عرض للطباعة
بأذن الله ناوى افتح مشروع صغير كدة على قدى
محل قطع غيار استعمال خارج
وكنت محتاج دراسة جدوى للمشروع . عشان ابتدى صح وعلى دراسة .
يعنى كنت محتاج لو فى دراسة معمولة او تجربة احد الاعضاء فى المشروع دة .
اذاى ابتدى المشروع صح مع العلم ان انا معاية واحد فنى كويس فى الموضوع دة . بس انا محتاج تفاصيل اكتر .
انا ناوى اتخصص فى الالمانى تسعينات . فهل فى حد ادنى للمشروع دة .
ولو فى حد عندة خلفية عن عملية الاستيراد من الخارج واسعار وكدة ينصحنى باية
ولكم جزيل الشكر.
متااابع للاهميه
مشروع ممتاز
اى مشروع فى الدنيا كويس
بس تاخد بالاسباب اللى ممكن تخصرك وتحاول تتفاداها
ودى كانت مقدمة
بالنسبة لقطع الغيار مشروع كويس بس من الافضل انك تمشي مع القطيع (للاسف) وانا بقولها ومضايق
اشتغل فى اللى الناس بتشتغل فيه اللى هو الكورى هيونداى وكيا واللى عليه طلب
لان الالمانى مش كتير هتبقى مبيعات اقل وده اكيد وكمان قديم
قارن مثلا بين عدد العربيات الجولف القديم والفيرنا مثلا
لو المكان اللى هتفتح فيه ملك مش ايجار ممكن تشتغل فى الالمانى اقلها لو مفيش بيع متبقاش مطالب بايجار
والكلام ده بينطبق على اى مشروع
ثانيا والاهم خش فى الموضوع
حدد انت عايز تعمل ايه
عمرك فى حياتك ما هتشتغل فى كل حاجة خاصة فى الاول
لو روحت بورسعيد مثلا
هتلاقي محلات للصاج لواحده من ابواب وشنط وكبوت واعتاب وكده نشاط لواحده
وهتلاقي بتاع مواتير بس
وهتلاقي بتاع عفشه بس
وهتلاقي بتاع الرفايع لواحده (مفتاح نور - فبر- مساحات- مرايات -مسمار بتاع مش عارف ايه) على سبيل المثال
حدد هدفك علشان تسهل لنفسك البحث
بالنسبة لموضوع الاستيراد هيبقى افضل بكتير خاصة لو هتجيب عربيات كاملة متقطعه
بس فيه مشكله
مع واحد صحبي قريب منى جدا واعرف تفاصيل الموضوع بالكامل خلاصة الحكاية
راح استورد حاويتين
دخل واحده وبعدها باسبوعين التانية
الاولى دخلت واتباعت وهو مزاجه لوز العنب
التانية مستورد كبير لقطع الغيار قاله هشتريها منك على بعضها فرفض
وقفها فى المينا اكتر من شهر وبيدفع عليها ارضيات ومش عارف يطلعها لحد ما فى الاخر راحه واخدها بالسعر اللى عايزة
وتانى يوم كانت طالعه
الموضوع مش تعقيد بس حصل قدامى
عموما استخير ربنا واتوكل على الله حتى لو هتجيب بضاعتك من بورسعيد او من اى مكان حتى لو هتكسب اقل لحد ما تعمل سمعه والناس تعرفك
والمشروع بصفه عامة مربح
لو هتشتغل فى الحاجات المنتشرة بتبقى الارباح اقل بس الكميات كتير
والحاجات اللى مش منتشرة بتبقى العكس مبيعات اقل بهامش ربح اكبر
اقتباس:
المشاركة الأصلية كتبت بواسطة ahmed p880
والله انتة فتحت نفسى للموضوع اكتر من الاول
كان نفسى حد يحكيلى عن تجربتة الشخصية دى كانت هتفرق معاية
بس انا هتكل على الله وبكمل دراسة فى الموضوع بجدية .
وشكرا تانى