بخصوص الالنترا 2000 الى 2006

**dramyd** · 05-11-2014 02:09 PM

يا رجـــــــــــــــــــــال ة هيونداى ...
اخوكم محتاج شوية معلومات عن الالنترا 2002 .
انا عارف ان الالنترا من 2004 الى 2006 الشكل دة جميل بس معرفش قطع غيارة متوفرة بكثرة ولا لا .
معرفش كمان هو مواتيرة متوفرة كتير ولا بيركب عليها مواتير تانية وموجودة باسعار كويسة ولا غالية .
طيـــــــــــــب بالنسة لافتيس الاوتو فى العربيات دة اخبارة اية فى صيانتة وقدرة استحمال عاملة ازاى .

ياريت الاقى حد عندة المعلومات دة ....؟

الحاجة الاضافية ...؟

هل الالنترا 2002 تفرق شكلا وموضوعا عن الشكل 2004-2005-2006
ولا بتفرق فى الشكل بس .. وهى هى المكنة والفتيس والعفشة وباقى قطع الغيار ..
وهل لو ربنا رزقنى بعربية 2002 هلاقة الفوانيس بتعتها والشبكة والحاجات المختلفة عن الشكل الجديد ولا .....؟

**dramyd** · 06-11-2014 10:41 AM

مـــــــــــــــلاك الالنترا
فينــــــــــــــــــــــ ـــكم

**dramyd** · 07-11-2014 06:48 PM

الحمد لله ...
ربنا كرمنى بمعلومة .
الالنترا الشكل دة يقال علية xd
من موديل 2000 الى 2006 ....

ياااااااااااا مسهل الحال يااااااااااااارب .

**profimh** · 07-11-2014 09:11 PM

ال xd عربية ممتازة و إعتمادية و كل حاجة فيها كويسة
بالنسبة للموتور و الفتيس والاوتو فدول متخفش منهم بالذات لانهم راكبين فى الماتريكس و الجيتز والفيرنا فمتوفريين و بكثرة
كل موديلاتها واحدة فى العفشة و الموتور و الفتيس الإختلاف فى الشكل الخارجى بسيط يتمثل فى شكل الشبكة الامامية و الفوانيس
العربية صيانتها متوفرة فى كل مكان و فى التوكيل كمان
و ربنا يهديك للصالح

**dramyd** · 09-11-2014 11:21 AM

المشاركة الأصلية كتبت بواسطة profimh

ال xd عربية ممتازة و إعتمادية و كل حاجة فيها كويسة
بالنسبة للموتور و الفتيس والاوتو فدول متخفش منهم بالذات لانهم راكبين فى الماتريكس و الجيتز والفيرنا فمتوفريين و بكثرة
كل موديلاتها واحدة فى العفشة و الموتور و الفتيس الإختلاف فى الشكل الخارجى بسيط يتمثل فى شكل الشبكة الامامية و الفوانيس
العربية صيانتها متوفرة فى كل مكان و فى التوكيل كمان
و ربنا يهديك للصالح

مليوووووووون تحية لرد حضرتك ...

بس على كدة اللى بيعوز قطعة غياااااار .. بيسال عن ...؟
فيرنا ولا ماتركس ولا جيتز ... هى العربية دة متجمعة من كل فيلم اغنيــــــــة ...؟

**dramyd** · 09-11-2014 11:23 AM

المشاركة الأصلية كتبت بواسطة profimh

ال xd عربية ممتازة و إعتمادية و كل حاجة فيها كويسة
بالنسبة للموتور و الفتيس والاوتو فدول متخفش منهم بالذات لانهم راكبين فى الماتريكس و الجيتز والفيرنا فمتوفريين و بكثرة
كل موديلاتها واحدة فى العفشة و الموتور و الفتيس الإختلاف فى الشكل الخارجى بسيط يتمثل فى شكل الشبكة الامامية و الفوانيس
العربية صيانتها متوفرة فى كل مكان و فى التوكيل كمان
و ربنا يهديك للصالح

مليوووووووون تحية لرد حضرتك ...

بس على كدة اللى بيعوز قطعة غياااااار .. بيسال عن ...؟
فيرنا ولا ماتركس ولا جيتز ... هى العربية دة متجمعة من كل فيلم اغنيــــــــة ...؟

ولا هى المواتير بالفتيس فى العربيات دة كلها وااااااحد .........
يتشااااال من هنا ويتحط هناااا عادى بالقواعد بكل حااااجة ...؟

**profimh** · 09-11-2014 04:56 PM

لا ابدا اصل الموتور بتاع xd العربيات التنية هى اللى خدته منها
طبعا بتطلب حاجاتها بإسمها بس لو احنا فاهمين احنا بنطلب ايه بالضبط تفرق بمعنى إن إحنا لو بنطلب فتيس الاوتوماتيك هنخده ارخص لو قلنا إنو لفيرنا و لو قلنا النترا هنشتريه اغلى و هكذا
و دى نقطة بيلعب عليها كل تجار الإستيراد و يسألك هو لعربية ايه يا بيه

**dramyd** · 10-11-2014 10:28 AM

الكلام دة معناة واحد بــــــــــــس ...
ان العربية دى اسطــــــــــــــــورة ... عشان هيونداى تبنى عليها 3 عربيات كمان .
اخدت موتورها وفتيسها وهيكلت علية شاسية وبودى وبقا ليها سوقها الخاص .....

فعلا شكرا لمعلومات حضرتك ...

بـــــــــس ...؟ لية ملاك العربية دة قليلين جدا جدا ....؟ فى تفسير لكدة ..؟

**start_wow** · 13-11-2014 10:34 AM

الالنترا 2006 عربية كويسة جداا وقطع غيارها متوفرة واسعارها اقتصاديه وبسهولة تصلحها في اي مكان. معظم قطع غيار اﻻلنترا 2006 هوا نفس قطع غيار الفيرنا والماتريكس باﻻضافة لبعض الموديلات في كيا. بيركب عليها مواتير الفيرنا بالظبط تشيل ده وتحط بتاع الفيرنا عادي جدا. ويمكن ده سبب ان العربية متميزة ﻻنها موتور 1600 زي الفيرنا لكن اﻻلنترا اتقل من الفيرنا وبالتالي ثباتها اعلي. الفتيس اﻻوتو لو فيه مشكلة بيتغير فيها بحوالي 3000 جنيه.العربية اﻻلنترا 2006 قليلة في السوق ولكن قطع غيارها كتير وفيه منها كذا فئة يعني منها مانيوال وتكييف بكر ومنها اوتو وتكييف تاتش وفيه منها كمان بمثبت سرعة وفتحة سقف. الجنط اﻻستوك بتاعها 15 بوصة وممكن يركب عليها كمان جنط 16 بوصة. وربنا يوفقك في اختيارك ان شاء الله..

**theman** · 14-10-2015 10:10 AM

المشاركة الأصلية كتبت بواسطة dramyd

الكلام دة معناة واحد بــــــــــــس ...
ان العربية دى اسطــــــــــــــــورة ... عشان هيونداى تبنى عليها 3 عربيات كمان .
اخدت موتورها وفتيسها وهيكلت علية شاسية وبودى وبقا ليها سوقها الخاص .....

فعلا شكرا لمعلومات حضرتك ...

بـــــــــس ...؟ لية ملاك العربية دة قليلين جدا جدا ....؟ فى تفسير لكدة ..؟

علشان اللي معاه العربية دي عمره مبيفكر يبيعها علشان كده قليلة في السوق واسعارها عالية لان الطلب عليها كتير والمعروض قليل موجودة كتير منها في بورسعيد لكن في القاهرة قليلة