تعديل المواتير فالعربيات الأوتوماتيك >مناقشة<

بسم الله الرحمن الرحيم



بصو يا شباب أنا خبرتي فالعربيات مش أد كدة بس بحكم الدراسة لازم أفهم شوية فالكونترول وكدة ... دلوقتي أنا طول حياتي بسوق مانيوال و بحب المانيوال جداً .... بس دلوقتي بفكر أجيب عربية و مابينزلش منها غير أوتوماتيك ... و الموتور مش عاجبني قوي، فا قلت مفيش مشكلة نجيب العربية على سعرها و نظبطت الموتور شوية .... بس كونترول العربيات المنوال غير كونترول العربيات الأوتوماتيك....فاهل لو عملت التعديلات فالموتور إلي هي فلتر هواء نضيف كويس وسلوك بوجيهات و بوجيهات كويسة و زيت نضيف و شوية إضافات للبنزين من فترة لفترة ... الكلام ده كان بيجيب فايدة جامدة مع أي عربية منوال أنا ركبتها ... لكن هل هيجيب نتيجة فالعربيات الأوتوماتيك ولا ممكن الكونترول يقولي فكك من الكلام ده وأصلاً ممكن الحساسات تقرا غلط والكمبيوتر بتاع العربية يقفش ولمبة التشيك تنور والكمبيوتر يضرب وكلام كدة ؟؟ ... لأني أعرف إن الأوتوماتيك الكونترول فيه بيبقى ال-inputs كتير أوي وال-Artificial Intelligence فيه عالي... أرجوكم إلي فاهم أو دارس أو مجرب بس هو إللي يرد .. عشان اللي هايفتي هايخليني أبوظ حاجة فالعربية D: :36_7_4[1]: :shyy:

شكراً جزيلاً ويلا بينا نتعلم ونشوف أكتر

15 مشاهدة ومفيش حد جرب أو ممكن يسأل حتى سؤال زيادة ؟؟

39 مشاهدة منغير كلمة يا بشر ؟؟ ... طب حد متابع ؟؟... أو عندو فكرة أو website ؟؟

على حسب ما أنا فاهم... الفتيس الأوتوماتيك مش هيناسبك لو عايز أداء عالي من العربية.. لإن مشكلته الأساسية في محول العزم (Torque Converter)..

وأتوقع كمان إنك لو هتعدل يبقى هتضطر كمان تغير محول العزم بواحد رياضي يستحمل الطاقة الجديدة بتاعت الموتور.. لإنه بيبقى متصمم على حسب الموتور.

ده غير إن محول العزم لازم يبقى فيه كلتش علشان يمنع التفويت (Lock-up Clutch)

وشوف آراء الزملا كمان.. أكيد عندهم معلومات أكتر مني.



...

باشا أنا كدة هاغير الفتيس كلو ... أنا عايز حاجات فالرخيص والسريع عشان مغيرش فالمكنه كلها، هي حاجات بسيطة وسريعة بس بتعمل فرق فالعزم ... فا سؤالي ... هل الكلام ده هيخلي الحساسات والكمبيوتر يعمل مشاكل أو يحصلهم مشاكل ؟ و لو في حاجات تانية أنا ممكن اعملها منغير ما أغير الفتيس ... اه هي ؟؟

Mitsubishi MIVEC Technology - YouTube

هي العربية بتنزل بموتور MIVEC 1.6 والفيديو ده وضحلي إن أصلاً الكونترول بتاع الموتور والسنسورس بيتحكمو هايدخل هواء أد إيه للموتور وبنزين قد إيه .. فالو حطيت فلتر هوى .. ده هيسرع دخول الهوى للموتور وبالتالي هيسرع إستجابة الموتور .. ولو حطيت بوجيهات جديدة ده ها يساعد شوية في سرعة الحرق وده على كدة أكيد هيخلي الإستجابة أحسن بتاعت الموتور ... خليني أشوف أكتر في حكاية حساسات الكهربا بتاعت الموتور وأشوف هل هتعمل كونفليكت مع ال-Reserved Values ولا هتحسٍن من ال-Performance.

