لمبة التشيك منوره والمروحه شغاله علطول وبتفصل بعد ما ابطل العربيه ب 5 دقائق . الكهربائي قالي يمكن ترموستات او سوتشية الراديتير ومش عارف اعمل ايه والمشكله ان من سوهاج ومشوار التوكيل بعيد في القاهره. :_Alshmokh22[1]:
عرض للطباعة
لمبة التشيك منوره والمروحه شغاله علطول وبتفصل بعد ما ابطل العربيه ب 5 دقائق . الكهربائي قالي يمكن ترموستات او سوتشية الراديتير ومش عارف اعمل ايه والمشكله ان من سوهاج ومشوار التوكيل بعيد في القاهره. :_Alshmokh22[1]:
ياريت يا شباب اللي واجه مشكله زي دي يعرفني اعمل ايه وهل المشي بالعربيه والمروحه شغاله غلط لو حبيت اسافر بيها للقاهره ولا عادي تقريبا 500 كم والعربيه تقيله في مشيتها مئ واخده سرعتها العاديه والمروحه بتشتغل على السرعه العاليه.
دة علشان البنزين وحش شيل كبل البطارية 5 دقايق وحطها تاني
عملت فعلا كده لمدة 10 دقائق الساعه اتلخبطت والوضع زي ماهو
كلم التوكيل وعرفهم المشكلة وهما يقلولك تعمل ايه بالظبط
بس منصحش تسافر بيها كده عشان ممكن تتحرق المروحة وتسخن منك العربية في الطريق
نفس المشكله حصلت معايا و التوكيل قال مشكله بنزين مش نظيف و صلاحوها فى 5 دقائق و نصحونى احط منظف دورة البنزين كل 5000كم
ديه مشكلة كونترول المراوح ...... فى الغالب اتحرق من كترة السخونه
مفيش مشكله لو سافرت بيها .... بالعكس دي حتبرد جدا بزياده
ياريت تروح التوكيل بالعربيه عادي او لو خايف وعايز ترفعها علي ساطحه مفيش مشكله
حصلت عندي مشكله شبيهه لمشكلتك
فى امان الله
الموضوع دة حصل معايا مرتين و كل مرة كنت بفصل البطارية و اسيبها شوية و كانت العربية بتظبط لما اشغلها تانى!!
لمبة الstop منورة و لا لأ؟
ياباشا المراوح مفيهاش حاجة دى مشكلة بنزين حضرتك محتاج تفرغ تنك البنزين والفلتر وأثناء ذلك تكون رافع كابل البطارية .
بلاش تمشى بالسيارة وهى فى هذه الحالة.
دا وضع الطوارئ والكنترول يونت هو اللي بيشغل المراوح علي السرعة العالية لازم فيه مشكلة و بتكون مأثره علي سحب العربيه
لازم تروح التوكيل او التوصيل علي سكانر لتشخيص العطل
معلش انا هتكلم بالعقل شويه
ادفع الـ1000 جنية وارتاح بدل ما العربية تعملها معاك وتحصل حاجة على الصحراوي وتقف منك على الصحراوي والموضوع ده هيكون خطر عليك جداً
ثانياً العربية جديدة وحرام تتبهدل لان لو المروحة اشتغلت على طول في المسافة المقطوعة دي ممكن يحصلها تلف ولو حصلها تلف يبقى العربية هتسخن ومش هتلاقي حاجة تبردها وهتقف منك
ثالثاً وده الأهم التوكيل هو افضل واحد فاهم في العربية وهو اللي هيخصلهالك على نضافة وبلاش فتي الصنايعية
والله اعلم