معلومة صغيرة . البنزين ال 92 أو ال 95 مالوش علاقة ب تربو أو غيرة المهم نسبة الانضغاط بتاعة الموتور.
عرض للطباعة
معلومة صغيرة . البنزين ال 92 أو ال 95 مالوش علاقة ب تربو أو غيرة المهم نسبة الانضغاط بتاعة الموتور.
انا شايف ان اكبر دليل علي نجاح السيارة هو الاقبال عليها
الاوكتافيا a7 ال 1400 موجودة من سنة ولم تحقق انتشار يذكر
بعكس ال 1600 اللي في فترة وجيزة انتشرت جدا
اللي بيدفع مبلغ فوق 200 الف اكيد لازم يكون مقتنع وفاهم بيعمل اية
مع احترامي لاراء الناس
بس الاسكودا اعلي بكتير من التويوتا والبيجو
هيا طبعا السعر مبالغ فيه واجيب باسات احسن
بس اللي ركب سكودا هيعرف قيمتها .. مش اي حد يتكلم عليها ومركبهاش
عمري مركبت عربيه ناعمه ف المطبات زيها
وعمر افتراضي للسياره ولقطع الغيار طويل اوي وكل ملاكها عارفين
ف كسعرها بالنسبه للسوق المصري لازم هيكون اعلي
وبالنسبالي هيا افضل من البيجو بمراحل عشان الاسكودا عربيه بهدله ومدقات وزلط وف نفس الوقت جرايه وثبات وشياكه
انا دافع ٢١٤ فى الفئه التانيه
غاليه اة غاليه
سعرها مبالغ فى اة مبالغ فى
خلاص مش هجبها قولى البديل الى يدينى خامات وشكلها وارتفاعها من الارض
عربيه محترمه ومرتاح انى دفعت فيها المبلغ دا لان ااقرب غربيه ارخص منها
فرق ١٤ الف فقط مش مبلغ
الصراحه الاوكتافيا جميله جدا ومجملا تاخد 8/10 ودي حاجه حلوه يعني
دلوقت كل العربيات في مصر متسحقش تمنها خالص كوري ياباني الماني كله مبالغ فيه و كل ده بسبب الجمارك و التوكيلات
الاوكتافيا للركيبه بجد و اللي بيحبو يستمتعو بفخامه العربيه و ثباتها وبس
اما الكوري و الياباني انا شايفها مناسبه لفئه الشباب بسبب تصاميم العربيات بتاعتهم تحفه و قوه المواتير و الاوبشن المليان وسعرها يعتبر منافس يعني سيراتو هاي لاين فيها كل ما تتوقعو ب 190 الف و الاوكتافيا 195 الف وفاضيه خالص .... واخر خاجه كل واحد وليه دماغو .... معلش اصل فيه ناس لازم تغصبك تجيب الحاجه!!! ناس دماغها زيرو! تلاقي واحد يقولك يعم اوكتافيا ايه انت روح تجيب استرا احسن و يقعد يغصبك تجيب الاسترا يعم افهم كل واحد ودماغو..... برضو نفس الشئ لما تيجي تشتري عربيه النترا او سيراتو وتلاقي واحد يقولك لا مش حلويين روح جيب تويوتا ياريس احسن!!!
كل واحد عاوز يحبب التاني في حاجه وهو مش مقتنع بيها ولو مجبش الحاجه دي يقعد يشتم في العربيه اللي جبتها
يعني مثلا انا بشوف ناس بالهبل بتشتم في الناس اللي راكبه الكوري ويقولك لا دول جاهله وشحاتين و الخ! يقولك جيب الماني طب يعم ظروفي متسمحش اني اجيب الماني بسبب ان قطع الغيار غاليه او الصيانه غاليه و مواتيرها مش بتسحب زي الكوري
بجد قرفت من الناس دي معندهمش حاجه اسمها احترام او تقدير تفكير الواحد
ع فكره انا مقصدش حد خالص بس انا بحكي عن الواقع اللي بشوفه
ايه الفرق يا جماعة بين الفنتازيا وال a7
انا كان معايا ٢٠١١ خليجي .. جنط ١٧ .. العفشة كانت صعبة جدا في المطبات ومتعبة فعلا ... الوزن الاقل ده ظبط العفشة .. واثر عل الثبات ولا لا
انا العربية دية كل شوية بتنقذنى من بدل مواصلات فى نقل الاشياء
اخرها ناقل بيها سرير اجدع عربية فيكى يا مصر مش هاتنفع تنقلة
النهارة كنت محمل فيها خمسة ما شاء الله فى الوزن فعلا كلام الناس اللى كنت بسمعة من النت
العربية فعلا بطة بلدى لدرجة ان مفيش عربية كانت عارفة تحصلنى على طريق السويس
ومشغل التكييف كمان :shyy: