة و من ساعتها مش بحط خالص
من فترة بتكلم مع مواحد فى موضوع و كنت فاتح كبوت العربية ففتح غطاء الريداتير و حط صباعة فلقيت صدا على وش الريداتير - فزعلت جدا
---------
دلوقتى انا عايز اغير دورة مياة التبريد
فكنت قريت على المنتدى هنا انة لازم يفك القربة و الريداتير - و معتقدش انة هينفع معايا الكلام دة علشان الضمان
فهل انزل المية الموجدوة و اغيرها بمياة موبييل و خلاص ولا فى حل تانى
----------
فى اعضاء هنا كانو بيقولو انة ميغسلش الردياتير بخرطوم مياة عادية لان كدة هيعمل رواسب املاح علية
معلش استحملونى لانى مش عارف اى حاجة و لسة جديد فى موضوع السيارات
شكرا

متابع

نصيحه ليك روح محطات موبيل الى عندها الغساله بس وخليه يغسلك دورة الميه بمزيل صدا وبعد كده هات ميه محترمه زى فالفولين 50% ب 200 جنيه 5 لتر او هات موبيل 33% ودي 4 لتر مش عارف بكام بصراحه بس شفت واحد من شهر بيجيبه ب 120 او اكتر تقرييا وبلاش الميه المضروبة دي

اقتباس:

---

المشاركة الأصلية كتبت بواسطة khaledazizeg

نصيحه ليك روح محطات موبيل الى عندها الغساله بس وخليه يغسلك دورة الميه بمزيل صدا وبعد كده هات ميه محترمه زى فالفولين 50% ب 200 جنيه 5 لتر او هات موبيل 33% ودي 4 لتر مش عارف بكام بصراحه بس شفت واحد من شهر بيجيبه ب 120 او اكتر تقرييا وبلاش الميه المضروبة دي

---

موبيل ب 80 جنيه

اقتباس:

---

المشاركة الأصلية كتبت بواسطة khaledazizeg

نصيحه ليك روح محطات موبيل الى عندها الغساله بس وخليه يغسلك دورة الميه بمزيل صدا وبعد كده هات ميه محترمه زى فالفولين 50% ب 200 جنيه 5 لتر او هات موبيل 33% ودي 4 لتر مش عارف بكام بصراحه بس شفت واحد من شهر بيجيبه ب 120 او اكتر تقرييا وبلاش الميه المضروبة دي

---

انا متشكر لاهتمام حضرتك
بس حضرتك تعرف بنزينة كويسة او متجربة
و هل انا بجيب مزيل الصدا دة ولا بيبقى موجود عندهم
و هشترى مياة موبيل الخضراء لان سمعت انك مينفعش تحط مياة حمراء -
لان المياة الحمراء مصممة لمواتير معينة و خصوصا الالمانى و لكنها تتفاعل مع العربيات الاخرى
بسبب ان الموتور الالمانى مصنوع من مادة نسيت اسمها غير العربيات الاخرى اللى بحديد او زهر مش فاكر الصراحة
و مياة موبيل اخر مرة سألت عليها من فترة كانت ب 80 جنية زى ما ذكر استاذ على فى المشاركة اللى قبلى

ياباشا نزل المية كلها واغسل دورة المية بمية مقطرة سعرها قليل وبعدين حط مية مش مضروبة تكون كويسة :)

اقتباس:

---

المشاركة الأصلية كتبت بواسطة peter magdy

انا متشكر لاهتمام حضرتك
بس حضرتك تعرف بنزينة كويسة او متجربة
و هل انا بجيب مزيل الصدا دة ولا بيبقى موجود عندهم
و هشترى مياة موبيل الخضراء لان سمعت انك مينفعش تحط مياة حمراء -
لان المياة الحمراء مصممة لمواتير معينة و خصوصا الالمانى و لكنها تتفاعل مع العربيات الاخرى
بسبب ان الموتور الالمانى مصنوع من مادة نسيت اسمها غير العربيات الاخرى اللى بحديد او زهر مش فاكر الصراحة
و مياة موبيل اخر مرة سألت عليها من فترة كانت ب 80 جنية زى ما ذكر استاذ على فى المشاركة اللى قبلى

---

النسبه لمزيل الصدا هوا عنده انا مجرب بنزينه موبيل في اخر طريق النصر من ناحيه شيراتون بجانب مرور شيراتون بالنسبه للميه الحمرا انا عربيه والدي بريليانس ومحطوط فيها ميه حمرا من اكتر من 4 سنين والحمد لله شغاله زى الفل
بالنسبه لسعر موبيل انا مش متأكد لان انا شفت واحد جايبها بالسعر دا من المحطه ماعرفش بقي اتنصب عليه والا ايه