الموضوع: تعمل ايه مع ناس زى دول ؟؟

المشاركة الأصلية كتبت بواسطة ashouhdy

أخر حل اتوصلتلة جبت واحد صاحبى ضابظ و خليتة وهو مروح بالبوكس ولابس الميرى يجيلى تحت البيت عند بتوع فيلا امثال اللى عندك كدة و نزل شاط فيهم و فى الزرع و السياس بالاقلام و الضرب لحد ما طلعوا يجروا من ساعتها و حرموا يعملوا الحركة دى لجيب صاحبى تانى

المشكلة انى مش باحب أأذى حد حتى لو قليل الأدب زى السياس دول ، و بعدين حتى لو هاعمل كده ، هاجيب البوكس كل يومين ولا ايه ؟؟؟
جربت اسلوب التهديد و المشكلة ان لما بيطمنوا بيرجعوا تانى بعد يومين و مش معقولة اسيب اللى ورايا و اقعد اجيب لهم فى ناس يعلموهم الأدب كل شوية ...و بعدين هم بيتحاموا فى ناس من اللى بيحجزوا لهم اماكن ... و ممكن الموضوع يكبر و يبقى تخبيط مع الناس دى و خصوصا انهم بياخدوه على محمل شخصى ... ان السايس ده فى حمايته ... تخيلوا النفوس المريضة ...

المشاركة الأصلية كتبت بواسطة 3ateef

جرب سلسلة حديد وعمودين فى الأرض وشوف ايه اللى حيحصل....

يا حلاوة بتوع الحى ساعتها ... هما يوم او اتنين و تلاقى السلسة و العواميد متشالة و ممكن تبقى قضية ... انا مش قاعد طول اليوم و لكن السياس دول فى الشارع ليل نهار و سهل يصطادوا حد من الحى علشان يشيل السلسة و العواميد ... و ساعتها هاقول له ايه ؟؟... دول كده يبقوا لقيوا صيدة معتبرة..

المشاركة الأصلية كتبت بواسطة د.محمود صلاح

للأسف في مصر ما بتاخدش حقك الا بالقوة ..

موافق يا دوك ... و لكن اعمل ايه ؟؟؟ ...

يا جماعة سامحونى ... انا مش باكسر مجاديف حد و لكن فعلا جربت الحاجات كلها تقريبا و مش عارف اعمل ايه ... اكتر من انى فى مرة جبت عربيتى و عربية اختى و عربية اخت المدام و حطيتهم جنب بعض و لما حد ييجى يطلع بيحط عربية او اتنين من التانيين بالعرض ، و لكن المشكلة كانت فى عطلة الشارع لما بنبدل و نعدل اماكن العربيات ، و كمان زعل الجيران مننا لأن فعلا كان فيه ناس منهم بتدور على مكان و تزعل مننا لما يلاقونا راكنين بالعرض ... و علشان كده ماقدرتش استمر فى اللعبة دى ...

و لكن السياس دول بيعملوها بسهولة ، هما اكتر من واحد فالطريق مش بيقف ، عربية بتطلع و التانية فورا بالعرض مكان الأتنين ، و بعدين هما مش فارق معاهم اللى يزعل او يتفلق حتى ... المهم الناس الحلوة بتاعتهم اللى بيحجزولهم الأماكن و طز فى باقى الشارع ...

بجد انا مش عارف اعمل ايه ...

تصدقوا انى فى مرة لفيت لمدة ساعة و تلت مش لاقى خرم ابرة اقف فيه لدرجت انى طلعت على العيادة لأن ميعادها كان جه ... ولا اتغديت و لا غيرت هدومى ، و لا اخدت دش او غسلت وشى حتى ...

نفسى الاقى حل ..

شكرا لتعاطفكم ..

و تحياتى

المشاركة الأصلية كتبت بواسطة asdcat39

اقلك حل يا دكتر بس رخيص شويه بس بيمشى اى حاجه ظبطهم ترامادول ركز على واحد فيهم وروقه حيخلقلك مكان الناس دى مستوى تعليمهم وتفكريهم اقل منك بكتير فقصه الدراع او البوليس دى متنفعش معاهم

و الله يا اخى العزيز اديت ما خليت ... اللى بيكح ادوية كحة و طارد بلغم و مهدئ للسعال ... الخ الخ ، و اللى عينيه تعبانة قطرات و الذى منه ، و اللى تعبان فيتامينات و خلافه .. واخد بال سعادتك من خلافه ...

و برضه مافيش فايدة ...

ياخدوا الحاجة و يستعبطوا ، لحد ما بطلت ادى ... ماهو مادام مافيش مقابل منهم ، اديهم ليه ... هو انا اهبل مثلا ؟؟؟ ولا باموت فيهم و نفسى اهاديهم ؟؟؟

المشكلة ان الناس دى بتدور على ناس تخلص لها مشاكل او تعمل لها خدمات عينية ، يعنى بيحجزوا اماكن للى بتأشيرة او كارت منه بيمشى لهم ورق واقف ، او مخالفات تتشال ... الخ الخ ... الفلوس دى آخر حاجة بيفكروا فيها لأنها بتمطر عليهم كده كده من زباين الجراج ، غسيل عربيات و ركنه و شيل حاجات و خلافه ، ده غير اللى بيحجزوا لهم ، بياخدوا منهم فلوس و خدمات ... طب أروح انا فين جنب دول ؟؟؟