عندك عربية قديمة وناوي تبيعها ... طب الحق بيعها قبل يناير 2015

**aly_hosny** · 06-11-2014 04:23 PM

المشاركة الأصلية كتبت بواسطة mazen21

لا حول ولا قوة الا بالله العلي العظيم
سبحان الله وبحمده سبحان الله العظيم

انا مش عارف بعض الناس بتعارض بحرقة اوي كده ليه
مع انه من المفترض انه من المستهلكين مثلي ومثل غيري والمستهلك بيدور
على اي تخفيض يستفاد بيه مهما كان كبيرا او صغيرا

انا افهم ان واحد من التجار يدخل ويعارض ويقول ده مش هحيصل
لكن واحد من المستهلكين هو اللي يعمل كده ؟؟؟؟!! انتم احكموا انا مش هاتكلم

واخيرا مرة تانية انا متاكد من كلامي 100 %
واللي مش عارف يسال في الجمارك او وزارة التجارة والصناعة

اول يناير 2015 مش بعيد
كلها كام يوم والمية تكدب الغطاس
وهنشوف انا اللي صح ولا الناس اللي بتعارض وخلاص

مية ايه و غطاس ايه
هو حد قالك ان مفيش تخفيض ؟
التخفيض مس محسوس و هيفضل كدا و مش هتفرق الا على العربيات ال اكتر من 1600 سي سي ال محدش بيشتريها اصلا في مصر
التحفيض في الجمارك هتلاقي قصاده 100 ضريبة و دمغه
ده غير انه هيفضل يجمرك الكماليات عادي زي ما كان بيعمل قبل كدا

و متكتبش باللون الاحمر تاني عشان ممنوع

**mazen21** · 06-11-2014 05:03 PM

الناس اللي موراهاش حاجة غير نفي التخفيض او التقليل من شأنه زي مش هيبقي محسوس
وغيره

الفيصل بيني وبينكم يناير 2015 ونقارن الاسعار ساعتها نزلت قد ايه
كتييير ولا قليل

على كل العربيات ولا على اللي اكثر من 1600

على فكرة الاتفاقية لم تحدد سعة لترية محددة وارجع للاتفاقية انا حاطط موقعها

يا رب متقوليش اللون الازرق ممنوع كمان

واخيرا علشان مزعلكمش
يا جماعة اللي مش فارق معاه التخفيض
======
ميبعش عربيته القديمة دلوقتي
واللي ناوي يشتري دلوقتي يروح يشتري ما دام مش فارق معاه التخفيض المنتظر
=====
اراكم بعد 53 يوم (يناير 2015)

**corolladestroyer** · 06-11-2014 07:07 PM

المشاركة الأصلية كتبت بواسطة corolladestroyer

لا لا لا يافندم
جيتا ايه اللي ب 115 عمرها ما حصلت...
ده الكورولا المانيوال 1.6 كانت ب 120 الف

يافندم في 2008
الجيتا اوتو بيزك 170 الف

الاوكتافيا a5 اوتو 168 الف والهاي لاين اليجانس كانت 195 الف

الباسات مانيوال 200 الف و الاوتو 230 بيزك

الجولف ب 170 الف و هاي لاين كانت 205 الف!!

البي ام 316 مانيوال كانت ب 240 الف
الب ام 320 كانت ب 360 الف

طبعا دلوقت اغلى بس تعالى نقارن الاسعار

الباسات كانت ب 230 الف
دلوقت ب 245 الف فرق ولا حاجه بالنسبه للجنيه الضااايع...

الجيتا 170 الف دلوقت 200 الف

الاوكتافيا 165 الف دلوقت 190 الف

ال 320 كانت 360 الف دلوقت 395 الف

في فرق بس مش كبير ده اصلا ولا حاجه بالنسبه للجنيه المتفرتك...

مش عارف تقريبا كلامي اتفهم غلط...
مغزى كلامي هنا ان في تخفيض حاصل بس احنا مش حاسيين بيه اوي عشان الجنيه بيقع جامد والدليل فروق الاسعار بين السيارت الاوربي عليت حاجه بسيطه
اما الباقي ال gap كبيره اوي
سيراتو 95 الف في 2008
سيراتو 145 الف في 2014
كورولا مانيوال 120 الف
كورولا مانيوال 165 الف
وهلم جراََ...