وصلت لايو ياباشا عشان انا عندي نفس المشكلة لانسر ١٦٠٠ اوتو وكنت عايز اركب فلتر هوا سبور

بسيطة أن شاء ألله

التعديلات البسيطة لزيادة الأداء في حدود 10% لا أعتقد أنها تحتاج تغيير Torque Converter أو حتي اي لعب في الفتيس

الموضوع كله مجرد تحسين الأستجابة شوية من الموتور و خلاص
الفلتر الرياضي لو ماركة محترمة المفروض أنه يحسن شوية الأداء و لو أن من تجاربي الشخصية لم أجد أي تحسن أو خلينا نقول تحسن في رنج أر بي أم معين علي حساب رنج أخر و ده طبعا غير زيادة محسوسة في أستهلاك البنزين
يمكن الصوت بتاع الموتور بقي أفضل شوية و يشجع علي الجري
مع بوجيهات سبليت فاير و سلوكها يعني ممكن نقول شوية تحسن بسيط جدا
بعد تغيير الشكمان بواحد جديد كامل ستانلس ستيل 2.5 بوصة مافيش أي تحسن حقيقي مجرد أزعاج من الشكمان و يا خسارة الفلوس
طيب و أيه العمل بعد كل الصرف ده و مافيش أي فائدة؟؟؟؟

تسقيط موتور كامل بالضفيرة و الفتيس من نصف عربية كامل و بحالة ممتازة ............. عندها فقط حسيت بالفارق الشاسع و التحول الخرافي من فئة ال1600 الي فئة ال2000
يعني من الأخر في فئات المواتير الصغيرة 1600 بيكون المصنع عامل أحسن حاجة ممكن تتعمل مع المحافظة علي أدمية السائق و تفضل عربية صالحة للأستخدام اليومي

نصيحة مني ليك وفر فلوسك و أستمتع بالعربية علي حالها لغاية لما الموتور يجيب أخره و بعد كده سقط موتور 2000 سي سي بكل حاجته حتحس بالفرق الشاسع

اقتباس:

---

المشاركة الأصلية كتبت بواسطة tito29

بسيطة أن شاء ألله

التعديلات البسيطة لزيادة الأداء في حدود 10% لا أعتقد أنها تحتاج تغيير torque converter أو حتي اي لعب في الفتيس

الموضوع كله مجرد تحسين الأستجابة شوية من الموتور و خلاص
الفلتر الرياضي لو ماركة محترمة المفروض أنه يحسن شوية الأداء و لو أن من تجاربي الشخصية لم أجد أي تحسن أو خلينا نقول تحسن في رنج أر بي أم معين علي حساب رنج أخر و ده طبعا غير زيادة محسوسة في أستهلاك البنزين
يمكن الصوت بتاع الموتور بقي أفضل شوية و يشجع علي الجري
مع بوجيهات سبليت فاير و سلوكها يعني ممكن نقول شوية تحسن بسيط جدا
بعد تغيير الشكمان بواحد جديد كامل ستانلس ستيل 2.5 بوصة مافيش أي تحسن حقيقي مجرد أزعاج من الشكمان و يا خسارة الفلوس
طيب و أيه العمل بعد كل الصرف ده و مافيش أي فائدة؟؟؟؟

تسقيط موتور كامل بالضفيرة و الفتيس من نصف عربية كامل و بحالة ممتازة ............. عندها فقط حسيت بالفارق الشاسع و التحول الخرافي من فئة ال1600 الي فئة ال2000
يعني من الأخر في فئات المواتير الصغيرة 1600 بيكون المصنع عامل أحسن حاجة ممكن تتعمل مع المحافظة علي أدمية السائق و تفضل عربية صالحة للأستخدام اليومي

نصيحة مني ليك وفر فلوسك و أستمتع بالعربية علي حالها لغاية لما الموتور يجيب أخره و بعد كده سقط موتور 2000 سي سي بكل حاجته حتحس بالفرق الشاسع

---

باشا...اشكرك جدآ عالكلام الموزون ده...فعلآ بعد قراية و سؤال و تمحيص فالموضوع...الكلام بتاع التعديل ده كله بيعمل فرق بس مش فرق رهييب... و تسقيط موتور و فتيس من نص استيراد افضل كتير ...و لو فئه اعلي و يتعمل فيه كمان التعديلات الرياضيه فعلآ الفرق بيبقي عجيييب