كيا ريو 2002 - مشاكل فتيس وبلى العجل - ضرورى

**mohammedismail** · 05-11-2014 09:16 AM

السلام عليكم .. كل عام والجميع بخير
اولا أنا معايا ( Kia-Rio 2002 ) ماشية 99 الف ... عندى مشكلة فى بلى العجل الشمال .. وعندى مشكلة فى المرشدير فى الفتيس .. وصوت زنة وهزة اول ما بدور العربية .. والسحب عندى مش عجبنى.

اول مشكلة : بلى العجل :
انا جبت القطعة الاصلية من عند الجندى اللى فى الحى السابع .. عايز اعرف اركبه عند مين .. ولية اغلب مشاكل الكيا ريو بتكون فى بلى العجل.

تانى مشكلة : مارشدير الفتيس :
لما بجيب الفتيس ع المارشدير .. بحس بصوت حكة بلى كبيرة ف يد الفتيس .. واول ما بحاول ارجع .. الاقى يد الفتيس عملت صوت هزة وصوت كأنك بتدوس فرامل فجأة والغيار بيرجع ع السنتر. .. عشان ارجع لازم اكون ماسك يد الفتيس على المارشدير .. وطبعا مبترجعش وانا على مطلع نهائى.
روحت لكذا حد .. واحد قالى دى غويشة فتيس .. وواحد قالى غير زيت الفتيس .. وواحد قالى روح لبتاع فتيس يكشف علية !. واخيرا .. كذا حد نصحنى اغير الفتيس اصلا واجيب واحد استيراد ! ..كنت عايز اعرف اعمل اية ؟ واركب عند مين ؟

ثالثا : صوت هزة الماتور :
كشفت عليها .. قالولى مفيش حاجة .. وروحت عند حد تانى قالى غير قواعد الماتور وربط ع العفشة .. الكلام دا صح ولا اية ..

اسف ع الإطالة .. وياريت تنصحونى اعمل اية .. لانى مش عارف اسيب العربية لمراتى وهيا بالحالة دى.

**Mecha** · 05-11-2014 10:32 AM

بلنسبه للمرشدير جرب رجلش كابل الغيار او التيش , ان منفعش والزيت كويس يبا الغويشه تعبانه تعمره او تغيره , العيب سببه ان الزيت نقص قبل كدا من اويل سيل مثلا وكمل مشي عليه, او قياده سيئه واحد يدي مرشدير والعربيه لسه ماشيه لقدام ويجيب الغيار عافيه
هزه الموتور لو بس اول الدواره طبيعي , لو بتطول شوف لو القواعد مشرخه ,وطبعا ملهاش دعوه بالعفشه
او شغل الصيانه بوابه٠ وبوجيهات وفلاتر

**mohammedismail** · 05-11-2014 11:14 AM

اولا متشكر يباشا على الرد ..وإنت عندك حق فعلا .. الراجل اللى واخد منه العربية مكنش مهتم بيها وسواقته كانت سيئة .. وادينى بدفع تمن بخلة على العربية.

بالنسبة للبوجيهات والفلاتر .. انا جايب كل الحجات دى اوريجينال من اسبوعين تقريبا .. كده احتمال كبير اغير قواعد الماتور .

بس بالنسبة ل الفتيس ... الناس بتقولى لو فيه اى حاجة عايزة تتغير ف الفتيس .. إوعى تخلى ميكانيكى يفتحه .. هاتلك واحد استيراد احسن .. لان فتحة الفتيس بقطع الغيار بتوصل ل 700 جنية .. والفتيس ب 1300 استيراد .. فهاتلك فتيس احسن .

**Mecha** · 05-11-2014 11:40 AM

المشاركة الأصلية كتبت بواسطة mohammedismail

اولا متشكر يباشا على الرد ..وإنت عندك حق فعلا .. الراجل اللى واخد منه العربية مكنش مهتم بيها وسواقته كانت سيئة .. وادينى بدفع تمن بخلة على العربية.

بالنسبة للبوجيهات والفلاتر .. انا جايب كل الحجات دى اوريجينال من اسبوعين تقريبا .. كده احتمال كبير اغير قواعد الماتور .

بس بالنسبة ل الفتيس ... الناس بتقولى لو فيه اى حاجة عايزة تتغير ف الفتيس .. إوعى تخلى ميكانيكى يفتحه .. هاتلك واحد استيراد احسن .. لان فتحة الفتيس بقطع الغيار بتوصل ل 700 جنية .. والفتيس ب 1300 استيراد .. فهاتلك فتيس احسن .

تؤمرني حضرتك

**borio1704** · 05-11-2014 01:54 PM

بالنسبة لبلي العجل... ياريت تشتري بلية كمان وتغير الفردتين اليمين والشمال

أي حاجة فيها يمين وشمال في العربية لازم تتغير بالجوز.. لإنك لو غيرت واحدة وسبت التانية هتلاقي القديمة بوظت الجديدة.

بمعنى إنك بعد فترة بسيطة من تغيير البلية المرة دي هتلاقي البلية التانية باظت.. بس هتكون سابت أثرها على الجديدة... وبعد شوية تلاقي اللي انت جبتها باظت.. بس بعد ما سابت أثرها على العجلة التانية... وهكذا...

...