الله يرحمهم برحمته ويصبر اهلهم
حسب ما تابعت الاخبار ان كان عربية السولار بتلف من دوران .. وطبعاً بقت العربيه واقفه بعرض الطريق اللي رايح واللي جي
و دخل فيها ملاكي واتوبيس جايين بسرعه
طيب الخطأ عند مين هنا ؟
انا شايف ان الخطأ من الطريق نفسه .. علشان المفروض قبل الملف بمسافه كافيه يكون فيه مطب صناعي واشارات تنبيه .. علشان اللي جي يهدي قبل الملف
لكن مع الاسف كله عمال يهاجم السواقين .. ومتجاهلين تماماً أخطاء الطرق ومحاسبة مسؤلين الطرق
وبيقولوا السواق ماشي بسرعه جنونيه بتاع الاتوبيس ومخالفات مروريه .. الخ الخ
طيب ماهو مات في الحادثه نائب المأمور بتاع القسم هناك .. كان سايق ملاكي وماشي زيه زي الاتوبيس
وسايق زيه زي سواق الاتوبيس .
صديقي لسه عامل حادثه عالصحرواي بتاع اسكندريه بسبب تحويله اتعملت جديده ومفيش اي اشارات ولا اضائه ولا اي بتنجان ..
وانتوا عارفين الصحرواي بالليل شكله ايه .. اتقلب فيها عربيتين قبل منه وهو تالت عربيه . .. واللي اتصاب واللي مات ...
وكان موجود ابن الحلال اللي ساعد وابن الحرام اللي سرق المصابين والميتين .
المفضلات