الموضوع: معدل استهلاك البنزين (92) في لانوس 99

المشاركة الأصلية كتبت بواسطة ahmedelrayan

طيب ايه العلاقة بين عدم استخدامك للعربية مقابل استهلاك اعلى للبنزين ازاى لما تركنها معدل استهلاك البنزين يزيد المفروض المعدل واحد راكنها بقى ماشى بيها مفيش المشكلة المعدل اه يختلف من طرق سفر لطرق داخل المدينة لكن بركنة العربية غريبة متابع معاك ردود باقى الاعضاء

شكرا على الرد
أنا مستغرب زي حضرتك تماما، بس جربت الموضوع أكتر من مرة واتأكدت انه بركنة العربية عدد الكيلو مترات بتقل في التفويلة

المشاركة الأصلية كتبت بواسطة أحمد عثمان

طيب أنا حفكر معاك بصوت عالي.
أولاً: فعلاً الإستهلاك بالطريقة دي عالى لو انت بتفول ال45 لتر أو حتى 40 لتر.
ثانياً: في علاقة مباشرة بين الزيت المستخدم و إستهلاك البنزين , ياريت تقول الزيت اللي بتستخدمه إيه و العربية عاملة كام كيلو لحد دلوقتي.
ثالثا: سواقتك حرق و شد و كلام كده و لا هادية؟؟
رابعاً: إكشف على تنك البنزين , و قصدي مش مجرد إنه مش مخروم يبقى تمام , لأ , شوف خرطوم التفويل راكب كويس و لا لأ , و شوف الجوان اللي تحت الكرسي الخلفي راكب كويس و لا لأ , لأنه ممكن يكون في تبخر عالى للبنزين.
على أساس الردود دي ممكن نقرب أكتر من الحل.

شكرًا أستاذ احمد
*أنا بستخدم موبيل
*العربية عاملة 140 ألف كيلو
*سواقتي مش هادية بصراحة، مبعرفش أمشي هادي أساسا
*كشفت على التنك والخرطوم والجوان اللي تحت الكرسي والبوجيهات غيرتها والرشاشات كمان
الميكانيكي نفسه مع إنه كويس جدا، مش لاقيلي حل

المشاركة الأصلية كتبت بواسطة Emad Abderrahm

السلام عليكم
أنا عضو جديد وعندي مشكلة في استهلاك البنزين، لانوس 99
1- لو ماشي طريق طويل سفر مثلا، التفويلة عملت معايا بالظبط 485 كيلو
2- خارج البلد (الدائري غالبا) في العادي لو هروح الشغل بالعربية كل يوم، التفويلة بتعمل حوالي 390-400 كيلو
ده طبيعي كده ولا إيهّ؟
!

المشاركة الأصلية كتبت بواسطة أحمد عثمان

أولاً: فعلاً الإستهلاك بالطريقة دي عالى لو انت بتفول ال45 لتر أو حتى 40 لتر.
رابعاً: إكشف على تنك البنزين , و قصدي مش مجرد إنه مش مخروم يبقى تمام , لأ , شوف خرطوم التفويل راكب كويس و لا لأ , و شوف الجوان اللي تحت الكرسي الخلفي راكب كويس و لا لأ , لأنه ممكن يكون في تبخر عالى للبنزين.
.

لا مش طبيعي طبعا !!!
1- غير تنك البنزين
2- غير طلمبه البنزين
3-غير فلتر البنزين
4- غير الرشاشات والمسطره وياريت تجيبهم لbm
5- غير جميع الحساسات
6- غير البوجيهات كلها
7- غير العفشه بالمره لانها لو مش تمام بتزود المقاومه وبكده استهلاك البنزين يزيد
الرحمه يا جماعه ... عربيه موديل 99 يعني ماشيه 15 سنه بتعمل حوالي 500 كيلو علي السريع
الله اكبر ... هو فيه ايه؟؟؟

المشاركة الأصلية كتبت بواسطة waga

لا مش طبيعي طبعا !!!
1- غير تنك البنزين
2- غير طلمبه البنزين
3-غير فلتر البنزين
4- غير الرشاشات والمسطره وياريت تجيبهم لbm
5- غير جميع الحساسات
6- غير البوجيهات كلها
7- غير العفشه بالمره لانها لو مش تمام بتزود المقاومه وبكده استهلاك البنزين يزيد
الرحمه يا جماعه ... عربيه موديل 99 يعني ماشيه 15 سنه بتعمل حوالي 500 كيلو علي السريع
الله اكبر ... هو فيه ايه؟؟؟

شكرا لحضرتك
بس انا برضه مش فاهم حضرتك بتتريق وشايف المعدل كويس يعني ولا إيه؟
شكرا مقدما

المشاركة الأصلية كتبت بواسطة emad abderrahm

شكرا لحضرتك
بس انا برضه مش فاهم حضرتك بتتريق وشايف المعدل كويس يعني ولا إيه؟
شكرا مقدما

العفو ....صدقني انا مش بتتريق انا مفقوع مش اكتر انت معاك عربيه الله اكبر الله اكبر خمس مراتمظبوطه ومفيهاش اي حاجه وعلي كلامك بتعمل حوالي 500 ك متر في تفويله التنك عندك اللي هو 45 لتر
يعني ال 22 لتر ونص بيعملو حوالي 250 كيلو علي السريع ...حرام تلعب في العربيه
والامر راجع ليك في الاول والاخر ..

طالما بتحرق مش حنقدر نقولك المعدل حلو ولا وحش
ابقي جرب و انت علي 100 و شوف الدنيا حتمشي ازاي

و بالنسبه ان لما تركن العربيه الاستهلاك بيزيد حاول تشم ريحه بنزين من جوه العربيه تحكون جوانات الطلمبه مش محكمه و راجه غطاء التنك كويس محكم ولا لأ